លោក ALFARO MICHAEL BARRY អ្នកឆ្លើយឆ្លងព័ត៌មានអាមេរិកប្រចាំសេតវិមាន នៅល្ងាចថ្ងៃទី១៥ ខែសីហានេះ បានអញ្ជើញទៅដល់ទីតាំងព្រំដែនកម្ពុជា-ថៃ ដែលយោធាឈ្លានពានថៃ បានរាយបន្លាលួសហ៊ុមព័ទ្ធផ្ទះពលរដ្ឋខ្មែរ ក្នុងទឹកដីកម្ពុជា នៅឃុំអូរបីជាន់ ខេត្តបន្ទាយមានជ័យ ដើម្បីស្វែងយល់ពីការពិតជាក់ស្តែង យកទៅផ្សព្វផ្សាយទៅកាន់ពិភពលោក។
ក្នុងការផ្សាយបន្តផ្ទាល់របស់អ្នកឆ្លើយឆ្លងព័ត៌មានអាមេរិកប្រចាំសេតវិមាន នៅម៉ោង៧និង៣២នាទីយប់ថ្ងៃសុក្រនេះ នៅឯព្រំដែនកម្ពុជា-ថៃ លោកបាននិយាយថា កម្ពុជាពិតជាត្រូវការសន្តិភាព ហើយបើថៃត្រូវការសន្តិភាពដែរ តើហេតុអ្វីថៃបាននិយាយជាមួយលោក ដូណាល់ ត្រាំ ហើយអំពីបទឈប់បាញ់ ប៉ុន្តែទង្វើរបស់ថៃ កំពុងតែប្រឆាំងនឹងបទឈប់បាញ់យ៉ាងច្បាស់ ។
លោកបានបន្តថា ថៃបានយកបន្លាលួសមកហ៊ុមព័ទ្ធផ្លូវ និងផ្ទះរបស់ប្រជាជនស្លូតត្រង់របស់កម្ពុជា ធ្វើបាបប្រជាជនស្លូតត្រង់ ។
លោកបាននិយាយដោយអារម្មណ៍ឈឺចាប់ជំនួសឲ្យប្រជាជនកម្ពុជាថា កម្ពុជាត្រូវការសន្តិភាព ប៉ុន្តែប្រទេសថៃមិនត្រូវការសន្តិភាពដូចបាននិយាយឡើយ គឺជ្រើសរើសសង្គ្រាម។ ថៃមិនបានធ្វើដូចអ្វី ដែលបាននិយាយជាមួយលោក ដូណាល់ ត្រាំ ឡើយ ។
លោក ALFARO MICHAEL BARRY កំពុងបង្ហាញការពិតទៅកាន់ពិភពលោកហើយថាតើថៃបានធ្វើទុក្ខបុកម្នេញមកលើកម្ពុជាយ៉ាងដូចម្តេចខ្លះ ? លោកបានដង្ហោយហៅប្រធានាធិបតី ដូណាល់ ត្រាំ ឲ្យជួយកម្ពុជា ហើយប្រាប់យ៉ាងច្បាស់ពីទង្វើដ៏អាក្រក់របស់ថៃ។ ប្រជាជនស្លូតត្រង់ ដែលត្រូវថៃហ៊ុមព័ទ្ធបន្លាលួសយកផ្ទះ អត់មានផ្ទះនៅ ក្មេងៗ ត្រូវជ្រកក្រោមតង់ទាំងមេឃកំពុងភ្លៀងទាំងយប់ ។
សង្ខេបពាក្យសំខាន់ៗយកចេញពីវីដេអូផ្សាយផ្ទាល់របស់លោក Michael B Alfaro ដោយសង្ខេបខ្លឹមសារដូចខាងក្រោម ៖
- ប្រជាជនកម្ពុជា ត្រូវការសន្តិភាព
- ក្មេងៗ ត្រូវការជម្រក ត្រូវការរៀន
- លោកថា នឹងបង្ហាញរូបភាព និងវីដេអូការពិតអំពីអ្វី ដែលកើតមានចំពោះលោកប្រធានាធិបតីអាមេរិក
- ប្រព័ន្ធព័ត៌មានជាច្រើន បានកុហកលោកប្រធានាធិបតី ហើយគាត់កំពុងបង្ហាញការពិត
- ពេលដែលកម្ពុជា សម្រេចឯកភាពកិច្ចព្រមព្រៀងបទឈប់បាញ់ លោកបានបញ្ជាក់យ៉ាងច្បាស់ថា ពីមុនកម្ពុជា មិនដែលមានទ័ពនៅទីនេះទេ ហើយក្រោយបទឈប់បាញ់ កម្ពុជាក៏មិនមានដែរ តែខាងថៃបានចោទថាកម្ពុជាដាក់ទ័ព ហើយតម្រូវឱ្យថៃការពារបូរណភាពទឹកដីគេ តែការពិតនេះគ្មានអ្វីទាំងអស់
- នេះជាអ្វីដែលថៃបានបង្កើតឡើង ហើយចង់លេងល្បែងរបស់ខ្លួន ហើយជ្រើសរើសសង្គ្រាម
- លោកចង់បញ្ជាក់ទៅមិត្តភក្តិទាំងអស់ មកស្វែងយល់ការពិត ហើយត្រូវធ្វើអ្វីម្យ៉ាង ពិសេសត្រូវតែប្រឆាំងនឹងអំពើអាក្រក់នេះ ដែលមិនអាចទទួលយកបាន
- លោកនឹងបញ្ជូនព័ត៌មានទាំងនេះ ទៅកាន់លោកប្រធានាធិបតី
- ក្មេងៗ ក្មេងចាស់ប្រុសស្រីពេលនេះកំពុងនៅក្រោមដំណក់ទឹកភ្លៀង ព្រោះផ្ទះត្រូវបានថៃរំលោភ
- លោកបញ្ជាក់ម្តងហើយម្តងទៀតថា លោកមិនអាចទទួលយកបានទេ សូមឱ្យមិត្តភក្តិទាំងអស់ តាមដានជាមួយគាត់ លោកបន្តថាថៃជាអ្នកផ្លោងគ្រាប់បែកដាក់វត្ត ដាក់ផ្ទះ ទាំងដែលជាក់ស្តែងនៅទីនេះគ្មានការគំរាមកំហែងអ្វីទាំងអស់
- លោកថា នឹងស្នើឱ្យលោក Elon Mask បើកប្រព័ន្ធ Settle lite ដើម្បីមើលការពិត
- លោកស្នើឱ្យ ប្រធានាធិបតីអាមេរិក ពិនិត្យមើល ហើយប្រើប្រាស់គ្រប់ប្រព័ន្ធច្បាប់អន្តរជាតិ ICJ ដើម្បីដោះស្រាយលើករណីនេះ
- លោកថា ថៃជាអ្នកបង្កើតបញ្ហាទាំងអស់ ហើយជាអ្នកដែលបានបំពានកម្ពុជា ៕
Video In Linke
