នៅព្រឹកថ្ងៃទី៣១ ខែតុលា ឆ្នាំ២០២៥ នៅសាលប្រជុំធំ សាលាខេត្តបន្ទាយមានជ័យ ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ បានអញ្ជើញជាធិបតីក្នុងពិធីជួបសំណេះសំណាល និងប្រគល់រង្វាន់លើកទឹកចិត្តដល់សិស្សដែលបានប្រឡងជាប់និទ្ទេស A ចំនួន ១២៦ នាក់ ក្នុងឆ្នាំសិក្សា ២០២៤-២០២៥។
ពិធីនេះ មានការចូលរួមដោយ ឯកឧត្តម ប្លែក វ៉ារី ប្រធានក្រុមប្រឹក្សាខេត្ត ឯកឧត្តម អ៊ុំ រាត្រី អភិបាលខេត្ត មេដឹកនាំកងកម្លាំងទាំង ៣ ប្រធានមន្ទីរ សាលាក្រុង ស្រុក មាតាបិតា អាណាព្យាបាល និងសិស្សជាច្រើនទៀត។
ឯកឧត្តម អ៊ុំ រាត្រី ការប្រឡងបាក់ឌុបឆ្នាំ២០២៥ នៅខេត្តបន្ទាយមានជ័យ សិស្សបេក្ខជនទាំងអស់គោរពវិន័យ និងមិនយកសំណៅឯកសារ ឬឧបករណ៍អេឡិចត្រូនិចចូលថ្នាក់ប្រឡងឡើយ។ លទ្ធផលប្រឡងត្រូវបានទទួលយកយ៉ាងថ្លៃថ្នូរ និយាយបានថា “អ្នកចេះ គឺជាប់”។ ឯកឧត្តមមានសង្ឃឹមថា សិស្សានុសិស្សនឹងបន្តរក្សាលទ្ធផលល្អនេះ ដើម្បីលើកស្ទួយកេរ្តិ៍ឈ្មោះខេត្តបន្ទាយមានជ័យកាន់តែរុងរឿង។
តាមរបាយការណ៍របស់លោក ឈួ ប៊ុនរឿង ប្រធានមន្ទីរអប់រំ យុវជន និងកីឡាខេត្តបន្ទាយមានជ័យ ការប្រឡងសញ្ញាបត្រមធ្យមសិក្សាទុតិយភូមិ នៅឆ្នាំសិក្សា ២០២៤-២០២៥ មានបេក្ខជនសរុប ៦.៤៥១ នាក់ ដែលជាប់សញ្ញាបត្រ ៥.៥១៧ នាក់។ ក្នុងនោះ៖
• ភ្នាក់ងារជាប់ និទ្ទេស A ចំនួន ១២៦ នាក់
• និទ្ទេស B ៤៤៥ នាក់
• និទ្ទេស C ១.៣២៥ នាក់
• និទ្ទេស D ២.០៩០ នាក់
• និទ្ទេស E ១.៥៣១ នាក់
ដើម្បីលើកទឹកចិត្ត និងជំរុញការរៀនសូត្រ ឯកឧត្តម ឌិត ទីណា បានប្រគល់ កុំព្យូទ័រយួរដៃម្នាក់មួយគ្រឿង ដល់សិស្សដែលបានប្រឡងជាប់និទ្ទេស A ទាំង ១២៦ នាក់ ដើម្បីគាំទ្រក្នុងការសិក្សានៅកម្រិតបន្ត និងការស្រាវជ្រាវបច្ចេកវិទ្យាទំនើប។
ក្នុងឱកាសនោះ ឯកឧត្តមរដ្ឋមន្រី្ត បានអបអរសាទរដល់សិស្សទាំងអស់ និងថ្លែងអំណរគុណដល់គ្រូបង្រៀន មាតាបិតា និងអាជ្ញាធរទាក់ទង ដែលបានខិតខំគាំទ្រនិងលះបង់កម្លាំងដើម្បីជំរុញគុណភាពអប់រំ។
ឯកឧត្តមរដ្ឋមន្រី្ត បានណែនាំសិស្សឱ្យបន្តខិតខំព្យាយាមរៀនសូត្រ កសាងវិន័យ និងចំណេះដឹង ដើម្បីក្លាយជាកម្រិតកម្លាំងក៍ជាតិគាំទ្រការអភិវឌ្ឍន៍ប្រទេសជាតិ។ នៅចុងក្រោយ គណៈអធិបតី និងសិស្សទាំងអស់បានថតរូបរួមគ្នា ដើម្បីទុកជាអនុស្សាវរីយ៍ឱ្យប្រសើរឡើង៕
