Category: សន្តិសុខសង្គម

ក្រោមការចង្អុលបង្ហាញពីគណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា ហៅកាត់ថា គ.ប. ឆ.ប.​ (ONLINE SCAMS) គណៈបញ្ជាការឯកភាពខេត្តកំពត ក្នុងដើមខែសីហា ឆ្នាំ២០២៥ បានដឹកនាំកម្លាំងចម្រុះរបស់ស្នងការនគរបាល បញ្ជាការដ្ឋានកងរាជអាវុធហត្ថ មន្ត្រីជំនាញ និងដោយមានការចូលរួមពីព្រះរាជអាជ្ញាអមសាលាដំបូងខេត្តកំពត និងអាជ្ញាធរពាក់ព័ន្ធ បានបើកប្រតិបត្តិការបង្ក្រាបទ្រង់ទ្រាយធំនិងអនុវត្តន៍នីតិវិធីច្បាប់លើបណ្តាញឧក្រិដ្ឋជនឆបោកតាមប្រព័ន្ធបច្ចេកវិទ្យាទាក់ទងនឹងករណីផ្សេងៗគ្នា នៅក្នុងភូមិសាស្ត្រខេត្តកំពត ដោយបានឈានទៅឃាត់ខ្លួនជនសង្ស័យ និងចេញដីកាបង្គាប់ឱ្យឃុំខ្លួនជនសង្ស័យជាមេខ្លោង សរុបចំនួន១៤នាក់ ពាក់ព័ន្ធនឹងបទល្មើសឆបោកអនឡាញ និងឃាតកម្មដោយអំពើឃោរឃៅ ដើម្បីឈានទៅផ្តន្ទាទោសតាមនីតិវិធីច្បាប់ ព្រមទាំងបានសង្គ្រោះជនបរទេសជាជនរងគ្រោះពីក្រុមឧក្រិដ្ឋជនទៀតផង។ ប្រតិបត្តិការបង្រ្កាបចាប់ពីថ្ងៃទី០៨ ខែសីហា ដល់ថ្ងៃទី១២ ខែសីហា ឆ្នាំ២០២៥ បានទទួលលទ្ធផលដូចខាងក្រោម៖ បង្រ្កាបបទល្មើសឆបោកតាមប្រព័ន្ធបច្ចេកវិទ្យា (Online Scam) និងករណីឃាតកម្មដោយមានទារុណកម្មនិងអំពើឃោរឃៅ នៅបូរី Villa Crown (តំបន់ ៣) និងអគារ (តំបន់៤) ចំណុចលើភ្នំបូកគោ ស្ថិតក្នុងភូមិរលួស សង្កាត់ បឹងទូក ក្រុងបូកគោ ខេត្តកំពត ចំនួន ០២ករណី។ *ករណីទី០១ កម្លាំងសមត្ថកិច្ចបានចុះត្រួតពិនិត្យផ្ទះវីឡាកើតហេតុ ហើយបានរកឃើញ និងដកហូតសម្ភារៈបម្រើឱ្យការឆបោក (Online Scam) ជាច្រើន រួមមាន៖ ទូរស័ព្ទដៃចំនួន ៣០១គ្រឿង កុំព្យូទ័រ Desktop Read more

លោក កែវ តារារស្មី អភិបាលស្រុកអូជ្រៅ បានថ្លៃងថា៖ ការឈ្លានពានរបស់ទាហានថៃ ដោយបណ្តេញពលរដ្ឋខ្មែរចេញពីផ្ទះ រាយបន្ថាលួសចូលដីកម្ពុជាក្នុងស្រុកអូរជ្រៅមានចំនួនពីរភូមិ៖ ១-ភូមិព្រៃចាន់ ឃុំអូរបីជាន់ ស្រុកអូរជ្រៅ ទាហានថៃបានឈ្លានពាន បណ្តេញពលរដ្ឋខ្មែរចេញពីផ្ទះរាយបន្ថាលួសចូលដីកម្ពុជា ប្រហែល២០០ម៉ែត្រ ប៉ះពាល់ ៦គ្រួសារ ៦ខ្នងផ្ទះ ពលរដ្ឋ៣៧នាក់ កាលពីថ្ងៃទី១៣ ខែសីហា ឆ្នាំ២០២៥ ។ ២-ភូមិជោគជ័យ ឃុំអូរបីជាន់ ស្រុកអូរជ្រៅ ទាហានថៃបានឈ្លានពាន បណ្តេញពលរដ្ឋខ្មែរចេញពីផ្ទះរាយបន្ថាលួសចូលដីកម្ពុជា ប្រហែល១៤០ម៉ែត្រ ប៉ះពាល់ ៦គ្រួសារ ៦ខ្នងផ្ទះ ពលរដ្ឋ២២នាក់ កាលពីថ្ងៃទី១២ ខែសីហា ឆ្នាំ២០២៥ ។ លោក យល់ឃើញថា នេះជាការរំលោភបំពាន ដែន​អធិបតេយ្យភាពព្រះរាជាណាចក្រកម្ពុជា រំលោភបំពាន MOU ឆ្នាំ២០០០ ដែល កម្ពុជា-ថៃ រក្សាសកម្មភាពដើមទាំងអស់ រង់ចាំគណៈកម្មាការព្រំដែនដោះស្រាយ ។ ក្នុងនាមលោកជាអាជ្ញាធរ អប់រំ ណែនាំពលរដ្ឋឱ្យអត់ធ្មត់ ស្តាប់តាមការណែនាំ នឹងទុកចិត្តលើរាជរដ្ឋាភិបាល ។ លោកបន្ថែមថា អាជ្ញាធរ យកចិត្តទុកដាក់ ការហូបចុក សុខមាភាពជូនពួកគាត់ ដោយយកចិត្តទុកដាក់ខ្ពស់ Read more

យុវជន ហុង រិ​ទ្ធី​រក្ស ដែល​ជា​ជន​រង​គ្រោះ​ម្នាក់​ក្នុង​ចំណោម​ជន​រង​គ្រោះ​៤​នាក់ នៅ​ក្នុង​ហេ​​តុ​ការណ៍​បាញ់ប្រហារ​ដោយ​អតីត​ឧកញ៉ា ស្រី ស៊ី​ណា ក្នុង​ជម្លោះ​ស្នួ​រហាល​ខោអាវ​នោះ បាន​ប្រកាស​ថា ពួក​ខ្លួន​ទទួល​បាន​យុត្តិធម៌​ហើយ​។ យុវជន ហុង រិ​ទ្ធី​រក្ស រៀបរាប់​តាម​គណនី​ហ្វេ​ស​បុក​របស់​ខ្លួន ដែល​មានឈ្មោះ​ថា Hong Rithea Reak យ៉ាង​ដូច្នេះ​ថា «​ពេល​ព្រឹក​ថ្ងៃ​ទី ១៩ សីហា ២០២៥ តុលាការ តុលាការ​កំពូល​បាន​ប្រកាសសេចក្តី​សម្រេច យក​ការ​សម្រេច​របស់​សាលាឧទ្ធរណ៍ ទុកជា​បានការ​ដដែល ។ យុត្តិធម៌​នៅ​តែ​មាន​សម្រាប់​​ប្រជាពលរដ្ឋ​ស្លូតត្រង់​ដូច​យើងខ្ញុំ ។ ខ្ញុំបាទ​សូម​អរគុណ​ទៅ​ដល់​សម្ដេច​ពុក ហ៊ុន សែន នឹង សម្ដេច​បវរ​អធិបតី ហ៊ុន ម៉ា​ណែ​ត ដែល​លោក​តែងតែ​យកចិត្តទុកដាក់​នៅ​ក្នុង​រឿង​ក្តី​របស់​យើងខ្ញុំ តាំងពី​ការ​កើតរឿង​ដំបូង​រហូត​ទទួល​បាន​យុត្តិធម៌​នៅ​ពេល​នេះ ។ ខ្ញុំបាទ​ជា​ប្រជាជន​ស្លូតត្រង់​ម្នាក់​ក៏​សូម​ជូនពរ​ឱ្យ​សម្ដេច​ទាំង​ទ្វេ មាន​សុខភាព​ល្អ នឹង​បន្ត​ដឹកនាំ​ដល់​កូនចៅ​និង​ប្រទេស​កម្ពុជា​តរៀង​ទៅ ។ ហើយ​ឆ្លៀតឱកាស​ពេល​នេះ​ក៏​សូម​អរគុណ​ទៅ​ដល់ ឯកឧត្តម កើត រិ​ទ្ធ ប្រធាន​ក្រសួងយុត្តិធម៌ ឯកឧត្តម គី តិច ប្រធាន​ក្រុម​មេធាវី​ស្ម័​ក្ស​ចិត្ត​តេ​ជោ​សែន នឹង មន្ត្រី​តុលាការ​គ្រប់ គ្រប់​ស្ថាន​ប័ន ។ សូម​អោយ​លោក​ទាំង​ពីរ ជោគជ័យ​គ្រប់​ភារកិច្ច ។ Read more

កម្ពុជាអះអាងថា តំបន់ដែលទាហានថៃជាន់មីនផ្ទុះ គឺស្ថិតក្នុងទឹកដីកម្ពុជា ជាតំបន់អតីតសមរភូមិពីជំនាន់សង្គ្រាមផ្ទៃក្នុងកម្ពុជា ដែលមានមីននិង យុទ្ធភ័ណ្ឌមិនទាន់ផ្ទុះនៅសេសសល់ ។  ឯកឧត្តមបណ្ឌិត លី ធុជ ទេសរដ្ឋមន្រ្តី អនុប្រធានទី១ អាជ្ញាធរកម្ពុជា គ្រប់ គ្រងសកម្មភាពកំចាត់មីន និងសង្គ្រោះជនពិការដោយសារមីន (អាជ្ញាធរមីន) បានថ្លែងយ៉ាងដូច្នេះ នៅក្នុងសន្និសីទសារព័ត៌មាន ស្ដីពីជំហរកម្ពុជាក្នុងការប្រយុទ្ធប្រឆាំង នឹងគ្រាប់មីន«កម្ពុជាស្រឡាញ់សន្តិភាព» ដែលរៀបចំឡើងដោយអាជ្ញាធរមីន នៅព្រឹកថ្ងៃទី១៨ខែសីហានេះ។ ឯកឧត្តមបណ្ឌិត ទេសរដ្ឋមន្ត្រី បានមានប្រសាសន៍ថា ក្នុងនាមជារដ្ឋភាគីនៃអនុសញ្ញាអូតាវ៉ា ដែលបច្ចុប្បន្នមាន ១៦៥ប្រទេសជារដ្ឋភាគី កម្ពុជាត្រូវបានទទួលស្គាល់ជាអន្តរជាតិ ចំពោះសមិទ្ធផលនៃការបោសសម្អាតដ៏ច្រើនលើសលុប។ ជារឿយៗកងទ័ពថៃតែងតែចោទប្រកាន់កម្ពុជា ដោយមិន បានផ្តល់ភស្តុតាងជាក់លាក់ ឬរបាយការណ៍នៃការស៊ើបអង្កេតពិតប្រាកដនោះឡើយ ដែលប្រទេសថៃបានយកបញ្ហាមីនធ្វើនយោបាយ ចោទប្រកាន់ម្តងហើយម្តងទៀត ដើម្បីជាលេសប្រើកម្លាំងយោធារំលោភមកលើកម្ពុជា។  ជាមួយគ្នានេះ ឯកឧត្តមទេសរដ្ឋមន្ត្រីប្រាប់ឱ្យភាគីថៃ កុំឱ្យចូលទៅក្នុងតំបន់ទាំងនេះ  ព្រោះជាតំបន់ដែលមានគ្រាប់មីន និងយុទ្ធភ័ណ្ឌមិនទាន់ផ្ទុះជាច្រើននៅសេសសល់ វាអាចបង្កគ្រោះថ្នាក់ដល់អាយុជីវិតមនុស្សគ្រប់ពេលវេលា។ក្នុងឱកាសនោះ ឯកឧត្តមបណ្ឌិត បានស្នើដល់អន្តរជាតិ ចូលរួមគាំទ្រលើការ ពិតដែលប្រទេសកម្ពុជាបានគោរពយ៉ាងខ្ជាប់ខ្ជួនលើអនុសញ្ញាអូតាវ៉ា។ កម្ពុជាជាស្ថាបនិកមួយនៃសន្ធិសញ្ញា អូតាវ៉ា ដោយមិនផលិត មិនប្រើប្រាស់ និងបានកំទេច ចោសគ្រាប់មីននិងកាកសំណល់សង្គ្រាម។ កម្ពុជាត្រូវការសន្តិភាព-ការអភិវឌ្ឍ។ គួរបញ្ជាក់ដែរថា ឆ្លើយតបទៅនឹងការចោទប្រកាន់មិនពិត និងគ្មានមូលដ្ឋានរបស់ប្រទេសថៃ ពាក់ព័ន្ធនឹងការផ្ទុះមីននៅតំបន់ជម្លោះព្រំដែនកម្ពុជា-ថៃ អាជ្ញាធរមីនបានផ្ញើលិខិតផ្លូវការ ជូនប្រធានអនុសញ្ញាអូតាវ៉ា Read more

តាមរយៈទំព័រហ្វេសប៊ុក នៅថ្ងៃទី១៦ ខែសីហា លោក ហេង រតនា បានសរសេរ នេះគឺសកម្មភាពបន្លំភ្នែក មន្ត្រីការទូតបរទេស និងក្រុមអង្គការអន្តរជាតិ ព្រោះគ្រាប់មីនទាំងអស់មិនទាន់ដកគន្លឹះសុវត្ថិភាពនៅឡើយ ដូច្នវគ្រាប់នោះមិនអាចបង្កការផ្ទុះឡើយ។ លោក ហេង រតនា ពន្យល់ដូច្នេះថា៖ ៖«គ្រាប់មីនPMN-2 ដែលសៀមដាក់បង្ហាញនៅលើតុ ដែលពន្យល់ថារកឃើញពីក្នុងដី និងចោទថាកងទ័ពកម្ពុជាដាក់ក្នុងដីសៀមនោះ ជាគ្រាប់មីនទាំងអស់ មិនទាន់ដកគន្លឹះសុវត្ថិភាពដើម្បីបង្កផ្ទុះឡើយ។ តាមធម្មតានិងបច្ចេកទេសប្រសិនការដាក់មី នដើម្បីឱ្យសត្រូវជាន់ផ្ទុះ ត្រូវតែដកគន្លឹះសុវត្ថិភាពចេញ ហើយ បើមិនដកគឺជាន់មិនផ្ទុះនោះទេ!»។ ការលើកឡើងរបស់ លោក ហេង រតនា ធ្វើឡើងបន្ទាប់ពីដំណើរទស្សនកិច្ចដែលរៀបចំឡើងដោយក្រសួងការបរទេសថៃ ក្នុងអំឡុងពេលដែលមន្ត្រីការទូតបរទេស និងក្រុមអង្គការអន្តរជាតិ ទៅកាន់ខេត្តស៊ីសាកេត នៅថ្ងៃទី១៦ ខែសីហា ឆ្នាំ២០២៥ ដើម្បីសង្ខេបអំពីស្ថានភាពតានតឹង ក្នុងប្រទេសថៃ ជាប់ព្រំដែនថៃ និងកម្ពជា។ ជុំវិញល្បិចរបស់ថៃ តែងតែយកបញ្ហាមីន ជាលេសដើម្បីប្រើប្រាស់កម្លាំងយោធា បំពានចូលទឹកដីកម្ពុជានេះ អាជ្ញាធរមីនកម្ពុជា នៅថ្ងៃទី១៥សីហា ក៏បានផ្ញើលិខិតរាយការណ៍ទៅ ប្រធានអនុសញ្ញាអូតាវ៉ាផងដែរ។ អាជ្ញាធរមីនកម្ពុជា ក៏បានច្រានចោលទាំងស្រុង លើការចោទប្រកាន់របស់អ្នកនាំពាក្យកងទ័ពថៃ ដែលថាកម្ពុជាបង្កប់មីនថ្មី ធ្វើឱ្យទាហានថៃជាន់បណ្តាលឱ្យរបួសជាបន្តបន្ទាប់។ ជាច្រើនលើកច្រើនសា ដែលយោធាថៃ ព្យាយាមប្រើប្រាស់ល្បិចបែបនេះ ដើម្បីយកលេសបង្កជម្លោះលើកម្ពុជា។ លើសពីនេះ Read more

លោក ALFARO MICHAEL BARRY អ្នកឆ្លើយឆ្លង​ព័ត៌មាន​អា​មេ​រិ​ក​ប្រចាំ​សេត​វិមាន នៅ​ល្ងាច​ថ្ងៃ​ទី​១៥ ខែសីហា​នេះ បាន​អញ្ជើញ​ទៅ​ដល់ទី​តាំង​ព្រំដែន​កម្ពុជា​-​ថៃ ដែល​យោធា​ឈ្លានពាន​ថៃ បាន​រាយ​បន្លា​លួស​ហ៊ុម​ព័ទ្ធ​ផ្ទះ​ពលរដ្ឋ​ខ្មែរ ក្នុង​ទឹកដី​កម្ពុជា នៅ​ឃុំ​អូរ​បី​ជាន់ ខេត្តបន្ទាយមានជ័យ ដើម្បី​ស្វែង​យល់​ពី​ការ​ពិត​ជាក់ស្តែង យក​ទៅ​ផ្សព្វផ្សាយ​ទៅ​កាន់​ពិភពលោក​។​ ក្នុង​ការ​ផ្សាយ​បន្ត​ផ្ទាល់​របស់​អ្នកឆ្លើយឆ្លង​ព័ត៌មាន​អា​មេ​រិ​ក​ប្រចាំ​សេត​វិមាន នៅ​ម៉ោង​៧​និង​៣២​នាទី​យប់​ថ្ងៃ​សុក្រ​នេះ នៅ​ឯ​ព្រំដែន​កម្ពុជា​-​ថៃ លោក​បាន​និយាយ​ថា កម្ពុជា​ពិតជា​ត្រូវការ​សន្តិភាព ហើយ​បើ​ថៃ​ត្រូវការ​សន្តិភាព​ដែរ តើ​ហេតុ​អ្វី​ថៃ​បាន​និយាយ​ជាមួយ​លោក ដូ​ណា​ល់ ត្រាំ ហើយ​អំពី​បទ​ឈប់​បាញ់ ប៉ុន្តែ​ទ​ង្វើ​របស់​ថៃ កំពុង​តែ​ប្រឆាំង​នឹង​បទ​ឈប់​បាញ់​យ៉ាង​ច្បាស់ ។ ​លោក​បាន​បន្ត​ថា ថៃ​បាន​យក​បន្លា​លួស​មក​ហ៊ុម​ព័ទ្ធ​ផ្លូវ និង​ផ្ទះ​របស់​ប្រជាជន​ស្លូតត្រង់​របស់​កម្ពុជា ធ្វើបាប​ប្រជាជន​ស្លូតត្រង់ ។ លោក​បាន​និយាយ​ដោយ​អារម្មណ៍​ឈឺចាប់​ជំនួស​ឲ្យ​ប្រជាជន​កម្ពុជា​ថា កម្ពុជា​ត្រូវការ​សន្តិភាព ប៉ុន្តែ​ប្រទេស​ថៃ​មិន​ត្រូវការ​សន្តិភាព​ដូច​បាន​និយាយ​ឡើយ គឺ​ជ្រើសរើស​សង្គ្រាម​។ ថៃ​មិន​បាន​ធ្វើ​ដូច​អ្វី ដែល​បាន​និយាយ​ជាមួយ​លោក ដូ​ណា​ល់ ត្រាំ ឡើយ ។ លោក ALFARO MICHAEL BARRY កំពុង​បង្ហាញ​ការ​ពិត​ទៅ​កាន់​ពិភពលោក​ហើយ​ថា​តើ​ថៃ​បាន​ធ្វើទុក្ខបុកម្នេញ​មក​លើ​កម្ពុជា​យ៉ាងដូចម្តេច​ខ្លះ ?​ លោក​បាន​ដង្ហោយហៅ​ប្រធានាធិបតី ដូ​ណា​ល់ ត្រាំ ឲ្យ​ជួយ​កម្ពុជា ហើយ​ប្រាប់​យ៉ាង​ច្បាស់​ពី​ទ​ង្វើ​ដ៏​អាក្រក់​របស់​ថៃ​។ ប្រជាជន​ស្លូតត្រង់ ដែល​ត្រូវ​ថៃ​ហ៊ុម​ព័ទ្ធ​បន្លា​លួស​យក​ផ្ទះ អត់​មានផ្ទះ​នៅ ក្មេង​ៗ ត្រូវ​ជ្រក​ក្រោម​តង់​ទាំង​មេឃ​កំពុង​ភ្លៀង​ទាំង​យប់ ។ Read more

ឯកឧត្តម ទេសរដ្ឋមន្ត្រី កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជា បានដាក់ញ្ញត្តិបន្ទាន់ជូនអ្នករាយការណ៍ពិសេសទទួលបន្ទុកសិទ្ធិលំនៅដ្ឋាន មានទីតាំងប្រចាំនៅហ្សឺណែវ នៅថ្ងៃទី១៥ ខែសីហា ឆ្នាំ២០២៥។ នៅព្រឹកថ្ងៃទី១៥ ខែសីហា ឆ្នាំ២០២៥ ក្រុមការងារគណៈកម្មាធិការសិទ្ធមនុស្សកម្ពុជា ដោយមានការសម្របសម្រួលពីគណៈបញ្ជាការឯកភាពខេត្តដឹកនាំដោយឯកឧត្តម អ៊ុំ រាត្រី បានចុះអង្កេតមើលដោយផ្ទាល់ចំនួច២ទីតាំង ដែលយោធាថៃ យកបន្លាលួសព័ទ្ធយកដី និងផ្ទះរបស់ពលរដ្ឋ ព្រំដែនកម្ពុជា-ថៃ នៅចំនុចភូមិព្រៃចាន់ និងភូមិជោគជ័យ ស្ថិតនៅក្នុឃុំអូរបីជាន់ ស្រុកអូជ្រៅ ខេត្តបន្ទាយមានជ័យ។ បើតាម ឯកឧត្តម ប្រធានគណៈកម្មាធិការសិទ្ធិមនុស្សកម្ពុជា សិទ្ធិមនុស្សកម្ពុជានឹងដាក់ញ្ញត្តិបន្ទាន់ជូនអ្នករាយការណ៍ពិសេសទទួលបន្ទុកប្រចាំការនៅហ្សឺណែវ ក្នុងគោលបំណងចំនួន៤ចំណុចសំខាន់ៗគឺ៖ ១-ជំរុញឱ្យភាគីថៃរើបន្លាលួស និងកង់ឡាន ដែលបានដាក់ពង្រាយខុសច្បាប់លើទឹកដីកម្ពុជាចេញវិញ ២-ធានាការប្រគល់ទ្រព្យសម្បត្តិ និងស្រែចម្ការររបស់ពលរដ្ឋខ្មែរទាំងអស់ ដែលត្រូវបានភាគីថៃរំលោភយក ៣-ជំរុញឱ្យភាគីថៃគោរពកិច្ចព្រមព្រៀងឈប់បាញ់ និងព្រមព្រៀង ១៣ចំណុច នៃកិច្ចប្រជុំ GBC ៤-បង្កើតក្រុមការងារចំពោះកិច្ច ក្នុងការស៊ើបអង្កេត និងស្វែងរកអ្នកទទួលខុសត្រូវ និងអ្នកពាក់ព័ន្ធចំពោះអំពើរំលោភបំពាននេះ ក្រៅពីនេះជំរុញឱ្យភាគីថៃដោះលែងកងទ័ពកម្ពុជាទាំង១៨ ជាបន្ទាន់ និងឥតលក្ខខណ្ឌ៕ កុមារៗដែលរស់នៅក្នុងភូមិព្រៃចាន់​ ឃុំអូរបីជាន់​ ស្រុកអូរជៅ​ ដែលភាគីយោធាសៀម​ បានរាយបន្លាលួសព័ទ្ធយកដី​ និងផ្ទះបិទផ្លូវ​ ទាមទាររកសន្តិភាព​ ឱ្យពិភពលោកបានដឹង​ និងចង់វិលត្រឡប់ទៅសិក្សារៀនសូត្រវិញ !

ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានគណៈកម្មាធិការជាតិសុវត្ថិភាពចរាចរណ៍ផ្លូវគោក (គ.ស.ច.គ) នៅតែបន្តបង្ហាញក្តីព្រួយបារម្ភ ពីគ្រោះថ្នាក់ចរាចរណ៍បណ្ដាលឱ្យស្លាប់មនុស្សពីមួយឆ្នាំទៅមួយឆ្នាំ បើទោះបីជាករណីគ្រោះថ្នាក់ចរាចរណ៍ថយចុះក៏ដោយ។ ថ្លែងក្នុងកិច្ចប្រជុំបូកសរុបការងារសុវត្ថិភាពចរាចរណ៍ផ្លូវគោក ឆមាសទី១និងលើកទិសដៅការងារឆមាសទី២ ឆ្នាំ២០២៥ របស់គណៈកម្មាធិការជាតិសុវត្ថិភាពចរាចរណ៍ផ្លូវគោក នារសៀលថ្ងៃទី១៣ ខែសីហា ឆ្នាំ២០២៥ នៅទីស្តីការក្រសួងមហាផ្ទៃ ឯកឧត្តមអភិសន្តិបណ្ឌិត នៅតែមានការព្រួយបារម្ភ អត្រាគ្រោះថ្នាក់ចរាចរណ៍ជារៀងរាល់ថ្ងៃ ជាពិសេសករណីស្លាប់ និងរបួស នៅតែបន្តស្ថិតក្នុងតួលេខខ្ពស់ ទោះបីជាស្ថិតក្នុងស្ថានភាពថយចុះធៀបនឹងរយៈពេលដូចគ្នាកាលពីឆ្នាំកន្លងទៅ ខណៈនិន្នាការនេះនឹងនៅតែបន្តជះផលអវិជ្ជមាន ដោយសារតែកំណើននៃការប្រើប្រាស់មធ្យោបាយធ្វើដំណើរ និងការធ្វើចរាចរណ៍ដ៏មមាញឹកពីមួយឆ្នាំទៅមួយឆ្នាំ។ ឯកឧត្តមអភិសន្តិបណ្ឌិត បានទាញការកត់សម្គាល់ថា នៅក្នុងអំឡុងពេលនៃការប្រឈមមុខសត្រូវឈ្លានពានថៃ ដែល ឯកឧត្តម បានបញ្ជាឱ្យអគ្គស្នងការដ្ឋាននគរបាល ផ្អាកការអនុវត្តច្បាប់ស្ដីពីចរាចរណ៍ផ្លូវគោកជាបណ្ដោះអាសន្ន ករណីគ្រោះថ្នាក់ចរាចរណ៍ក្នុងរយៈពេលនេះ បានហក់ឡើងខ្ពស់ជាងអំឡុងពេលធម្មតា ដែលមានន័យបញ្ជាក់ថាការរឹតបន្តឹងច្បាប់នៅតែជាកិច្ចការចាំបាច់បំផុត បន្ទាប់ពីសភាពការណ៍ព្រំដែនកម្ពុជា ថៃធូរស្រាល។ យោងតាមរបាយការណ៍ដែលផ្សព្វផ្សាយក្នុងកិច្ចប្រជុំ នៅឆមាសទី១ ឆ្នាំ២០២៥ គ្រោះថ្នាក់ចរាចរណ៍កើតឡើងសរុប ១.០៦៦លើក បណ្ដាលឱ្យស្លាប់មនុស្ស ៦៩៤នាក់ និងរបួស១៤៧៦នាក់។ ចំនួននេះ បើធៀបនឹងឆមាសទី១ ឆ្នាំ២០២៤ គ្រោះថ្នាក់ចរាចរណ៍ថយចុះ៤៦៨លើក ស្មើនឹង៣១% អ្នកស្លាប់ថយចុះ៩៩នាក់ ស្មើ១២% និងអ្នករបួសថយចុះ ៦៤០នាក់ ស្មើ៣០%៕

ក្រសួងការពារជាតិ នៃព្រះរាជាណាចក្រកម្ពុជា បានសម្របសម្រួលជូន ក្រុមអ្នកសង្កេតការណ៍អន្តរកាល (IOT) ដឹកនាំដោយ លោកវរសេនីយ៍ឯក NAZLEE BIN ABDUL RAHIM អនុព័ន្ធយោធាម៉ាឡេស៊ី ប្រចាំកម្ពុជា ដែលមានតំណាងមកពីប្រទេសចំនួន ៦ ចូលរួម (ប្រ៊ុយណេ ឥណ្ឌូនេស៊ី ឡាវ មីយ៉ាន់ម៉ា ហ្វីលីពីន និងវៀតណាម) ដែលមាននិវេសន្នដ្ឋានក្នុង និងក្រៅប្រទេសកម្ពុជា ដោយមានសមាជិកសរុបចំនួន ៧ប្រទេស បានចេញដំណើរទៅកាន់ទីតាំងជាក់ស្តែងផ្សេងៗ ដើម្បីសង្កេតមើលស្ថានភាពសន្តិសុខតាមព្រំដែន ដែលប៉ះពាល់ផ្ទាល់ក្នុងអំឡុងជម្លោះព្រំដែនកម្ពុជា-ថៃ ដូចខាងក្រោម៖ ១- ខេត្តបាត់ដំបង (យោធភូមិភាគទី៥)២-ខេត្តបន្ទាយមានជ័យ៖ ច្រកព្រំដែនអន្តរជាតិប៉ោយប៉ែត ច្រកអូបីជាន់(ភូមិជោគជ័យ) និងច្រកបឹងត្រកួន៣- ខេត្តព្រះវិហារ (ច្រកព្រំដែនអានសេះ) គួររំលឹកផងដែរថា បេសកកម្មនេះបានកើតចេញពីលទ្ធផលនៃកិច្ចប្រជុំពិសេសដែលបានធ្វើឡើងនៅថ្ងៃទី២៨ ខែកក្កដា ឆ្នាំ២០២៥ នៅទីក្រុងពូត្រាយៃយ៉ា ប្រទេសម៉ាឡេស៊ី និងកិច្ចប្រជុំវិសាមញ្ញ នៃគណៈកម្មាធិការព្រំដែនទូទៅកម្ពុជា-ថៃ (GBC) ដែលបានបញ្ចប់កាលពីថ្ងៃទី៧ ខែសីហា ឆ្នាំ២០២៥ ដែលបានបញ្ជាក់សារជាថ្មីអំពីសារៈសំខាន់នៃការបង្កើតឱ្យមានក្រុម IOT។ ក្រសួងការពារជាតិ សូមអះអាងសារជាថ្មីនូវការប្តេជ្ញាចិត្តរបស់ខ្លួនក្នុងការអនុវត្តកិច្ចព្រមព្រៀងបទឈប់បាញ់ និងប្តេជ្ញាយ៉ាងម៉ឺងម៉ាត់ចំពោះគោលការណ៍ច្បាប់អន្តរជាតិ ការដោះស្រាយវិវាទដោយសន្តិវិធី និងរក្សាឱ្យបាននូវអធិបតេយ្យបូរណភាពទឹកដីរបស់ខ្លួន ទោះក្នុងតម្លៃណាក៏ដោយ៕

លោកស្រីឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិកម្ពុជា បានឲ្យដឹងថា នៅថ្ងៃទី១២-១៣ ខែសីហា ឆ្នាំ២០២៥នេះ កងកម្លាំងប៉ារ៉ាថៃ និងតម្រួតព្រំដែនថៃ ប្រដាប់ដោយអាវុធគ្រប់ដៃ បានធ្វើសកម្មភាពមកត្រួតពិនិត្យនៅទល់មុខច្រកជោគជ័យ និងបានរាយបន្លាលួសក្នុងដែនអធិបតេយ្យកម្ពុជា ស្ថិតនៅភូមិជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។ តាមរយៈសន្និសីទសារព័ត៌មាន នៅល្ងាចថ្ងៃទី១៣ ខែសីហា ឆ្នាំ២០២៥នេះ អ្នកនាំពាក្យក្រសួងការពារជាតិកម្ពុជា បានទាមទារឲ្យភាគីថៃ បញ្ឈប់ជាបន្ទាន់នូវសកម្មភាពទាំងអស់នេះ ដែលបាននិងកំពុងរំលោភបំពានលើបទឈប់បាញ់ ជាពិសេសត្រង់ចំណុចទី២ និងចំណុចទី៤ នៃកិច្ចព្រមព្រៀងរបស់គណៈកម្មាការព្រំដែនទូទៅកម្ពុជា-ថៃ (GBC) ដែលបានធ្វើឡើងនៅប្រទេសម៉ាឡេស៉ី ថ្ងៃទី៧ ខែកក្កដា ឆ្នាំ២០២៥។ អ្នកនាំពាក្យក្រសួងការពារជាតិកម្ពុជា បានថ្លែងយ៉ាងដូច្នេះថា «នៅថ្ងៃទី១២ និងថ្ងៃទី១៣នេះ កងកម្លាំងប៉ារ៉ាថៃ និងតម្រួតព្រំដែនថៃ បានប្រដាប់ដោយអាវុធ បានធ្វើសកម្មភាពចូលមកត្រួតពិនិត្យ នៅទល់មុខច្រកជោគជ័យ ដែលបានរាយលួសបន្លា ព្រមទាំងដាក់កងឡាន នៅភូមិជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ក្នុងទិសទី១ នៃយោធភូមិភាគទី៥»។ កម្ពុជា ទាមទារឲ្យថៃបញ្ឈប់ជាបន្ទាន់ និងគ្មានលក្ខខណ្ឌនូវរាល់សកម្មភាពដែលរំលោភបំពានបទឈប់បាញ់ ព្រមទាំងស្មារតីនៃការឯកភាពគ្នា នៅក្នុងកិច្ចប្រជុំវិសាមញ្ញគណៈកម្មាធិការព្រំដែនទូទៅកម្ពុជា-ថៃ ថៃ GBC ជាពិសេសត្រង់ចំណុចទី២ និងទី៤។ ចំណុចទាំងពីរខាងលើ Read more

កម្លាំងជំនាញការិយាល័យប្រឆាំងបទល្មើសកម្មសិទ្ធិបញ្ញា នៃនាយកដ្ឋាននគរបាលប្រឆាំងបទល្មើសសេដ្ឋកិច្ច ក្រោមការសម្របសម្រួលនីតិវិធីផ្ទាល់ពីលោក ប្លង់ សុផល ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ និងមានការចូលរួមពីមន្ត្រី ក.ប.ប សាខារាជធានីភ្នំពេញ និងអាជ្ញាធរមូលដ្ឋាន បានចុះបង្ក្រាបទីតាំងសិប្បកម្មមួយកន្លែងស្ថិតនៅសង្កាត់ភ្លើងឆេះរទះ ខណ្ឌកំបូល រាជធានីភ្នំពេញ ដែលបាន និងកំពុងវេចខ្ចប់ ប៊ីចេង និងម្សៅស៊ុបម៉ាក ឆេហ្វ 55 ខុសច្បាប់ ដោយម្ចាស់សិប្បកម្ម ឈ្មោះ អ៊ីវ សារិន បាននាំចូលប៊ីចេង និងម្សៅស៊ុប គ្មានម៉ាកយីហោពីប្រទេសចិន រួចលួចលាក់ធ្វើការវេចខ្ចប់ដាក់ម៉ាក ឆេហ្វ 55 ប្រើប្រាស់ស្លាកសញ្ញាគុណភាព បាកូដ និងអាសយដ្ឋានផលិតនៅប្រទេសថៃ រួចធ្វើការលក់ចែកចាយស្ទើរគ្រប់ទីផ្សារក្នុងប្រទេសកម្ពុជា ដោយក្លែងបន្លំដល់អ្នកប្រើប្រាស់ថាជាផលិតផលរបស់ប្រទេសថៃ ។ ក្នុងការឆែកឆេរត្រួតពិនិត្យជាក់ស្តែង សមត្ថកិច្ចបានរកឃើញនូវសម្ភារៈវត្ថុតាងដូចជា៖ ប៊ីចេង ម្សៅស៊ុបវេចខ្ចប់រួច រួមនឹងសម្បកថង់ សម្បកកេស សម្បកបាវ ម៉ាក ឆេហ្វ 55 ខុសច្បាប់ ប្រមាណជាង ៣០តោន, ម៉ាស៊ីនវាយកាលបរិច្ឆេទ ០១គ្រឿង, ម៉ាស៊ីនវេចខ្ចប់ធំ ០២គ្រឿង, ម៉ាស៊ីនវេចខ្ចប់តូច ០៣គ្រឿង, ម៉ាស៊ីនអ៊ុតកេស០២គ្រឿង, ម៉ាស៊ីនរ៉ៃ ០២គ្រឿង, រថយន្តដឹកទំនិញ Read more

សំណង់មួយស្ថិតនៅផ្ទះលេខ១០៩ ផ្លូវ៥៧៦ សង្កាត់បឹងកក់២ ខណ្ឌទួលគោក ត្រូវបានគេរកឃើញថា កំពុងសាងសង់ដោយគ្មានលិខិតអនុញ្ញាត ព្រមទាំងមានអំពើរំលោភលើលំនៅដ្ឋានអ្នកជិតខាង កសាងដោយមិនខ្លាចច្បាប់ សាងសង់ទៅលើរបងផ្ទះអ្នកដទៃ និងកាត់ដែករបងដើមទៅប្រើដោយគ្មានការយល់ព្រម។ បើយោងតាមការអះអាងរបស់ លោក មៀច ចន្ថា ម្ចាស់ផ្ទះជិតខាង និងជាជនរងគ្រោះបានបញ្ជាក់ថា សំណង់នោះសាងសង់ មកលើផ្ទៃដី និងរបងផ្ទះរបស់លោក ដោយមិនបានសុំការអនុញ្ញាតណាមួយ។ លោកចន្ថាបានអំពាវនាវឲ្យម្ចាស់សំណង់ធ្វើការកែតម្រូវ និងសងជូនការខូចខាតទាំងអស់ ដើម្បីជៀសវាងវិវាទច្បាប់ដែលអាចកើតឡើង។ នាថ្ងៃទី១១ ខែសីហា ឆ្នាំ២០២៥ មេភូមិ និងចៅសង្កាត់បឹងកក់២ បានចូលទៅត្រួតពិនិត្យនឹងផ្ទៀងផ្ទាត់ករណី។ ក្នុងឱកាសនោះ ម្ចាស់សំណង់បានទទួលស្គាល់ថា មិនបានសុំការអនុញ្ញាតសំណង់ពីអាជ្ញាធរទេ។ លោកចៅសង្កាត់បានបញ្ជាបញ្ឈប់ការសាង សង់ ជាបណ្តោះអាសន្ន និងណែនាំឲ្យដោះស្រាយជាមួយម្ចាស់ផ្ទះជិតខាង តាមនិតិវិធីផ្លូវច្បាប់។ ប្រសិនបើមិនអនុវត្តន៍ អាចនឹងប្រឈមនឹងវិធានការរឹតបន្តឹង រួមទាំងការបង្ខំឲ្យរុះរើសំណង់។ លោក មៀច ចន្ថា ម្ចាស់ផ្ទះ និងជាជនរងគ្រោះ ស្នើសុំឲ្យស្ថាប័នពាក់ព័ន្ធ រួមមាន៖ ក្រសួងរៀបចំដែនដី នគរូបនីយកម្ម និងសំណង់, គណៈអភិបាលរាជធានីភ្នំពេញ, មន្ទីរ រៀបចំដែនដី និងសំណង់ រាជធានីភ្នំពេញ មេត្តា ចាត់មន្ត្រីជំនាញចុះអធិការកិច្ច និងអនុវត្តច្បាប់ ការបំពានលើកម្មសិទ្ធិទ្រព្យសម្បត្តិអ្នកជិតខាង ។ Read more

គិតចាប់ពីថ្ងៃទី៨ ខែមិថុនា មកដល់ព្រឹកថ្ងៃទី ១១ខែសីហា ឆ្នាំ២០២៥ ចំនួនពលករខ្មែរដែលត្រឡប់មកពីប្រទេសថៃ ពេលនេះមានចំនួនលើសពី ៩០ម៉ឺននាក់ហើយ ដែលរំពឹងថា នឹងចូលរួមចំណែកយ៉ាងសំខាន់ដល់កំណើនឧស្សាហកម្ម និងសេដ្ឋកិច្ចកម្ពុជា។ លោក ស៊ុន មេសា អ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ បានថ្លែងស្វា គមន៍ចំពោះការវិលត្រឡប់មកវិញរបស់ពលករខ្មែរនាពេលនេះ ដោយអះអាងថា នៅប្រទេសកម្ពុជាបច្ចុប្បន្ន មានការងាររាប់សែនកន្លែងបើកជូនសាធារណជន ជាពិសេសសម្រាប់ពលករខ្មែរដែលទើបត្រឡប់មកពីប្រទេសថៃ ជាមួយប្រាក់ខែសមរម្យថែមទៀតផង។ លោកបានបញ្ជាក់ថា បច្ចុប្បន្ននៅតាមបណ្ដាសហគ្រាស រោងចក្រ គ្រឹះស្ថាននានា ដែលបានចុះបញ្ជី នៅទូទាំង ២៥ រាជធានី-ខេត្ត កំពុងខ្វះកម្លាំងពលកម្មប្រមាណ ២៥ម៉ឺនកន្លែង និងផ្គួបផ្សំជាមួយគម្រោងវិនិយោគក្នុងរយៈពេល ៦ខែកន្លងមកនេះ ដែលនឹងបង្កើតការងារបានក្នុងរង្វង់ ៣០ម៉ឺនកន្លែងទៀត ធ្វើឲ្យតម្រូវការកម្លាំងពលកម្មកើនដល់ចន្លោះ ៥០ទៅ ៦០ម៉ឺនកន្លែង។ លោកបន្តថា បើរាប់បញ្ចូលទាំងសហគ្រាសធុនតូច និងមធ្យម ក៏ដូចជា អាជីវកម្មមួយចំនួនដែលមិនបានចុះបញ្ជី ដែលកំពុងត្រូវការកម្លាំងពលកម្មបន្ថែមផងដែរនោះ ដូច្នេះធ្វើឲ្យតម្រូវការកម្លាំងពលកម្មអាចលើសពី ៦០ម៉ឺនកន្លែង។ អ្នកនាំពាក្យរូបនេះ បានសង្កត់ធ្ងន់ថា ពលករខ្មែរដែលវិលត្រឡប់មកពីថៃវិញ ក៏មានឱកាសចាប់ផ្តើមអាជីវកម្មផ្ទាល់ខ្លួនផងដែរ ដូច្នេះបង្ហាញឲ្យឃើញថា ស្ថានភាពទីផ្សារការងារនៅកម្ពុជាសព្វថ្ងៃនេះ គឺមានភាពរឹងមាំល្អណាស់។ លើសពីនេះ លោក ស៊ុន មេសា បានឲ្យដឹងទៀតថា Read more

ឯកឧត្តម ហេង រតនា ប្រតិភូរាជរដ្ឋាភិបាល ទទួលបានបន្ទុកជាអគ្គនាយកនៃមជ្ឈមណ្ឌលសកម្មភាពកំចាត់មីនកម្ពុជា (CMAC) តាមរយៈបណ្តាញសង្គម បានឱ្យដឹងថា នៅថ្ងៃអាទិត្យទី១០ ខែសីហា ឆ្នាំ២០២៥ នៅចំនុចគ្រាប់បែកទម្លាក់ពីយន្តហោះប្រភេទMK-84 ស្ថិតនៅ ភូមិថ្មដូន ឃុំគោកមន ស្រុកបន្ទាយអំពិល ខេត្តឧត្តរមានជ័យមានមន្ត្រីអនុពន្ធ័យោធាចំនួន១៤រូប ជាតំណាងមកពីប្រទេសចំនួន៩ រួមមានអូស្ត្រាលី កាណាដា អង់គ្លេស ចិន ជប៉ុន កូរ៉េខាងត្បូង បារាំង ឡាវ និងវៀតណាម បានចុះពិនិត្យទីតាំងនិងគ្រាប់បែក MK-84 នោះជាក់ស្តែង។ សូមបញ្ជាក់ថាគ្រាប់បែកMK-84នេះ មានទម្ងន់ជិតមួយតោនមានបណ្តោយប្រមាណ៣.៥ម៉ែត្រ ទំហំអង្កត់ផ្ចិតជិតកន្លះម៉ែត្រផលិតនៅឆ្នាំ១៩៩៦!។ សូមបញ្ជាក់ថានៅចំនុចទីតាំងតែមួយនេះ ពួកសៀមបានទម្លាក់គ្រាប់បែកចំនួន១០គ្រាប់ ហើយផ្ទុះចំនួន៤គ្រាប់ រីឯ៦គ្រាប់មិនផ្ទុះដោយរួមទាំងគ្រាប់បែកMK-84 ដែលបានឃើញនេះផងដែរ។ បើផ្អែកតាមព័ត៌មានកំណត់ត្រាសឹកសង្គ្រាមនៅទិសខេត្តឧត្តរមានជ័យនេះ ការទម្លាក់គ្រាប់បែកពីយន្តហោះមានចំនួន១.៥៤៩គ្រាប់។ អង្គភាព CMAC កំពុងដំណើរការស្រាវជ្រាវដាក់ស្លាកសញ្ញានិងបោសសម្អាតទីតាំងដែលរងផលប៉ះពាល់ដោយសារការទម្លាក់គ្រាប់បែកនិងគ្រាប់កាំភ្លើងធំគ្រប់ប្រភេទដើម្បីធានាសុខសុវត្ថិភាពជូនប្រជាពលរដ្ឋ៕

ក្រុមអនុព័ន្ធយោធាបរទេសប្រចាំកម្ពុជា (MACPP) ដែលមាននិវេសន្នដ្ឋានស្ថិតក្នុង និងក្រៅប្រទេសកម្ពុជារួមមាន៖ ប្រទេស អូស្ត្រាលី ចក្រភពអង់គ្លេស កាណាដា ចិន បារាំង ជប៉ុន កូរ៉េខាងត្បូង ឡាវ និងវៀតណាម នៅរសៀលថ្ងៃទី១០ ខែសីហា ឆ្នាំ២០២៥ បានចុះមើលជាក់ស្ដែងគ្រាប់បន្សល់ទុកពីការទម្លាក់លើភូមិឋានរបស់ប្រជាពលរដ្ឋ ពិនិត្យជាក់ស្ដែងនៅប្រាសាទតាមាន់ ស្ថិតនៅភូមិតាមាន់សែនជ័យ ឃុំគោកមន ស្រុកបន្ទាយអំពិល ខេត្តឧត្តរមានជ័យ ដែលជាកន្លែងទម្លាក់គ្រាប់ផ្លោង និងការឈ្លានពានពីលើអាកាសរបស់ដោយយន្តហោះរបស់យោធាថៃ។ បើតាមការឲ្យដឹងរបស់លោកនាយឧត្តមសេនីយ៍ត្រី នេត្រ រដ្ឋា ប្រធានអង្គភាពកំចាត់មីនទី១ ប្រចាំនៅខេត្តបន្ទាយមានជ័យ និងឧត្តរមានជ័យ(ភូមិភាគទី១) បានឲ្យដឹងថា គ្រាប់ដែលបានទម្លាក់នោះមានច្រើនគ្រាប់ ប៉ុន្តែបច្ចុប្បន្ន រកឃើញគ្រាប់ធំៗចំនួន១០គ្រាប់ ជាប្រភេទគ្រាប់MK84 ក្នុងនោះមាន៤គ្រាប់បានផ្ទុះរួចហើយ និងគ្រាប់៦ ទៀតមិនទាន់ផ្ទុះ ហើយក្នុងចំណោម ៦គ្រាប់ ដែលមិនទាន់ផ្ទុះនេះ គឺធ្លាក់កប់ក្នុងដីចំនួន៥ និងនៅលើដីចំនួន១គ្រាប់។ គ្រាប់ទម្លាក់នៅតំបន់នេះ ភាគច្រើនជាប្រភេទគ្រាប់MK81, MK82, MK83, MK84 ដែលផលិតនៅក្នុងឆ្នាំ១៩៩៦៕ ក្នុងដំណើរទស្សនកិច្ចរបស់ក្រុមអនុព័ន្ធយោធាបរទេសនេះ មានការសម្របសម្រួលពីឧត្តមសេនីយ៍ឯក ផាត វិបុលសុភ័ក្ត្រ អគ្គនាយករង អគ្គនាយកដ្ឋាននយោបាយ និងកិច្ចការបរទេស និងជានាយក នាយកដ្ឋានទាក់ទងអន្តរជាតិ ក្រសួងការពារជាតិ Read more