Category: ព័ត៌មានអន្តរជាតិ

កាលពីថ្ងៃទី១៧ ខែតុលា ឆ្នាំ ២០២៥ សារព័ត៌មាន SBS របស់ប្រទេសកូរ៉េខាងត្បូង បានចេញផ្សាយថា មានការកើនឡើងនូវករណីបាត់ខ្លួនជនជាតិកូរ៉េជាច្រើនបន្តបន្ទាប់គ្នា បន្ទាប់ពីធ្វើដំណើរទៅកាន់តំបន់អាស៊ីអាគ្នេយ៍។ សារព័ត៌មានដដែលនេះ បានសង្កត់ធ្ងន់ថា «កំណើនករណីបាត់ខ្លួនជនជាតិកូរ៉េទាំងនោះ កើតមានឡើងជាពិសេសនៅក្នុងប្រទេសថៃ និងមីយ៉ាន់ម៉ា» ។ យោងតាមរបាយការណ៍ បានបញ្ជាក់ថា យ៉ាងហោចណាស់មានមនុស្សប្រហែល ៥៣,០០០ នាក់ត្រូវបានចាប់ខ្លួន (ឬពាក់ព័ន្ធករណីផ្សេងទៀត) ក្នុងប្រតិបត្តិការបង្ក្រាបរបស់អាជ្ញាធរតាមតំបន់នីមួយៗ ហើយមានការព្រមានអំពីបណ្តាញឧក្រិដ្ឋកម្មដ៏សកម្មនៅក្នុងតំបន់ ដែលកំណត់គោលដៅលើជនជាតិកូរ៉េ ។ ជនរងគ្រោះ ត្រូវគេបោកបញ្ឆោតដោយអូសទាញទៅកាន់តំបន់អាស៊ីអាគ្នេយ៍ក្រោមលេសនៃការធ្វើដំណើរ ឬផ្ដល់ឱកាសធ្វើជាតារាបង្ហាញម៉ូតនៅក្នុងប្រទេសថៃ ជាពិសេសក្នុងទីក្រុងបាងកក និងខេត្តឈៀងម៉ៃ ហើយបន្ទាប់មក ក៏ត្រូវគេដកហូតលិខិតឆ្លងដែន ឬទូរសព្ទដៃ រួចក៏ត្រូវគេយកទៅបង្ខាំង ឬវាយដំ និងបង្ខំឱ្យចូលរួមក្នុងបណ្ដាញបោកប្រាស់និងការជួញដូរជាបន្តទៀត ឬបង្ខំឱ្យធ្វើការងារខុសច្បាប់ផ្សេងៗនៅតាមទីតាំងកំណត់ដទៃទៀត ។  ជាពិសេស ជនរងគ្រោះខ្លះ ត្រូវគេនាំយកទៅកាន់តំបន់គ្មានច្បាប់ទម្លាប់នៅភាគខាងជើងប្រទេសមីយ៉ាន់ម៉ា ជាទីកន្លែងដែលពួកគេត្រូវបានក្រុមឧក្រិដ្ឋជនកេងប្រវ័ញ្ចនៅក្នុងប្រតិបត្តិការឆបោកនៅតាមប្រព័ន្ធអ៊ីនធឺណិត ឬក្នុងករណីធ្ងន់ធ្ងរខ្លាំងបំផុត ដោយត្រូវគេគំរាមវះកាត់យកសរីរាង្គថែមទៀតផង ប្រសិនបើជនរងគ្រោះមិនអនុវត្តតាមអ្វីដែលពួកឧក្រិដ្ឋជនទាមទារ ដូចធ្វើបានដូចគោលដៅដែលពួកគេកំណត់ ។ គួររម្លឹកថា តាមរយៈរបាយការណ៍ខាងលើនេះ បានសង្កត់ធ្ងន់ថា នេះមិនមែនគ្រាន់តែជាបញ្ហាបាត់ខ្លួនធម្មតានោះទេ ប៉ុន្តែជាទម្រង់នៃការជួញដូរមនុស្សនាសម័យទំនើប ដោយជំរុញឱ្យពលរដ្ឋរបស់ខ្លួនទាំងអស់បង្កើនការប្រុងប្រយ័ត្នឱ្យបានខ្ពស់ជាទីបំផុត ៕ ប្រភព៖ SBS News | រូបភាព៖ Read more

ទីបំផុត ម្ចាស់ពានរង្វាន់ណូបែលសន្តិភាពឆ្នាំ២០២៥ មិនមែនជាប្រធានាធិបតី ដូណាល់ ត្រាំ ឡើយ។ ពីទីក្រុងអូស្លូ ទឹកដីន័រវេស គណៈកម្មាធិការណូបែល ដែលបន្ទុកប្រគល់មេដាយណូបែល បានប្រកាសឈ្មោះលោកស្រី Maria Corina Machado របស់វ៉េណេស៊ុយអេឡា។ លោកស្រី Machado ត្រូវបានផ្ដល់កិត្តិយសចំពោះការប្រឹងប្រែងយ៉ាងមិនរាថយក្នុងការជំរុញសិទ្ធិប្រជាធិបតេយ្យសម្រាប់ប្រជាជនវ៉េណេស៊ុយអេឡា និងចំពោះការតស៊ូរបស់លោកស្រីដើម្បីសម្រេចបាននូវការផ្លាស់ប្តូរដោយយុត្តិធម៌ និងសន្តិភាព ពីរបបផ្តាច់ការទៅរកប្រជាធិបតេយ្យ។» ប្រធានគណៈកម្មាធិការណូបែល លោក Jorgen Watne Frydnes ប្រកាសបែបនេះ។ ម្ចាស់មេដាយណូបែលសន្តិភាព និងមេដាយវេជ្ជសាស្រ្ត គីមីវិទ្យា រូបវិទ្យា អក្សរសាស្រ្ត និងសេដ្ឋកិច្ច ត្រូវទទួលបានថវិកាជាងមួយលានដុល្លារ។ ម្ចាស់មេដាយនៅសល់មួយទៀតដែលមិនទាន់ប្រកាស គឺផ្នែកសេដ្ឋកិច្ច។ ពិធីប្រគល់មេដាយ នឹងធ្វើនៅថ្ងៃទី១០ ខែធ្នូ ដែលជាថ្ងៃកំណើតលោក Alfred Nobel ដែលជាស្ថាបនិកពានរង្វាន់ដ៏ល្បីឈ្មោះមួយនេះ៕

អង្គការសហប្រជាជាតិ នឹងកាត់បន្ថយកងកម្លាំងមួកខៀវចំនួន២៥ភាគរយជុំវិញពិភពលោក ព្រោះកង្វះថវិកា ក្រោយអាម៉េរិកកាត់ជំនួយ។ កងកម្លាំងចន្លោះពី១៣ម៉ឺន ទៅ១៤ម៉ឺននាក់នឹងត្រូវបញ្ជូនទៅប្រទេសកំណើតវិញ។ បញ្ហាកង្វះថវិកា កំពុងបង្កបញ្ហាដល់ប្រតិបត្តិការរបស់កងកម្លាំងរក្សាសន្តិភាពរបស់អង្គការសហប្រជាជាតិ។ ដោយសាររឿងលុយនេះ កម្លាំងមួកខៀវជាច្រើន ត្រូវវិលចូលប្រទេសដើមវិញ។ «សរុបមកយើងនឹងត្រូវធ្វើមាតុភូមិនិវត្តន ប្រហែល២៥ភាគរយនៃទ័ពរក្សាសន្តិភាព និងប៉ូលិសសរុបរបស់ពួកយើង ព្រមទាំងឧបករណ៍ ហើយបុគ្គលិកស៊ីវិលមួយចំនួនធំនៅក្នុងបេសកកម្មក៏នឹងរងផលប៉ះពាល់ផងដែរ»។  នេះជាការលើកឡើងរបស់មន្ត្រីជាន់ខ្ពស់ UN ​ដែលត្រូវបាន​ចុះ​ផ្សាយ​របស់​ទីភ្នាក់ងារ​ព័ត៌មាន Reuters។  ការផ្ដាច់ជំនួយរបស់អាម៉េរិក ជារឿងចម្បងដែលធ្វើឲ្យស្ថាប័នពិភពលោកមួយនេះជួបបញ្ហា។ កន្លងមក អាម៉េរិក គ្រោងនឹងផ្តល់ឱ្យកញ្ចប់លុយចំនួនប្រហែល១,៣ ពាន់លានដុល្លារនៃថវិកាសរុបចំនួន ៥,៤ ពាន់លានដុល្លារ សម្រាប់ប្រតិបត្តិការរក្សាសន្តិភាពឆ្នាំ ២០២៥-២០២៦។  ប៉ុន្តែមកដល់ពេលនេះ អាម៉េរិកផ្តល់លុយឱ្យត្រឹមតែពាក់កណ្តាលនៃអ្វីដែលខ្លួនបានសន្យាប៉ុណ្តោះចំនួន៦៨២ លានដុល្លារ។ លុយមួយផ្នែកដែលមានចំនួន៨៥លានដុល្លារគឺសម្រាប់បេសកកម្មថ្មីនៅហៃទី ដើម្បីប្រយុទ្ធប្រឆាំងនឹងក្រុមក្មេងទំនើង។  ក្រៅពីអាម៉េរិក ចិនក៏ជាប្រភពផ្ដល់ជំនួនធំដែរ។ ចិនត្រូវបានគេរំពឹងថានឹងផ្តល់ប្រាក់ប្រមាណ១,២ពាន់លានដុល្លារ ដែលនេះគឺជាចំនួនដ៏ច្រើនមួយ។ ទោះជាយ៉ាងណាក្តី ដោយអាម៉េរិកផ្តល់ចំនួនតិចជាការរំពឹងទុក ថវិកាសរុបនៅតែមិនគ្រប់។ UN រំពឹងថា នឹងមានការខ្វះខាតប្រហែល១៦ ទៅ១៧ភាគរយ។ ការខ្វះខាតថវិកា កំពុងបង្កើនការព្រួយបារម្ភអំពីសមត្ថភាពរបស់ UN  ក្នុងការដំណើរការបេសកកម្មរក្សាសន្តិភាពរបស់ខ្លួនឱ្យបានត្រឹមត្រូវ។ លោក Louis Charbonneau  នៃអង្គការឃ្លាំមើលសិទ្ធិមនុស្សបាននិយាយថា ការកាត់កងទ័ពអាចប៉ះពាល់ដល់ការការពារជនស៊ីវិល ការត្រួតពិនិត្យបទឈប់បាញ់ និងជំនួយមនុស្សធម៌ ។  «នៅកន្លែងដូចជាស៊ូដង់ខាងត្បូង ដែលអ្នករក្សាសន្តិភាពជួយការពារជនស៊ីវិលជាច្រើន Read more

ប្រធានាធិបតីអាមេរិក លោក ដូណាល់ ត្រាំ នឹងចូលរួមកិច្ចប្រជុំកំពូលមេដឹកនាំអាស៊ាននៅប្រទេសម៉ាឡេស៊ីនៅចុងខែនេះ លុះត្រាតែរដ្ឋាភិបាលម៉ាឡេស៊ីយល់ព្រមអនុញ្ញាតឱ្យលោកធ្វើជាអធិបតីក្នុងពិធីចុះហត្ថលេខាជាផ្លូវការលើកិច្ចព្រមព្រៀងសន្តិភាពរវាងកម្ពុជា និងថៃ នៅក្រៅកិច្ចប្រជុំកំពូល។ នេះបើតាមការចេញផ្សាយដោយសារព័ត៌មាន Politico ចេញផ្សាយនៅថ្ងៃទី០៧ ខែតុលា ឆ្នាំ២០២៥នេះ។ ពិធីនេះនឹងផ្តល់ឱ្យលោក ត្រាំ នូវឱកាសដ៏ល្អឥតខ្ចោះដើម្បីបង្ហាញខ្លួនជា «អ្នកបង្កើតសន្តិភាព» នៅលើឆាកអន្តរជាតិ បន្ទាប់ពីលោកបានដើរតួនាទីយ៉ាងសំខាន់ក្នុងការបញ្ចប់ជម្លោះព្រំដែនរយៈពេលប្រាំថ្ងៃរវាងប្រទេសទាំងពីរក្នុងខែកក្កដា។ សេតវិមានក៏បានស្នើសុំជាពិសេសឱ្យអ្នករៀបចំកិច្ចប្រជុំកំពូលដកមន្ត្រីចិនចេញពីពិធីនេះផងដែរ ដើម្បីធានាថា ការយកចិត្តទុកដាក់មានតែលើលោក ត្រាំ តែម្នាក់ឯង ព្រមទាំងកាត់បន្ថយតួនាទីរបស់ទីក្រុងប៉េកាំងក្នុងការសម្របសម្រួលរវាងទីក្រុងបាងកក និងភ្នំពេញ។ គួរបញ្ជាក់ថា ការទាមទាររបស់លោក ត្រាំ ធ្វើឱ្យម៉ាឡេស៊ីស្ថិតក្នុងស្ថានភាពដ៏លំបាកមួយ។ នាយករដ្ឋមន្ត្រីម៉ាឡេស៊ី លោក អាន់វ៉ា អ៉ីប្រាហ៊ីម ត្រូវការចៀសវាងការធ្វើឱ្យលោក ត្រាំ ខកចិត្ត ខណៈមេដឹកនាំម៉ាឡេស៊ីកំពុងស្វែងរកកិច្ចព្រមព្រៀងពាណិជ្ជកម្មមួយ ដែលលោកសង្ឃឹមថា នឹងជួយកាត់បន្ថយពន្ធគយរបស់អាមេរិកបច្ចុប្បន្ន ១៩ភាគរយលើផលិតផលនាំចូលពីម៉ាឡេស៊ី។ ប៉ុន្តែទីក្រុងកូឡាឡាំពួរក៏មិនចង់ធ្វើឱ្យទីក្រុងប៉េកាំងដែលជាដៃគូពាណិជ្ជកម្មធំជាងគេរបស់ប្រទេស និងជាប្រភពដ៏សំខាន់នៃការវិនិយោគពីបរទេស អាក់អន់ចិត្តដែរ៕

រដ្ឋាភិបាលអាម៉េរិកបច្ចុប្បន្ន កំពុងស្ថិតក្នុងការផ្អាកប្រតិបត្តិការ ឬបិទស្ថាប័នរដ្ឋជាបណ្ដោះអាសន្ន ដោយសារតែសភា និងលោកប្រធានាធិបតី ដូណាល់ ត្រាំ (Donald Trump) មិនបានសម្រេចនូវការព្រមព្រៀងគ្នាលើកញ្ចប់ថវិកាថ្មីតាមកាលកំណត់ ។ រឿងនេះបានកើតឡើងដោយសារតែគណបក្សប្រជាធិបតេយ្យទាមទារប្រាក់រាប់រយពាន់លានដុល្លារអាម៉េរិក ដើម្បីស្ដារឡើងវិញនូវកម្មវិធីថែទាំសុខភាពដូចជា អូបាម៉ាឃែរ (Obamacare) ប៉ុន្តែត្រូវគណបក្សសាធារណរដ្ឋជំទាស់។ ការខ្វែងគំនិតគ្នាខាងនយោបាយនេះ បានរារាំងដល់ការអនុម័តច្បាប់ផ្តល់មូលនិធិរយៈពេលខ្លី ។ ការផ្អាកប្រតិបត្តិការ ឬបិទស្ថាប័នរដ្ឋាភិបាលនេះ មានន័យថា នាយកដ្ឋាន និងទីភ្នាក់ងារសហព័ន្ធជាច្រើននឹងត្រូវផ្អាកដំណើរការ ហើយវានឹងប៉ះពាល់ដល់បុគ្គលិករដ្ឋាភិបាលរាប់សែននាក់ ដោយពួកគេនឹងត្រូវត្រឡប់ទៅកាន់លំនៅដ្ឋានវិញ ឬមិនមានការងារធ្វើរហូតទាល់តែស្ថាប័នរដ្ឋដំណើរការឡើងវិញ ហើយនៅអំឡុងឈប់សម្រាកនោះ បុគ្គលិករដ្ឋនៅតែជាបុគ្គលិករដ្ឋគ្រាន់តែមិនទទួលបានប្រាក់ឈ្នួល ដោយត្រូវរង់ចាំរហូតដល់រឿងនេះ ត្រូវបានដោះស្រាយចប់សព្វគ្រប់ ។ ការផ្អាកប្រតិបត្តិការនៅតាមស្ថាប័នរដ្ឋជាបណ្ដោះអាសន្ននេះ នឹងមានរយៈពេលរហូតដល់កិច្ចព្រមព្រៀងផ្តល់មូលនិធិថ្មីត្រូវបានសម្រេច។ ដោយឡែក សេវាកម្មរដ្ឋសំខាន់ៗ ដូចជាយោធា និងសេវាប្រៃសណីយ៍នឹងបន្តដំណើរការជាធម្មតា ប៉ុន្តែមុខងារផ្សេងទៀតនឹងត្រូវផ្អាក ។ ជុំវិញស្ថានភាពនេះ ក៏បានជះឥទ្ធិពលដល់ស្ថានទូតអាម៉េរិកនៅតាមបណ្ដាប្រទេសជាច្រើន ក្នុងនោះ ស្ថានទូតអាម៉េរិកនៅក្នុងរាជធានីភ្នំពេញ តាមរយៈទំព័រហ្វេសបុករបស់ខ្លួន បានបង្ហោះសំណេរថា «ដោយសារតែមិនមានការព្រមព្រៀងលើការចំណាយថវិកា គណនីបណ្តាញសង្គមហ្វេសប៊ុករបស់ស្ថានទូតអាម៉េរិកនៅភ្នំពេញ នឹងមិនធ្វើបច្ចុប្បន្នភាពជាទៀងទាត់នោះទេ រហូតដល់ប្រតិបត្តិការទាំងស្រុងត្រូវបានបន្តឡើងវិញ លើកលែងតែព័ត៌មានសុវត្ថិភាព និងសន្តិសុខបន្ទាន់។ នៅពេលនេះ សេវាកម្មលិខិតឆ្លងដែន និងទិដ្ឋាការនានាដែលបានណាត់រួច ស្ថានទូតអាម៉េរិកភ្នំពេញ នឹងបន្តដំណើរការដោយស្ថានការណ៍អនុញ្ញាតបាន។ សម្រាប់ព័ត៌មានបន្ថែមអំពីសេវាកម្ម និងស្ថានភាពប្រតិបត្តិការរបស់យើង សូមចូលទៅកាន់ Read more

កូរ៉េខាងត្បូងបាននិយាយថា កូរ៉េខាងជើងប្រហែលជាមាននូវសារធាតុអ៊ុយរ៉ានីញ៉ូមសរុបប្រហែល ២តោន ដែលអាចចម្រាញ់ផលិតអាវុធនុយក្លេអ៊ែរបាន បើទោះបីជាបានទទួលរងនូវការដាក់ទណ្ឌកម្មអស់ជាច្រើនឆ្នាំមកក៏ដោយ។ នេះបើយោងតាមការចេញផ្សាយដោយសារព័ត៌មាន Reuters។  ជាយូរមកហើយ កូរ៉េខាងជើងត្រូវគេជឿថា មានសារធាតុអ៊ុយរ៉ានីញ៉ូមដែលត្រូវបានចម្រាញ់ក្នុងកម្រិតខ្ពស់ ក្នុងបរិមាណដ៏ច្រើនមួយ ខណៈវាជាវត្ថុធាតុដ៏សំខាន់ដើម្បីផលិតក្បាលគ្រាប់នុយក្លេអ៊ែរ។ តាមការបញ្ជាក់ដ៏កម្រជាសាធារណៈនេះ ទីក្រុងសេអ៊ូលបាននិយាយថា បណ្តាញស៉ើបការណ៍សម្ងាត់កូរ៉េខាងត្បូងបានវាយតម្លៃថា នាពេលបច្ចុប្បន្នទីក្រុងព្យុងយ៉ាង បានចម្រាញ់សារធាតុអ៊ុយរ៉ាញ៉ូមជាង ៩០ភាគរយ គឺមានប្រហែល ២ ០០០ គីឡូក្រាម ខណៈបរិមាណនេះវាគ្រប់គ្រាន់ក្នុងការផលិតអាវុធនុយក្លេអ៊ែរបានយ៉ាងច្រើន។ គួរបញ្ជាក់ថា ប្រទេសកូរ៉េខាងជើង បានធ្វើតេស្តអាវុធនុយក្លេអ៊ែររបស់ខ្លួនជាលើកដំបូងកាលពីឆ្នាំ២០០៦ ហើយនិងកំពុងស្ថិតក្រោមការដាក់ទណ្ឌកម្មជាច្រើនរបស់អង្គការសហប្រជាជាតិសម្រាប់កម្មវិធីអភិវឌ្ឈសព្វាវុធ ដែលត្រូវបានហាមឃាត់នេះ៕

នាយកដ្ឋានបង្ការ និងកាត់បន្ថយគ្រោះមហន្តរាយរបស់ប្រទេសថៃ (DDPM) បានរាយការណ៍កាលពីថ្ងៃទី ២៣ ខែកញ្ញា ឆ្នាំ២០២៥ ថា ទឹកជំនន់នៅតែបន្តវាយប្រហារខេត្តចំនួន ១៦ ហើយបានប៉ះពាល់ដល់ប្រជាជនជាង ២៥ម៉ឺននាក់។ ក្នុងចំណោមនេះ មានអ្នកស្លាប់ចំនួន ៤ នាក់ នៅខេត្តភេតឆាប៊ុន (Phetchabun), ភីឈីត (Phichit) និងអាយុធ្យា (Ayutthaya)។ តាមរបាយការណ៍ បច្ចុប្បន្នស្រុកចំនួន ៦៣ ឃុំចំនួន ៣៧២ និងភូមិជាង ២,០០០ ត្រូវបានទឹកជំនន់លិចធ្ងន់ធ្ងរ។ ទឹកដែលហូរចេញពីទំនប់ចៅប្រាយ៉ា (Chao Phraya) បានបណ្តាលឲ្យមានទឹកជំនន់នៅក្នុងខេត្តភាគកណ្តាលចំនួន ៨ រួមមាន៖ ឧទ័យធានី (Uthai Thani), សិងបុរី (Sing Buri), អាងថុង (Ang Thong), ស៊ុផានបុរី (Suphan Buri), អាយុធ្យា (Ayutthaya), បទុមធានី (Pathum Thani) និងនគរបទុម (Nakhon Pathom)។ តំបន់ទាំងនេះបានប៉ះពាល់ដល់ប្រជាជនជាង ១៨ម៉ឺននាក់ ក្នុងចំណោមជាង ៥៦,០០០ Read more

លោកស្រី Sushila Karki ត្រូវបានតែងតាំងជានាយករដ្ឋមន្ត្រីបណ្តោះអាសន្ន នៅយប់ថ្ងៃសុក្រ ទី១២ កញ្ញា នៅ វិមានប្រធានាធិបតី លោកស្រីបានស្បថចូលកាន់តំណែង នៅចំពោះមុខប្រធានាធិបតី មន្ត្រីជាន់ខ្ពស់នេប៉ាល់ និងមន្ត្រីអង្គទូត។ លោកស្រីមានភារកិច្ចដ៏ធំធេងដឹកនាំរដ្ឋាភិបាលបណ្តោះអាសន្ន ដើម្បីការរួបរួមជាតិ និងរៀបចំការបោះឆ្នោត នៅថ្ងៃទី៥ មីនា ឆ្នាំ២០២៦ បន្ទាប់ពីផ្ទុះបាតុកម្មនៅក្រុង Katmandou ប្រឆាំងនឹងរដ្ឋាភិបាលដឹកនាំដោយលោក Khadga Prasad Sharma Oli នៅដើមសប្តាហ៍នេះ។ បាតុកម្មហិង្សានេះបានបណ្តាលឲ្យមនុស្សស្លាប់ យ៉ាងហោចណាស់ ជាង៧០នាក់ និងរបួសជាង ១៩០នាក់ ព្រមទាំងបានបំផ្លិចបំផ្លាញវិមានរដ្ឋសភា និវេសនដ្ឋានរបស់លោកអតីតនាយករដ្ឋមន្ត្រី និងផ្ទះឥស្សរជនជាន់ខ្ពស់នេប៉ាល់ ជាច្រើនកន្លែង។ នេះបើយោងតាមតុល្យការរបស់អាជ្ញានេប៉ាល់ នៅថ្ងៃអាទិត្យ ទី១៤ កញ្ញា។ នៅថ្ងៃអាទិត្យ ដដែល លោកស្រីនាយករដ្ឋមន្ត្រីបណ្តោះអាសន្នបានធ្វើសេចក្តីថ្លែងការណ៍ជាសាធារណៈលើកដំបូង។លោកស្រីបានសន្យាជិករំលើងឫសគល់នៃអំពើពុករលួយក្នុងប្រទេស រៀបចំប្រទេសឲ្យល្អប្រសើរ និងព្យាយាមធ្វើឲ្យមាន សមភាពសេដ្ឋកិច្ច ដើម្បីឆ្លើយតបទៅនឹងទាមទាររបស់បាតុករនេប៉ាល់ ដែលសុទ្ធសឹងជាយុវជនមានវ័យចន្លោះពី ១៥ឆ្នាំ ទៅ២៥ឆ្នាំ។ លោកស្រីមិននឹកស្មានថា ទទួលបានការគាំទ្រយ៉ាងភ្លក់ទឹកស្លឹកដីពីសំណាក់យុវជនយ៉ាងដូច្នេះឡើយ ដោយឃើញ ឈ្មោះ របស់លោកស្រី នៅតាមដងផ្លូវនៃទីក្រុង Katmandou។ លោកស្រី ក៏បានអះអាងថា ទោះបីជាស្ថានការណ៍នយោបាយក្នុងប្រទេសនេប៉ាល់ Read more

សហរដ្ឋអាម៉េរិក៖ តាមរយៈសារនៅលើបណ្ដាញសង្គម ការិយាល័យស៊ើបអង្កេតសហព័ន្ធ ហៅកាត់ថា FBI បានប្រកាសថា នឹងផ្តល់រង្វាន់ ១០ម៉ឺនដុល្លារអាម៉េរិក សម្រាប់រាល់ព័ត៌មានដែលនាំទៅដល់ការចាប់ខ្លួនខ្មាន់កាំភ្លើង។ ក្រុមអ្នកស៊ើបអង្កេត និយាយថា ខ្មាន់កាំភ្លើងបានបន្សល់ទុកកាំភ្លើង និងគ្រាប់រំសេវ នៅតំបន់ព្រៃក្បែរនោះ ខណៈ FBI ប្រមូលបានភ័ស្តុតាងមួយចំនួនទៀត។ FBI បានធ្វើការចែករំលែករូបភាពពីកាមេរ៉ាសុវត្ថិភាព ដែលបង្ហាញពីភិនភាគរបស់ជនសង្ស័យ ដោយមានពាក់អាវដៃវែងពណ៌ខ្មៅ មានរូបឥន្ទ្រីនៅលើទង់ជាតិអាម៉េរិក វ៉ែនតាខ្មៅ និងមួកបេសប៊លពណ៌ដឹត។ ទីភ្នាក់ងារខាងលើ ក៏បានចេញផ្សាយវីដេអូឃ្លាំមើល ដោយបង្ហាញពីជនសង្ស័យដែលគេជឿថា ជាខ្មាន់កាំភ្លើងដែរបានបាញ់សម្លាប់សកម្មជនអភិរក្សនិយម វ័យ៣១ឆ្នាំ លោក ឆាលី ឃើក (Charlie Kirk) និងត្រូវជាមនុស្សជំនិតរបស់ប្រធានាធិបតីអាម៉េរិក លោក ដូណាល់ ត្រាំ (Donald Trump) កាលពីពេលរសៀលថ្ងៃទី១០ ខែកញ្ញា ឆ្នាំ២០២៥ ៕

ប្រធានាធិបតី​អា​មេ​រិ​ក​លោក​ដូ​ណា​ល់​ត្រាំ​បាន​ចោទប្រកាន់​សុន្ទរកថា​របស់​ក្រុម​ធ្វេ​ង​និយម​រ៉ា​ឌី​កាល់​ថា រួមចំណែក​ដល់​ការ​បាញ់​សម្លាប់​មនុស្ស​ជំនិត​លោក​ម្នាក់​កាលពី​ថ្ងៃ​ទី​១០​កញ្ញា​។ លោក​ CHARLIE KIRK​ ជា​អ្នក​អភិរក្សនិយម​មាន​ឥទ្ធិពល​ម្នាក់​ក្នុង​ចំណោម​យុវវ័យ និង​ជាទី​ប្រឹក្សា​មួយ​រូប ក្នុង​ចំណោម​ទីប្រឹក្សា​របស់​លោក​ត្រាំ ជា​អ្នក​ជ្រោង​ទង់​យុវជន​ស្និទ្ធ​លោក​ត្រាំ ត្រូវ​បាញ់​សម្លាប់​ក្នុង​អង្គ​មី​ទ្ទីង​ជា​សាធារណៈ​មួយ​ក្នុង​សាកលវិទ្យាល័យ​រដ្ឋ​អ៊ូ​តា​ហ៍​ភាគ​ខាងលិច​អា​មេ​រិ​ក​។ លោក​ត្រាំ​ក្រោយ​ការ​បាញ់​សម្លាប់​លោក​CHARLIE KIRK​បាន​ចាត់​ទុក​លោក​ថា ជា​ទុក្ករបុគ្គល​នៃ​ការ​ពិត​និង​សេរីភាព​។ ក្រោយ​បាញ់​សម្លាប់​មនុស្ស​ជំនិត​នោះ​របស់​ប្រធានាធិបតី​រួច​ហើយ ខ្មាន់កាំភ្លើង​កំពុង​រត់គេច​ខ្លួន និង​កំពុង​ត្រូវ​តាម​រក​យ៉ាង​សកម្ម​។ សម្រាប់​ពេល​នេះ​មូលហេតុ​នៃ​ការ​ធ្វើឃាត​នោះ​នៅ​មិន​ទាន់​ដឹង​នៅឡើយ​។ ក្នុង​វី​ដេ​អូ​មួយ​ចេញផ្សាយ​តាម​បណ្ដាញ​សង្គម​TRUTH SOCIAL លោក​ត្រាំ​ចោទប្រកាន់​ថា ចាប់​តាំងពី​ច្រើន​ឆ្នាំ​មក​ហើយ​ក្រុម​ធ្ចេ​ង​និយម​រ៉ា​ឌី​កាល់ តែង​ប្រៀបប្រដូច​ពលរដ្ឋ​អា​មេ​រិ​ក​ដែល​ខ្លាំង​ៗ​ដូច​ជា​លោក CHARLIE​ទៅ​នឹង​ពួក​ណា​ហ្សុ​ី ពួក​ឧក្រិដ្ឋជន​អាក្រក់​ៗ​និង​ពួក​ឃាតករ​ដែល​សម្លាប់​មនុស្ស​ច្រើន​នៃ​ពិភពលោក​។ វោហា​សាស្ត្រ​បែប​នេះ​ពិតជា​ទទួលខុសត្រូវ​ដោយ​ផ្ទាល់​ដល់​ភេរវកម្ម ដែល​យើង​ជួប​ប្រទះ​នា​ពេល​នេះ​ក្នុង​ប្រទេស​យើង​។ វោហា​សាស្ត្រ​ទាំងនោះ​ត្រ​វ​បញ្ឈប់​ជា​បន្ទាន់​។ លោក​បន្ត​ថា រដ្ឋបាល​របស់​យើង​នឹង​តាម​រក​ពួក​អ្នក​ដែល​រួមចំណែក​ក្នុង​អំពើ​សាហាវ​នោះ និង​អំពើ​ហិង្សា​នយោបាយ​ដទៃ​ៗ​ទៀត ក្នុង​នោះ​មាន​បណ្ដា​អង្គការ​ដែល​ជួយ​ខាង​លុយកាក់ និង​ជួយ​ទ្រទ្រង់​ពួក​គេ​ផង​។ ប្រមុខ​ប៉ូលិស​សហព័ន្ធ​អា​មេ​រិ​ក​FBI មុន​នេះ​លើក​ឡើង​ពី​ការ​ចាប់ខ្លួន​មនុស្ស​ម្នាក់​ដែល​ក្រោយមក​ត្រូវ​បាន​ដោះ​លែង​វិញ​។ ការ​ស្លាប់​របស់​លោក​CHARLIE KIRK​ត្រូវ​បាន​ប្រកាស​ដោយ​លោក​ដូ​ណា​ល់​ត្រាំ ប៉ុន្មាន​ម៉ោង​បន្ទាប់​ពី​បុរស​វ័យ​៣១​ឆ្នាំ​រូប​នោះ​រង​ការ​បាញ់ប្រហារ​។ ឆាក​នៃសោក​នាដ​កម្ម​នោះ​ត្រូវ​បាន​ត្រូវ​ថត​បាន ជា​វី​ដេ​អូ​ដែល​ផ្សាយ​ពាសពេញ​បណ្ដាញ​សង្គម​។ លោក​ត្រាំ​បាន​បញ្ជា​ឲ្យ​បង្ហូតទង់ជាតិ​ត្រឹម​ពាក់កណ្ដាល​ដង ជា​ការ​គោរព​វិញ្ញាណក្ខន្ធ​របស់​លោក​CHARLIE KIRK៕