សម្ដេចក្រឡាហោម ស ខេង អញ្ជើញសម្ពោធឆ្លងសមិទ្ធិផលនានាក្នុងវត្តគិរីជលសាកោះរ៉ុង ដើម្បីបម្រើដល់វិស័យព្រះពុទ្ធសាសនា វប្បធម៌ ទេសចរណ៍ ដែលជាការរួមចំណែកដល់ការអភិវឌ្ឍប្រទេសជាតិ
ព្រះសីហនុ៖ សម្ដេចក្រឡាហោម ស ខេង ឧត្តមទីប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជា បានលើកឡើងថា ក្រោមដំបូលនៃសន្តិភាព គោលនយោបាយឈ្នះឈ្នះ បានធ្វើឲ្យប្រទេសមានសុខសន្តិភាព និងការអភិវឌ្ឍ ដូចនេះទាមទារឲ្យប្រជាពលរដ្ឋទូទាំងប្រទេស បន្តគាំទ្រដល់រាជរដ្ឋាភិបាលដឹកនាំដោយសម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ដើម្បីពង្រឹងសុខសន្តិភាព ពង្រឹងស្ថេរភាព សន្តិសុខ សណ្ដាប់ធ្នាប់សាធារណៈ និងជំរុញការអភិវឌ្ឍប្រទេសជាតិឲ្យមានការរីកចម្រើនតាមគោលនយោបាយ ដែលរាជរដ្ឋាភិបាលបានកំណត់។ សម្ដេចក្រឡាហោម ស ខេង បានមានប្រសាសន៍ដូចនេះ ក្នុងពិធីបញ្ចុះខណ្ឌសីមា និងសម្ពោធឆ្លងសមិទ្ធិផលនានា នៅក្នុង វត្តគិរីជលសាកោះរ៉ុង ស្ថិតក្នុងភូមិព្រែកស្វាយ សង្កាត់កោះរ៉ុង ក្រុងកោះរ៉ុង ខេត្តព្រះសីហនុ នាថ្ងៃទី២៦ ខែមេសា ឆ្នាំ២០២៥នេះ។សម្ដេចក្រឡាហោម ក៏បានលើកឡើងផងដែរថា វត្តគិរីជលសាកោះរ៉ុង រួមជាមួយសមិទ្ធផលនានា ដែលបានដាក់សម្ពោធនាពេលនេះ មិនត្រឹមតែបម្រើដល់វិស័យព្រះពុទ្ធសាសនាប៉ុណ្ណោះទេ តែថែមទាំងបានចូលរួមបម្រើដល់វិស័យផ្សេងៗទៀតផងដែរ ដូចជា វិស័យវប្បធម៌ ទេសចរណ៍ ក្នុងការអភិវឌ្ឍប្រទេសជាតិ។ សម្ដេចក្រឡាហោម ស ខេង ក៏បានបញ្ជាក់បន្ថែមថា ព្រះវិហារ បានធ្វើរួចរាល់ និងប្រារព្ធពិធីសម្ពោធឆ្លងនាពេលនេះ ក៏ប៉ុន្តែវត្ត នៅមិនទាន់បានរួចរាល់នៅឡើយទេ ដែលទាមទារឱ្យអាជ្ញាធរ ខេត្ត ក្រុង ពុទ្ធបរិស័ទទីជិតឆ្ងាយ ចូលរួមក្នុងការកសាងនៅក្នុងទីអារាមវត្តគីរីជលសាកោះរ៉ុងនេះ Read more
