បន្ទាយមានជ័យ៖ កម្លាំងប៉ុស្តិ៍ នគរបាលរដ្ឋបាលអូរស្រឡៅ និងប្រជាការពារ បានល្បាតតាមភូមិសាស្រ្តបានប្រទះឃើញ ពលរដ្ឋចំនួន៤១នាក់ ស្រី១៨នាក់ ក្មេង ០៦នាក់ ស្រី០២នាក់ ដែលមេខ្យល់យកមកលាក់ទុកនៅក្នុងចំការឬស្សីមួយកន្លែង ។
បើតាមលោកវរសេនីយឯក សយ សំណាង មេប៉ុស្តិ៍ស្តីទី អូរស្រឡៅ បានអោយដឹកថា៖ កម្លាំងប៉ុស្តិ៍ និងប្រជាការពារ បានដើរល្បាត ក្នុងភូមិសាស្រ្តបាន ប្រទះឃើញ ពលរដ្ឋដែលមេខ្យល់យកមកលាក់ទុកនៅក្នុងចំការឬស្សីមួយកន្លែង។
លោកបានបន្តថា កម្លាំងក៏បាននាំពួកគាត់ មកប៉ុស្តិ៍នគរបាលរដ្ឋបាលអូរស្រឡៅដើម្បីសួរនាំ ។ ក្នុងនោះមានពលរដ្ច សរុប ៤១នាក់ ស្រី១៨នាក់ ក្មេង ០៦នាក់ ស្រី០២នាក់ ដែលមកពីខេត្តចំនួន០៤ មានដូចខាងក្រោមៈ ១.ខេត្តបន្ទាយមានជ័យ មានចំនួន១៧នាក់ ស្រី០៦នាក់ ក្មេង០៣នាក់ ប្រុស០៣នាក់ ២.ខេត្តព្រៃវែង មានចំនួន០៤នាក់ ស្រី០៣នាក់ ៣.ខេត្តប៉ៃលិន មានចំនួន០៥នាក់ ស្រី០២នាក់ ក្មេង០១នាក់ ប្រុស០១នាក់ ៤.ខេត្តបាត់ដំបង មានចំនួន១៥នាក់ ស្រី០៧នាក់ ក្មេង០៣នាក់ ស្រី០២នាក់ ពលករទាំង០៤ខេត្ត ។
បន្ទាប់មកកម្លាំងប៉ុស្តិ៍រដ្ឋបាលធ្វើការអប់រំ ធ្វើកិច្ចសន្យា និងណែនាំពួកគាត់ធ្វើឯកសារស្របច្បាប់ ណែនាំអប់រំអោយបញ្ឈប់សកម្មភាពចាញ់បោកមេខ្យល់បន្តទៀត ដើម្បីងាយស្រួលឆ្លងដែន ។
គួរបញ្ជាក់ផងដែរ៖ វិធានការណែនាំលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ ត្រូវអោយកម្លាំងជំនាញដែលមានលោកស្រីឧត្តមសេនីយ៍ត្រី ឌី សុជាតិ ស្នងការរងផែនការងារប្រឆាំងការជួញដូរ និងយេនឌ័រខេត្តបន្ទាយមានជ័យត្រូវស្រាវជ្រាវរកចាប់មេខ្យល់ ដែលដើរបោកប្រាស់ប្រជាពលរដ្ឋទៅចំណាកស្រុកដោយខុសច្បាប់ប្រទេសថៃ និងត្រូវពង្រឹងតាមបន្ទាត់ព្រំដែនការពារទប់ស្កាត់អោយបានពលករចំណាកស្រុកខុសច្បាប់៕
