ក្រសួងអប់រំ យុវជន និងកីឡាបានប្រកាសថា ដំណើរការប្រឡងសញ្ញាបត្រទុតិយភូមិ(បាក់ឌុប) ក្នុងរយៈពេល២ថ្ងៃចាប់ពីថ្ងៃ១០ដល់ថ្ងៃទី១១ ខែសីហាឆ្នាំ២០២៦នេះ បានបិទបញ្ចប់ប្រកបដោយជោគជ័យ ។
ក្រោយបញ្ចប់ការប្រឡងឯកឧត្តម ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡាបានថ្លែងអំណរគុណយ៉ាងជ្រៀលជ្រៅចំពោះស្មារតីទទួលខុសត្រូវខ្ពស់របស់គណៈមេ ប្រយោគ និងការចូលរួមពីអង្គភាពប្រឆាំងអំពើពុករលួយ សហភាពសហព័ន្ធយុវជនកម្ពុជា មន្ត្រីសុខាភិបាល អាជ្ញាធរមានសមត្ថកិច្ច កងកម្លាំង និងគ្រប់ភាគីទាំងអស់ក្នុងដំណើរការសំណេរ។
ឯកឧត្តមបន្តថា ភាពជោគជ័យនៃការប្រឡងបាក់ឌុប ក្រោមគោលការណ៍ ច្បាប់ យុត្តិធម៌ តម្លាភាព និងលទ្ធផលទទួលយកបាន បានមកពីការគោរពបទប្បញ្ញត្តិរបស់បេក្ខជន ការចូលរួមយ៉ាងសកម្មពីភាគីពាក់ព័ន្ធទាំងអស់។
សូមបញ្ជាក់ថា ការប្រឡងសញ្ញាបត្រមធ្យមសិក្សាទុតិយភូមិ ឆ្នាំ២០២៦ នេះមានបេក្ខជនចុះឈ្មោះប្រឡងសរុប ១៥១ ២៣៨ នាក់ (ស្រី ៨៤ ៧៣៥ នាក់) . ក្នុងនោះ បេក្ខជនថ្នាក់វិទ្យាសាស្រ្តមានចំនួន ៣៧ ៤៤៥ នាក់ (ស្រី ២២ ១៩៣) បេក្ខជនថ្នាក់វិទ្យាសាស្រ្តសង្គម មានចំនួន ១១៣ ៧៩៣ នាក់ (ស្រី ៦២ ៥៤២ នាក់) បេក្ខជនត្រូវបានរៀបចំនួន ២៥នាក់ក្នុងមួយបន្ទប់ តាមមណ្ឌលសំណេរនីមួយៗលើកលែងតែបន្ទប់ចុងក្រោយ និងបន្ទប់ដែលមានបេក្ខជនមកពីវិទ្យាល័យអប់រំពិសេស ។ ចំពោះការប្រកាសលទ្ធផលនឹងត្រូវធ្វើឡើងនៅថ្ងៃទី២ ខែកញ្ញា ឆ្នាំ ២០២៦ខាងមុខ៕
