បន្ទាយមានជ័យ៖ អនុវត្តតាមការណែនាំ និង បទបញ្ជារបស់លោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ នៅថ្ងៃអង្គារ ទី០១ ខែមេសា ឆ្នាំ២០២៥នេះ កម្លាំងនគរបាលតាមបណ្តាក្រុងស្រុក បានបន្តចុះផ្សព្វផ្សាយគោលនយោបាយ ភូមិ ឃុំ សង្កាត់មានសុវត្ថិភាព ដល់ប្រជាពលរដ្ឋតាមមូលដ្ឋាន។
ស្នងការដ្ឋាននគរបាលខេត្តបន្ទាយមានជ័យ សូមអំពាវនាវដល់ប្រជាពលរដ្ឋទាំងអស់ ក្នុងឱកាសបុណ្យចូលឆ្នាំថ្មីប្រពៃណីជាតិខាងមុខនេះ ហាមលេងល្បែងសុីសងខុសច្បាប់គ្រប់ប្រភេទ ហាមច្រកទឹកក្នុងថង់ ច្រកទឹកក្នុងប៉េងប៉ោង និងច្រកទឹកកកគប់គ្នា ដែលអាចធ្វើឱ្យមានគ្រោះថា្នក់ដល់អ្នកដទៃ។
សូមចូលរួមសហការ និងរាយការណ៍ មកកាន់ស្នងការដ្ឋាននគរបាលខេត្តបន្ទាយមានជ័យ ក្នុងករណីមានអាសន្ន មានអំពើអសន្តិសុខនានា មានករណីហិង្សា មានបទល្មើសជួញដូរថ្នាំញៀន និងក្មេងទំនើង អុកឡុកតាមមូលដ្ឋាន សូមខលមកកាន់លេខទូរសព្ទ័ប្រចាំបញ្ជា ០៩៧ ៧៧៨ ០០១៧ ដើម្បីកម្លាំងនគរបាលចុះអន្តរាគមន៍ បង្ការ បង្ក្រាប និង សង្គ្រោះទាន់ពេលវេលា៕
