ក្រសួងមហាផ្ទៃបានដាក់ចេញប្រកាសស្ដីពីការបង្កើត និងការដាក់ឱ្យប្រើប្រាស់និមិត្តសញ្ញារដ្ឋបាលក្រុង ស្រុកទាំង៩ នៃខេត្តរតនគិរី រួមមាន៖ រដ្ឋបាលក្រុងបានលុង រដ្ឋបាលស្រុកកូនមុំ រដ្ឋបាលស្រុកអូរយ៉ាដាវ រដ្ឋបាលស្រុកអូរជុំ រដ្ឋបាលស្រុកវើនសៃ រដ្ឋបាលស្រុកតាវែង រដ្ឋបាលស្រុកបរកែវ រដ្ឋបាលស្រុកអណ្ដូងមាស និងរដ្ឋបាលស្រុកលំផាត់។
និមិត្តសញ្ញារដ្ឋបាលក្រុង ស្រុក នៃខេត្តរតនគិរី ត្រូវប្រើប្រាស់ដូចខាងក្រោម៖
– ដាក់នៅកន្លែងធ្វើការងារនៅរដ្ឋបាលក្រុង ស្រុក
– ប្រើប្រាស់នៅលើលិខិត ស្រោមសំបុត្រ ឯកសណ្ឋាន និងឯកសារផ្លូវការពាក់ព័ន្ធរបស់រដ្ឋបាលក្រុង ស្រុក
– ប្រើប្រាស់ក្នុងពិធីនានា និងប្រើប្រាស់ក្នុងកិច្ចការជាផ្លូវការផ្សេងៗតាមការចាំបាច់។
សូមជម្រាបជូនដែរថា គិតត្រឹមថ្ងៃទី២០ ខែវិច្ឆិកា ឆ្នាំ២០២៥ អគ្គនាយកដ្ឋានរដ្ឋបាលបានរៀបចំសេចក្ដីព្រាងប្រកាសស្ដីពីការបង្កើត និងដាក់ឱ្យប្រើប្រាស់និមិត្តសញ្ញាក្រុង ស្រុក ដើម្បីដាក់ជូនថ្នាក់ដឹកនាំក្រសួងមហាផ្ទៃពិនិត្យ និងសម្រេចប្រកាសឱ្យប្រើប្រាស់ជាផ្លូវការចំនួន ១៩ខេត្ត សរុប១៥៨ ក្រុង ស្រុក រួមមាន៖
-ខេត្តព្រះសីហនុ ចំនួន ៥ក្រុង ស្រុក
-ខេត្តស្ទឹងត្រែង ចំនួន ៦ក្រុង ស្រុក
-ខេត្តកំពង់ស្ពឺ ចំនួន៩ក្រុង ស្រុក
-ខេត្តកំពង់ចាម ចំនួន១០ក្រុង ស្រុក
-ខេត្តព្រះវិហារ ចំនួន៨ក្រុង ស្រុក និង
-ខេត្តពោធិ៍សាត់ ចំនួន៧ក្រុង ស្រុក
-ខេត្តត្បូងឃ្មុំ ចំនួន៧ក្រុង ស្រុក
-ខេត្តប៉ៃលិន ចំនួន២ក្រុង ស្រុក
-ខេត្តកំពង់ឆ្នាំង ចំនួន៨ក្រុង ស្រុក
-ខេត្តកំពង់ធំ ចំនួន៩ក្រុង ស្រុក
-ខេត្តបន្ទាយមានជ័យ ចំនួន៩ក្រុង ស្រុក
-ខេត្តកណ្ដាល ចំនួន១៣ក្រុង ស្រុក
-ខេត្តតាកែវ ចំនួន១០ក្រុង ស្រុក
-ខេត្តកំពត ចំនួន៩ក្រុង ស្រុក
-ខេត្តក្រចេះ ចំនួន៧ក្រុង ស្រុក
-ខេត្តកោះកុង ចំនួន៧ក្រុង ស្រុក
-ខេត្តស្វាយរៀង ចំនួន៨ក្រុង ស្រុក
-ខេត្តបាត់ដំបង ចំនួន១៤ក្រុង ស្រុក
-ខេត្តរតនគិរី ចំនួន ៩ក្រុង ស្រុក។
