Category: ព័ត៌មានអន្តរជាតិ

យោងតាមព្រឹត្តិការណ៍សង្ខេបខ្លីៗពីប្រព័ន្ធផ្សព្វផ្សាយ Khaosod របស់ថៃ បានចុះផ្សាយនៅមុននេះបន្តិចថា តុលាការព្រហ្មទណ្ឌថៃ សម្រេចថា អតីតនាយករដ្ឋមន្ត្រីថៃ លោក ថាក់ស៊ីន ស៊ីណាវ៉ាត់ (Thaksin Shinawatra) មិនមានជាប់ទោសទណ្ឌពីបទប្រមាថព្រះចេស្ដាព្រះមហាក្សត្រនោះទេ ក្នុងអំឡុងបទសម្ភាសន៍របស់លោកថាក់ស៊ីន ជាមួយនឹងប្រព័ន្ធផ្សព្វផ្សាយកូរ៉េខាងត្បូង កាលពីឆ្នាំ ២០១៥ ។ សេចក្ដីសម្រេចចុងក្រោយនេះ បានធ្វើឱ្យអ្នកគាំទ្រលោកថាក់ស៊ីន នាំគ្នាចេញមកអបអរសាទរ គួររម្លឹកថា នៅក្នុងប្រទេសថៃ មានច្បាប់មួយដ៏តឹងរ៉ឹងបំផុតពាក់ព័ន្ធនឹងការប្រមាថខ្សែរាជវង្ស ដោយជនជាប់ចោទអាចនឹងត្រូវជាប់ពន្ធនាគាររហូតដល់ ១៥ឆ្នាំឯណោះ។ ទោះជាបែបណាក្ដី កាសែតដដែលនេះ មិនបានបញ្ជាក់នោះទេថា តើមានការសម្រេចបែបណាចំពោះករណីចោទថា លោកថាក់ស៊ីន អាចនឹងមិនបានអនុវត្តច្បាប់ក្នុងការកាត់ទោសឱ្យបានត្រឹមត្រូវ អំឡុងវិលត្រឡប់មកចូលស្រុកថៃវិញក្នុងឆ្នាំ ២០២៣ ដែលការនោះលោកថាក់ស៊ីន មានជំងឺត្រូវបញ្ជូនជាបន្ទាន់ទៅសម្រាកក្នុងមន្ទីរពេទ្យ ជំនួសឱ្យការជាប់ពន្ធនាគារ ។ ដោយឡែក ក្រៅពីលោកថាក់ស៊ីន លោកស្រី ផែថុងថាន ស៊ីណាវ៉ាត់ ដែលត្រូវជាកូនស្រីរបស់លោកឯណោះវិញ ក្រោយបង្ហាញខ្លួននៅក្នុងតុលាការនៅថ្ងៃទី២១ ខែសីហារួចហើយ ឥឡូវនេះ លោកស្រីកំពុងរង់ចាំសាលក្រមសម្រេចនៅថ្ងៃទី២៩ ខែសីហា ថាតើលោកស្រី នឹងអាចរក្សាឬក៏ត្រូវរបូតចេញពីតំណែងនាយករដ្ឋមន្ត្រីជាផ្លូវការ ជុំវិញសំណុំរឿងចោទប្រកាន់ដែលប្ដឹងដោយក្រុមសមាជិកព្រឹទ្ធសភា ទៅកាន់តុលាការ ពាក់ព័ន្ធនឹងបទបំពេញការងារដោយគ្មានវិជ្ជាជីវៈ និងបំពានក្រមសីលធម៌ ក្នុងបញ្ហាជម្លោះព្រំដែនជាមួយកម្ពុជា ដែលនាំឱ្យមានការប៉ះទង្គិចគ្នាដោយយោធាមិនធ្លាប់មាន ៕

ប្រធានាធិបតីសហរដ្ឋអាមេរិក លោក ដូណាល់ ត្រាំ បានឱ្យដឹងថា កិច្ចប្រជុំជាមួយលោក វ៉ូឡូឌីមៀ ហ្សេលេនស្គី ប្រធានាធិបតីអ៊ុយក្រែន និងបណ្តាមេដឹកនាំអឺរ៉ុប នៅក្នុងទីក្រុងវ៉ាស៉ីតោន នាថ្ងៃចន្ទ ទី១៨ ខែសីហា បានប្រព្រឹត្តយ៉ាងល្អ​ ជាមួយនិងការរៀបចំសម្រាបជំនួបរវាងមេដឹកនាំរុស្ស៉ី-អ៊ុយក្រែននាពេលបន្ទាប់។ នេះបេីតាមការបង្ហោះនៅលេីបណ្តាញសង្គម Truth Social និងគណនីហ្វេសប៊ុករបស់លោក។ លោក ត្រាំ គូសបញ្ជាក់ថា «ខ្ញុំមានជំនួបដ៏ល្អជាមួយភ្ញៀវកិត្តិយស លោកប្រធានាធិបតី ហ្សេលេនស្គី នៃអ៊ុយក្រែន លោកប្រធានាធិបតី Emmanuel Macron នៃប្រទេសបារាំង លោកប្រធានាធិបតី Alexander Stubb នៃប្រទេសហ្វាំងឡង់ នាយករដ្ឋមន្រ្តី Giorgia Meloni នៃប្រទេសអ៉ីតាលី នាយករដ្ឋមន្រ្តី Keir Starmer នៃចក្រភពអង់គ្លេស អធិការបតីនៃសាធារណរដ្ឋសហព័ន្ធអាល្លឺម៉ង់ Friedrich Merz ប្រធានគណៈកម្មការអឺរ៉ុប លោកស្រី​ Ursula von der Leyen អគ្គលេខាធិកាណាតូ Mark Rutte នៅក្នុងសេតវិមាន ដែលបានបញ្ចប់ទៅ ដោយនឹងមានជំនួបបន្ថែមទៀតនៅក្នុងការិយាល័យរាងពងក្រពេី»។ លោក ត្រាំ បន្ថែមថា «ក្នុងអំឡុងពេលនៃកិច្ចប្រជុំ​ Read more

លោក វ្ល៉ាឌីមៀ ពូទីន ប្រធានាធិបតីនៃប្រទេសរុស្ស៊ី និងលោក ដូណាល់ ត្រាំ ប្រធានាធិបតីនៃសហរដ្ឋអាមេរិក បានបញ្ចប់កិច្ចពិភាក្សាកំពូលរវាងលោកទាំងពីរ ជាមួយនឹងក្រុមគណៈប្រតិភូដែលមានរយៈពេលជាងបីម៉ោង។ នេះបើយោងតាមការចេញផ្សាយដោយសារព័ត៌មាន Tass។ លោក ពូទីន និងលោក ត្រាំ បានបញ្ចប់កិច្ចពិភាក្សាដែលមានការចូលរួមពីជំនួយការរបស់លោកទាំងពីរ និងមន្ត្រីការទូតរបស់រុស្ស៊ី និងសហរដ្ឋអាមេរិក ដោយកិច្ចពិភាក្សា គ្នា នេះមានរយៈពេលជាងបីម៉ោង។ គួរបញ្ជាក់ថា ក្រោយបញ្ចប់ការប្រជុំលោក ពូទីន និងលោក ត្រាំ ក៏បានធ្វើសន្និសីទ កាសែត រួមគ្នាផងដែរ៕

រដ្ឋាភិបាលជប៉ុន ប្រកាសផ្តល់ជំនួយ ១.៨លានដុល្លារអាមេរិក ដើម្បីជួយផ្នែកមនុស្សធម៌នៅកម្ពុជា ដោយផ្តោតលើការរងគ្រោះនៅតាមបន្ទាត់ព្រំដែនកម្ពុជា-ថៃ ដោយសារជម្លោះព្រំដែន។ តាមរយៈបណ្តាញសង្គមរបស់ស្ថានទូតជប៉ុនប្រចាំនៅកម្ពុជា នាព្រឹកថ្ងៃសុក្រ ទី១៥ខែសីហា ឆ្នាំ២០២៥នេះ លោក អ៊ូអិណុ ឯកអគ្គរាជទូតជប៉ុនប្រចាំនៅកម្ពុជា បានឱ្យដឹងថា រដ្ឋាភិបាលជប៉ុនបានសម្រេចផ្តល់ជំនួយសង្គ្រោះបន្ទាន់ ដែលជាជំនួយឥតសំណង មានទឹកប្រាក់សរុបប្រមាណ ១,៨ លានដុល្លារអាមេរិក ដើម្បីឆ្លើយតបទៅនឹងតម្រូវការមនុស្សធម៌ជាបន្ទាន់នៅតាមតំបន់ព្រំដែនកម្ពុជា-ថៃ។ ប្រភពបន្តថា ក្នុងកិច្ចសហប្រតិបត្តិការនេះ ជប៉ុននឹងអនុវត្តនូវជំនួយមនុស្សធម៌ដូចជាការចែកសម្ភារៈចាំបាច់ប្រើប្រាស់ប្រចាំថ្ងៃ និងជម្រកបណ្តោះអាសន្នជាដើម តាមរយៈអង្គការអន្តរជាតិទេសន្តរប្រវេសន៍ (IOM) និងមូលនិធិអង្គការសហប្រជាជាតិដើម្បីកុមារ (យូនីសេហ្វ)។ រដ្ឋាភិបាលជប៉ុនគាំទ្រយ៉ាងខ្លាំងចំពោះកិច្ចព្រមព្រៀងឈប់បាញ់បន្ទាន់ និងឥតលក្ខខណ្ឌរវាងកម្ពុជា និងថៃ ហើយសង្ឃឹមថានឹងមានសន្តិភាពឡើងវិញយ៉ាងឆាប់រហ័ស ហើយនឹងបន្តខិតខំប្រឹងប្រែងដើម្បីកាត់បន្ថយការលំបាករបស់អ្នកដែលរងគ្រោះ។ លោកឯកអគ្គរាជទូត បានបញ្ជាក់ថា រូបលោកផ្ទាល់ និង វរសេនីយឯក ហារ៉ា តាកាស៊ី អនុព័ន្ធយោធានៃស្ថានទូតជប៉ុនបានចូលរួមដំណើរទស្សនកិច្ចទៅកាន់តំបន់ព្រំដែន ហើយមានការគ្រាំគ្រាចិត្តជាពន់ពេកចំពោះទំហំនៃការខូចខាត។ ស្ថានទូតជប៉ុនប្រចាំនៅកម្ពុជា ក៏នឹងបន្តខិតខំប្រឹងប្រែងដើម្បីជួយស្តារសន្តិភាព និងផ្តល់ជំនួយដល់ប្រជាពលរដ្ឋដែលរងគ្រោះនៅក្នុងប្រទេសកម្ពុជា៕

អង្គការសហប្រជាជាតិ (អ.ស.ប) បានថ្កោលទោសសកម្មភាពវាយប្រហាររបស់អ៊ីស្រាអ៊ែលលើទីក្រុងហ្គាហ្សា ដែលបានបណ្ដាលឱ្យអ្នកកាសែត ៦រូបបាត់បង់អាយុជីវិតកាលពីថ្ងៃទី១០ ខែសីហា ។ លោក ស្តេហ្វិន ឌូចារីក (Stephane Dujarric) ដែលជាអ្នកនាំពាក្យរបស់អគ្គលេខាធិការ អ.ស.ប លោក អាន់តូនីញ៉ូ ហ្គតធើរ៉េស (Antonio Guterres) មានប្រសាសន៍ថា ឧបទ្ទវហេតុបណ្ដាលឱ្យអ្នកកាសែតស្លាប់នេះ បានបង្ហាញពីគ្រោះថ្នាក់ខ្លាំងបំផុតដែលអ្នកកាសែតប្រឈមមុខខណៈកំពុងយកព័ត៌មានលើបញ្ហាជម្លោះ ។ លោកឌូចារីក (Dujarric) បានអំពាវនាវឱ្យមានការស៊ើបអង្កេតដោយឯករាជ្យ និងមិនលំអៀង ហើយបានកត់សម្គាល់ថា យ៉ាងហោចណាស់អ្នកកាសែត ២៤២រូបបានស្លាប់នៅក្នុងតំបន់ហ្គាហ្សា ចាប់តាំងពីសង្គ្រាមបានចាប់ផ្តើម។ លោកបានសង្កត់ធ្ងន់ថា អ្នកសារព័ត៌មានទាំងអស់ត្រូវតែទទួលបានការគោរព ការពារ និងអាចធ្វើការងាររបស់ពួកគេដោយសេរី ដោយគ្មានភាពភ័យខ្លាច ឬការយាយី ។ ជុំវិញលទ្ធភាពនៃការស៊ើបអង្កេត អ្នកនាំពាក្យរូបនេះទទួលស្គាល់ថា ការស្វែងរកអ្នកទទួលខុសត្រូវក្នុងស្ថានភាពជម្លោះបែបនេះ ជារឿយៗត្រូវការពេលវេលាគួរសមដែរ។ ស្របពេលអ៊ីស្រាអ៊ែល បានសារភាពដោយបើកចំហចំពោះការវាយប្រហារនេះ ប៉ុន្តែបានអះអាងដោយគ្មានភស្តុតាងគួរឱ្យទុកចិត្តថា អ្នកកាសែតមួយរូប គឺជាបណ្ដាញរបស់ក្រុមហាម៉ាស់ ។ លោកឌូចារីក (Dujarric) រៀបរាប់ជាបន្តថា ទោះបីជាមានភាពស្មុគស្មាញយ៉ាងណាក៏ដោយ ក៏ត្រូវតែមានការទទួលខុសត្រូវចំពោះឧបទ្ទវហេតុនេះ។ លោកបានសង្កត់ធ្ងន់ពីសារៈសំខាន់នៃការធានានូវយុត្តិធម៌ក្នុងករណីដែលអ្នកកាសែតត្រូវរងគ្រោះឬឈានដល់ស្លាប់ ។ គួររម្លឹកថា ទីភ្នាក់ងារសារព័ត៌មាន Al Jazeera បានបញ្ជាក់ថា Read more

នាយករដ្ឋមន្ត្រីម៉ាឡេស៊ី ឯកឧត្តម Datuk Seri Anwar Ibrahim ដែលជាប្រធានអាស៊ានប្តូរវេន បាននិយាយថា ” យើងមានផ្កាយរណបតាមឃ្លាំមើលការអនុវត្តបទឈប់បាញ់រវាងកម្ពុជា និងថៃ ហើយភាគីទាំងពីរបានយល់ស្របគ្នាថា អនុព័ន្ធយោធាម៉ាឡេស៊ី រួមជាមួយអនុព័ន្ធយោធាពីប្រទេសដទៃទៀតនៅអាស៊ាន នឹងខិតខំរួមគ្នាលើការតាមឃ្លាំមើលពីចម្ងាយ ដើម្បីធានាឱ្យបទឈប់បាញ់មានប្រសិទ្ធិភាព ” ។ ការលើកឡើងរបស់ឯកឧត្តម គឺធ្វើឡើងតបទៅនឹងសំនួររបស់ សមាជិកសភា Rodiyah Sapiee ដែលចង់ដឹងពីតួនាទីរបស់ម៉ាឡេស៊ីក្នុងការសម្របសម្រួល ការចរចាសន្តិភាព និងបទឈប់បាញ់រវាងប្រទេសកម្ពុជានិងថៃ នៅអំឡុងកិច្ចប្រជុំសភា នៅថ្ងៃទី៥ ខែសីហា ឆ្នាំ២០២៥។ នេះបើយោងតាមសារព័ត៌មាន Bernama News របស់ម៉ាឡេស៊ី ចេញផ្សាយនៅថ្ងៃទី៥ ខែសីហា ឆ្នាំ២០២៥។ ឯកឧត្តម Datuk Seri Anwar Ibrahim បាននិយាយថា ” ជម្លោះព្រំដែនរវាងកម្ពុជានិងថៃ ត្រូវគេរំពឹងថា នឹងអាចដោះស្រាយបាន។ យើងសង្ឃឹមថា ចំណុចរួមជាច្រើន ក្រោមការសម្របសម្រួលពីប្រទេសម៉ាឡេស៊ី អាចសម្រេចបាននៅថ្ងៃទី៧ ខែសីហា ឆ្នាំ២០២៥។ យើងប្រាថ្នាឱ្យមានមតិជាឯកច្ឆន្ទនិងដំណោះស្រាយរួមមួយ ដោយសារតែបញ្ហានេះ មិនត្រឹមតែប៉ះពាល់ដល់ទំនាក់ទំនងទ្វេភាគីប៉ុណ្ណោះទេ ប៉ុន្តែក៏ប៉ះពាល់ដល់កិត្យានុភាពរបស់អាស៊ានផងដែរ ’’។ ឯកឧត្តម Anwar Read more

សកម្មភាពមហាបាតុកម្មខ្មែរកាណាដា ខ្មែរម៉ុងរេអាល់ ខ្មែរតូរ៉ុនតូ និងខ្មែរអូតាវ៉ា ព្រមទាំងខ្មែរដែលមកពីបណ្តាខេត្តផ្សេងមួយចំនួនទៀត បានមកជួបជុំគ្នានៅទីក្រុងអូតាវ៉ា ប្រមាណជាង៥០០នាក់ ដើម្បីធ្វើបាតុកម្មប្រឆាំងនឹងចោរសៀមឈ្លានពានលើទឹកដីខ្មែរ កាលពីថ្ងៃទី២៤ ខែកក្កដា ឆ្នាំ២០២៥ កន្លងទៅថ្មីៗនេះ។ នេះជាលើកទី១ហើយដែលខ្មែររួបរួមគ្នាធ្វើមហាបាតុកម្មប្រឆាំងចោរសៀម ដែល មកពីគ្រប់តំបន់ មិនប្រកាន់និន្នាការគណបក្សនយោបាយណាទាំងអស់ ក្នុងគោលបំណងតែមួយ គឺជាតិខ្មែរតែមួយមិនថារស់នៅទីណា តែងតែបារម្ភយកចិត្តទុកដាក់ជានិច្ចចំពោះប្រទេសជាតិដែលជាស្រុកកំណើត។ ក្បួនបាតុកម្មបានជួបជុំគ្នានៅ ក្រសួងកិច្ចការបរទេសកាណាដា និងដង្ហែរបាតុកម្មឆ្ពោះទៅកាន់វិមានរដ្ឋសភាកាណាដា ដើម្បីសម្តែងមតិ និងប្រគល់ញត្តិទៅរដ្ឋាភិបាលកាណាដា ដើម្បីបញ្ឈប់ការឈ្លានពានរបស់សៀមមកលើទឹកដីព្រះរាជាណាចក្រកម្ពុជា ក៏ដូចជាស្វែងរកសន្តិភាពដល់ប្រទេសខ្មែរតូចតែមានបេះដូងធំ និងថែរក្សាសម្បត្តិបេតិភណ្ឌពិភលោកដែលត្រូវបានថៃព្យាយាមបំផ្លិចបំផ្លាញ។ ចុងបញ្ចប់ក៏សូមថ្លែងដល់អាជ្ញាធរប៉ូលិសទីក្រុងអូតាវ៉ាដែលបានជួយសម្របសម្រួលដល់ក្បួនបាតុកម្មយ៉ាងយកចិត្តទុកដាក់ជាទីបំផុត៕

ក្រោមការខិតខំប្រឹងប្រែងរបស់រាជរដ្ឋាភិបាល ធ្វើឱ្យការចរចាពន្ធបដិកាជាមួយសហរដ្ឋអាមេរិក សម្រេចបាលទ្ធផលល្អ ដោយអាមេរិក បានសម្រេចទម្លាក់អត្រាពន្ធបដិកា សម្រាប់ការនាំចូលទំនិញពីកម្ពុជាពី៣៦% មកនៅ ១៩ប៉ុណ្ណោះ។ តាមរយៈសេតវិមាន ដែលបានចេញផ្សាយនៅព្រឹកថ្ងៃទី១ ខែសីហា ឆ្នាំ២០២៥នេះ។ លោកប្រធានាធិបតីសហរដ្ឋអាម៉េរិក ដូណាល់ ត្រាំ បានសម្រេចបន្ថយអាត្រាពន្ធគយសម្រាប់កម្ពុជាមកនៅ ១៩% ចាប់ពីថ្ងៃទី១ ខែសីហា ឆ្នាំ២០២៥ នេះតទៅ។ ដំបូងឡើយសហរដ្ឋអាមេរិកបានដាក់ពន្ធបដិការសម្រាប់កម្ពុជា ៤៩% បន្ទាប់ពីការចរចា បានសម្រេចបន្ថយមក ៣៦% និងពេលនេះបានបន្ថុយមក ១៩%, ក្រោយពីក្រុមការងារចំពោះកិច្ចសម្របសម្រួលពាណិជ្ជកម្មនិងវិនិយោគទ្វេភាគីកម្ពុជា-សហរដ្ឋអាមេរិកដែលមាន ឯកឧត្តម ឯកឧត្តម ស៊ុន ចាន់ថុល ឧបនាយករដ្ឋមន្ត្រី លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម ជាអ្នកដឹកនាំការចរចា ក្រោមការដឹកនាំប្រកបដោយចក្ខុវិស័យវែងឆ្ងាយ ថាមពលនិងឈ្លាសវៃរបស់សម្តេចបវរធិបតី ហ៊ុន ម៉ាណែត នាយករដ្ឋមន្ត្រី បានសម្រេចនូវលទ្ធផលដ៏ល្អសម្រាប់ជាតិនិងប្រជាជនកម្ពុជា។ លោកប្រធានាធិបតី ដូណាល់ ត្រាំ បានផ្តួចផ្តើមបញ្ចប់ជម្លោះរវាងកម្ពុជា និងថៃ ឱ្យឈានដល់កិច្ចព្រមព្រៀងឈប់បាញ់នាពាក់កណ្តាលអាធ្រាត្រ ថ្ងៃទី២៨ ខែកក្កដា ឆ្នាំ២០២៥។ អត្រាពន្ធបដិកាថ្មីនេះ ជាកម្រិតល្អមួយជួយឱ្យកម្ពុជា កាន់តែទាក់ទាញវិនិយោគិនមកបណ្តាក់ទុននៅកម្ពុជា និងជំរុញឱ្យការធ្វើពាណិជ្ជកម្មកាន់តែល្អជាងមុន៕

អង្គការយូណេស្កូ នៅថ្ងៃពុធ (ទី៣០ ខែកក្កដា) បានសម្តែងនូវការគាំទ្រចំពោះកិច្ចខិតខំប្រឹងប្រែងជាបន្តបន្ទាប់ ដើម្បីនាំមកនូវសន្តិភាពយូរអង្វែងរវាងកម្ពុជា និងថៃ ដោយលើកឡើងថា សន្តិភាពមានសារៈសំខាន់ណាស់ក្នុងការការពារសម្បត្តិបេតិកភណ្ឌវប្បធម៌នៃប្រទេសទាំងពីរ។ យូណេស្កូ មានក្ដីព្រួយបារម្ភជាខ្លាំង ពីព្រោះការប្រយុទ្ធគ្នាអាចបណ្តាលឱ្យខូចខាតដល់ទីតាំងវប្បធម៌សំខាន់ៗ រួមទាំងទីកន្លែងមួយចំនួនដែលទទួលស្គាល់ជាសម្បត្តិបេតិកភណ្ឌពិភពលោករបស់អង្គការយូណេស្កូ (UNESCO) ។ នៅក្នុងការជួយតាមដានស្ថានការណ៍ អង្គការយូណេស្កូបានចាប់ផ្តើមប្រើប្រាស់រូបភាពផ្កាយរណប ដើម្បីមើលទីតាំងបេតិកភណ្ឌវប្បធម៌។ ខ្លួនក៏បានចែករំលែកទីតាំងជាក់លាក់នៃប្រាសាទទាំងនេះជាមួយប្រទេសទាំងពីរ ដើម្បីជួយទប់ស្កាត់គ្រោះថ្នាក់បន្ថែមទៀត ។ អង្គការយូណេស្កូបានក្រើនរម្លឹកភាគីទាំងសងខាងអំពីទំនួលខុសត្រូវរបស់ពួកគេ ក្នុងការអនុវត្តតាមច្បាប់អន្តរជាតិដែលការពារទីកន្លែងវប្បធម៌ និងប្រវត្តិសាស្ត្រក្នុងអំឡុងមានជម្លោះ។ ទាំងនេះរួមបញ្ចូលអនុសញ្ញាទីក្រុងឡាអេ ឆ្នាំ ១៩៥៤ និងអនុសញ្ញាឆ្នាំ ១៩៧២ ស្តីពីសម្បត្តិបេតិកភណ្ឌពិភពលោក ។ សំណេរជាចុងក្រោយនៅលើគេហទំព័ររបស់ខ្លួន អង្គការយូណេស្កូ និយាយថា អង្គការត្រៀមខ្លួនរួចជាស្រេចក្នុងការផ្ដល់ជំនួយបច្ចេកទេសចាំបាច់ដើម្បីធានាការពារទីតាំង រួមទាំងពិនិត្យវាយតម្លៃលើតួលេខនៃការខូចខាត និងអនុវត្តវិធានការការពារដ៏ចាំបាច់ ៕ https://whc.unesco.org/en/news/2802

Credit រដ្ឋមន្ត្រីក្រសួងព័ត៌មាន៖: https://web.facebook.com/share/p/1FKUuM1Ev5/ ពិភពលោកបានថ្លែងអបអរសាទរចំពោះបទឈប់បាញ់ជាបន្ទាន់និងដោយគ្មានលក្ខខណ្ឌរវាងកម្ពុជានិងថៃសម្រេចបានក្នុងកិច្ចប្រជុំពិសេសកាលពីថ្ងៃទី២៨ ខែកក្កដា ឆ្នាំ២០២៥ នៅទីក្រុងកូឡាឡាំពួរ ប្រទេសម៉ាឡេស៊ី។ ជាលទ្ធផលដ៏ត្រចះត្រចង់ពីជំនួបរវាងសម្តេចធិបតី នាយករដ្ឋមន្ត្រី និងឯកឧត្ដម Phumtham Wechayachai នាយករដ្ឋមន្ត្រីស្តីទីនៃព្រះរាជាណាចក្រថៃ ដោយភាគីទាំងពីរកម្ពុជា-ថៃបានឯកភាពគ្នាដូចខាងក្រោម៖ 1. បទឈប់បាញ់បន្ទាន់ ឥតលក្ខខណ្ឌ ដែលនឹងចូលជាធរមាននៅវេលាម៉ោង24:00 ថ្ងៃទី28 ខែកក្កដា ឆ្នាំ2025។ នេះជាជំហានដ៏សំខាន់ ឆ្ពោះទៅការបន្ថយការតានតឹង នឹងការស្តារឡេីងវិញនៅសន្តិភាព និងសន្តិសុខ។ 2. រៀបចំកិច្ចប្រជុំក្រៅផ្លូវការថ្នាក់មេបញ្ជាការយោធភូមិភាគ (ភាគីថៃ យោធភូមិភាគទី1 និងទី2 និងភាគីកម្ពុជាយោធភូមិភាគទី4 និងទី5) នៅវេលាម៉ោង07:00 ថ្ងៃទី29 ខែកក្កដា ឆ្នាំ2025 និងបន្តរៀបចំកិច្ចប្រជុំជាមួយបណ្តាសេនានុព័ន្ធ និងអនុព័ន្ធយោធា ដឹកនាំដោយប្រធានអាស៊ាន បេីមានការឯកភាពពីភាគីទាំងពីរ និង 3. រៀបចំកិច្ចប្រជុំគណៈកម្មាធិការព្រំដែនទូទៅ (GBC) កម្ពុជា-ថៃ នៅថ្ងៃទី4 ខែសីហា ឆ្នាំ2025 ដែលកម្ពុជានឹងធ្វើជាម្ចាស់ផ្ទះ។ ខាងក្រោមគឺជាសារចូលរួមអបអរសាទរពីបណ្តាប្រទេសផ្សេងៗ៖

យោងតាមប្រព័ន្ធផ្សព្វផ្សាយអន្តរជាតិធំៗ បានផ្សាយនៅរសៀលថ្ងៃ២៤កក្កដានេះថា កងយោធាថៃ បានបើកការវាយប្រហារតាដែនអាកាសមុនមកលើគោលដៅយោធាកម្ពុជា ដែលស្ថិតនៅតាមបណ្តោយព្រំដែនដែលកំពុងតែមានជម្លោះរវាងភាគីទំាងពីរ។ការប្រយុទ្ធគ្នាបានកើតមានឡើងជាច្រើនទីតំាង នៅតាមបណ្តោយព្រំដែន ខណៈតារាងតុល្យការនៃការខូចខាតមិនទាន់បានផ្សព្វផ្សាយឱ្យដឹង។ តាមសេចក្តីរាយការណ៍ដដែលបានឱ្យដឹងបន្ថែមទៀតថា ការវាយប្រហារបានកើតមានឡើង ក្រោយពេល១ថ្ងៃ នៃការរងរបួសរបស់ទាហានថៃចេញពីការជាន់គ្រាប់មីន ដែលជំរុញឱ្យចំណងការទូតរវាងប្រទេសទំាងពីរបានធ្លាក់ចុះដល់កំរិតទាបបំផុតមួយ។ប្រទេសថៃឡង់ដ៍ និងប្រទេសកម្ពុជាមានទំនាក់ទំនងជារបៀបសហប្រតិបត្តិការផង និងគូរវិវាទផង ខណៈមានខណ្ឌសីមាជាប់គ្នាប្រវែង៨០០គីឡូម៉ែត្រឯណោះ.។ មុនឈានដល់ការផ្ទុះអាវុធនេះ ប្រទេសថៃ បានប្រើប្រាស់គ្រប់ល្បិចកល ក្នុងគោលដៅឈ្លានពានទឹកដីកម្ពុជា ក្នុងនោះថៃ ក៏បានបង្កើតសេនារីយ៉ូ ចោទប្រកាន់កម្ពុជាថា​ដាក់មីនថ្មីបង្កឱ្យទាហានថៃរងរបួសផងដែរ។ បញ្ហានេះ កម្ពុជា បានច្រានចោលទាំងស្រុង ដោយបញ្ជាក់ថា ថៃជាអ្នកដើរល្បាតខុសតម្រាយផ្លូវ ចូលដែនអធិបតេយ្យកម្ពុជា និងបានប្រាប់ថៃ ឱ្យឈប់ដើរខុសតម្រាយផ្លូវតទៅទៀតផងដែរ.។ ក្រសួងការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា បានចេញសេចក្តីថ្លែងការណ៍ ថ្កោលទោសចំពោះការឈ្លានពានរបស់ថៃ ដោយកម្ពុជាចាត់ទុកថា ទង្វើឈ្លានពាននេះ គឺជាការរំលោភបំពានយ៉ាងគឃ្លីន និងធ្ងន់ធ្ងរលើច្បាប់អន្តរជាតិ។ អ្នកនាំពាក្យក្រសួងការពារជាតិកម្ពុជា បាននិយាយថា ទាហានថៃគឺជាអ្នកឈ្លានពាន និងបាញ់ប្រហារមុនមកលើទាហានកម្ពុជា ដោយបង្ខំឱ្យទាហានកម្ពុជាត្រូវបាញ់តបតវិញ ដើម្បីការពារខ្លួន៕

 អាជ្ញាធរនគរបាលថៃឡង់ដ៍បានឃាត់ខ្លួនស្រ្តីមួយរូបដែលមានឈ្មោះថា វីឡាវ៉ាន់ អ៊ឹមសាវ៉ាត់ ឬហៅក្រៅថា ស៊ីកាកប នាងមានអាយុ៣០ឆ្នំា ក្រោមបទចោទទំនាក់ទំនងផ្លូវភេទជាមួយនឹងព្រះភិក្ខុសង្ឃល្បីៗ និងមានតួនាទីធំៗក្នុងជួរគណៈសង្ឃពុទ្ធសាសនាថៃ លើសពីនេះទៅទៀត អាជ្ញាធរបានរកឃើញថា នារីជាជនសង្ស័យក្រោយពីមានទំនាក់ទំនងបែបស្នេហារួចមានថតជាក្លីបវីដេអូប្រមាណជា៨ម៉ឺនរូបភាព ក្នុងនោះរាប់បញ្ចូលទំាងវិធីសាស្រ្តដាក់សម្ពាធលើព្រះភិក្ខុសង្ឃមានទំាងកំរិតព្រះចៅអធិការ គណៈតំបន់ និងគណៈភូមិរងផងដែរ ដើម្បីគាបសង្កត់យកលុយរាប់សិបលានបាតជាដើម ជាថ្នូរនឹងការមិនទម្លាយរូបភាពរឿងអាស្រូវរបស់ព្រះភិក្ខុទំាងអស់់នោះ។ការផ្ទុះរឿងអាស្រូវរបស់ភិក្ខុសង្ឃអាលជ្ជីថៃក្នុងរយៈពេលមួយសប្តាហ៍នេះបង្កឱ្យមានការភ្ញាក់ផ្អើល និងចាប់អារម្មណ៍ខ្លំាងពីសំណាក់មហាជន និងពុទ្ធបរិស័ទថៃ រហូតឈានដល់ព្រះមហាក្សត្របានឡាយព្រះហស្ថលេខានិរាករណ៍លើព្រះរាជក្រឹត្យតែងតំាងទីជា ព្រះរាជាគណៈ នៅក្នុងគណៈសង្ឃថៃប្រមាណ៨១អង្គទៀតផង។ដោយយោងតាមការិយាល័យស៊ើបអង្កេតមជ្ឈិមភូមិន្ទនគរបាលថៃបានរាយការណ៍នៅរសៀលថ្ងៃពុធនេះថា វាជាការរំលោភលើព្រហ្មចរិយធម៌របស់ព្រះសង្ឃ បានធ្វើឱ្យរង្គើដល់ស្ថាប័នសង្ឃ ខណៈដែលព្រះចៅអធិការវត្តចំនួន៩អង្គ រួមនិងព្រះមន្រ្តីសង្ឃជាន់ខ្ពស់ជាច្រើនអង្គទៀត ត្រូវបានចាប់ផ្សឹក និងលាចាកសិក្ខាបទដោយខ្លួនឯង បន្ទាប់ពីការបែកធ្លាយក្លីបវីដេអូជាបន្តបន្ទាប់នោះរួចមក។ដោយឡែកស្រ្តីជាជនជាប់សង្ស័យវិញ អាជ្ញធរបានឃាត់ខ្លួននៅក្នុងខេត្តនន្ទបុរី នៅភាគខាងជើងក្រុងទេពមហានគរ ក្រោមបទចោទពីបទ គាបទារប្រាក់, សម្អាតសាច់ប្រាក់, និងទទួលទំនិញចោរជាដើម។កងនគរបាលថៃបានរកឃើញលុយនៅក្នុងគណនីរបស់ជនសង្ស័យដែលបានពីការបោកប្រាសមានប្រមាណជា ៣៨៥លានបាត (ប្រាក់ថៃ) ឬស្មើនិង(១១.៩លានដុល្លារអាម៉េរិក) នៅក្នុងរយៈពេល៣ឆ្នំាចុងក្រោយ ដែលលុយទាំងអស់នោះត្រូវចំណាយទៅលើវិបសាយហ្គេមអនឡាញ។ក្រុមអ្នកស៊ើបអង្កេតបានរកឃើញទៀតថា មានព្រះចៅអធិការមួយព្រះអង្គបានរងគ្រោះចេញពីការជំរិតទារប្រាក់ ពីសំណាក់ជនសង្ស័យវីឡាវ៉ាន់ ឬហៅថា ស៊ីកាកប នេះដែរ ដោយនាងបាននិយាយថា នាងមានផ្ទៃពោះជាមួយនឹងព្រះចៅអធិការ ដូច្នេះសូមលុយប្រមាណជា៧.២លានបាត ឬស្មើនឹង(២២២,០០០ដុល្លារអាម៉េរិក)សម្រាប់ជំនួយអាហារកិច្ចចិញ្ចឹមកូននោះ។ក្រុមនគរបាលបាននិយាយទៀតថា ស្រ្តីរូបនោះ មានគ្រោះថ្នាក់ខ្លំាងដល់គណៈសង្ឃពុទ្ធសាសនាថៃ ដូច្នេះយើងត្រូវតែចាប់ខ្លួននាង ដើម្បីយកមកផ្តន្ទាទោសតាមច្បាប់ជាធរមាន។ចំណែកឯអ្នកនំាពាក្យរដ្ឋាភិបាលវិញ ពោលគឺលោក ជីរ៉ាយុ ហ៊ួងសាប់ បាននិយាយប្រាប់ប្រព័ន្ធផ្សព្វផ្សាយក្នុងស្រុកថា លោកនាយករដ្ឋមន្រ្តីស្តីទី ភូមិធម៌ វេជ្ជៈយ៉ាឆៃ បានបញ្ជាឱ្យក្រុមអាជ្ញាធរត្រូវតែត្រួតពិនិត្យឡើងវិញ Read more

ចក្រភពអង់គ្លេស កំពុងឆ្ពោះទៅមុខជាមួយនឹងផែនការផ្តល់កាំជ្រួចការពារដែនអាកាសជាង ៥,០០០ ដើមដែលផលិតដោយក្រុមហ៊ុនថាឡេស (Thales) ទៅឱ្យអ៊ុយក្រែន ។ កិច្ចព្រមព្រៀងនេះ នឹងត្រូវចុះហត្ថលេខាជាផ្លូវការដោយឧបនាយករដ្ឋមន្ត្រីចក្រភពអង់គ្លេស លោកស្រី អ៊ែនជែលឡា រ៉ាយនើរ (Angela Rayner) ក្នុងអំឡុងដំណើរទស្សនកិច្ចទៅកាន់ទីក្រុងរ៉ូម ប្រទេសអ៊ីតាលី ។ ដំណើរការចុះហត្ថលេខាខាងលើ នឹងកើតឡើងនៅក្នុងសន្និសិទមួយដែលផ្តោតលើការជួយដល់ប្រទេសអ៊ុយក្រែន ឱ្យងើបចេញឡើងវិញពីបញ្ហាសង្គ្រាមដ៏រ៉ាំរ៉ៃនេះ ។គួររម្លឹកថា មានការប្រកាសពីកិច្ចព្រមព្រៀងនេះ ជាលើកដំបូង កាលពីខែមីនាដោយលោកនាយករដ្ឋមន្ត្រី គែរ ស្តាមើរ (Keir Starmer) ហើយរហូតមកដល់ពេលបច្ចុប្បន្ន កិច្ចព្រមព្រៀងនេះ ក៏មានការបញ្ជាក់ជាផ្លូវការ ។ បន្ថែមពីលើកាំជ្រួចការពារដែនអាកាស រដ្ឋាភិបាលអង់គ្លេស ក៏បាននិយាយដែរថា ខ្លួននឹងផ្តល់ជំនួយហិរញ្ញវត្ថុក្នុងទំហំរហូតដល់ទៅ ២៨៣ លានផោន ដល់អ៊ុយក្រែននៅឆ្នាំក្រោយ ៕

ប៉ូលិសអន្តោប្រវេសន៍ថៃ នៅថ្ងៃពុធ ទី០៩ ខែកក្កដា ឆ្នាំ២០២៥នេះ បានចាប់ខ្លួនបុរសជនជាតិម៉ាឡេស៊ី អាយុ២៦ឆ្នាំម្នាក់ នៅឯព្រលានយន្តហោះអន្តរជាតិ ដនមឿង (Don Mueang) ដែលជាប់ពាក់ព័ន្ធនឹងប្រតិបត្តិការល្បែងអនឡាញដ៏ធំមួយឈ្មោះថា HYDRA888 និងការលាងលុយដែលមានតម្លៃជាង ១១.៥២ពាន់លានបាត។ នេះបើយោងតាមការចេញផ្សាយដោយ សារព័ត៌មាន The Nation នៅថ្ងៃទី០៩ ខែកក្កដា ឆ្នាំ២០២៥។ ការចាប់ខ្លួននេះ ធ្វើឡើងបន្ទាប់ពីអាជ្ញាធរបានដឹងថា ជនសង្ស័យកំពុងធ្វើដំណើរមកដល់ប្រទេសថៃតាមជើងហោះហើរ AirAsia ពីទីក្រុងកូឡាឡាំពួ។ ប៉ូលិសបានរង់ចាំឃាត់ខ្លួនរូបគេ បន្ទាប់ពីឆ្លងកាត់កន្លែងត្រួតពិនិត្យអន្តោប្រវេសន៍។ ជនសង្ស័យរូបនេះ ត្រូវបានចាប់ខ្លួនតាមដីកាមួយដែលចេញដោយតុលាការខេត្ត Nonthaburi កាលពីថ្ងៃទី១៦ ខែធ្នូ ឆ្នាំ២០២៤ ពីបទការបើកល្បែងអនឡាញខុសច្បាប់ និងការសមគំនិតប្រព្រឹត្តអំពើលាងលុយកខ្វក់។ ទន្ទឹមគ្នានេះ អាជ្ញាធរបានបញ្ជាក់ថា ជនសង្ស័យបានប្រើប្រាស់ក្រុមហ៊ុនមួយដើម្បីចរាចរណ៍លុយដែលបានមកពីប្រតិបត្តិការល្បែងនេះ។ ក្រោយការចាប់ខ្លួន ជនសង្ស័យត្រូវបានបញ្ជូនទៅនាយកដ្ឋានប្រឆាំងបទល្មើសបច្ចេកវិទ្យា ដើម្បីចាត់ការបន្តតាមផ្លូវច្បាប់។ សូមជំរាបថា ការិយាល័យប្រឆាំងគ្រឿងញៀន និងឧក្រិដ្ឋកម្មរបស់អង្គការសហប្រជាជាតិហៅកាត់ថា UNODC បានឱ្យដឹងថា ការផលិត និងជួញដូរគ្រឿងញៀន នៅក្នុងតំបន់ត្រីកោណជាប់ព្រំដែន រវាងប្រទេសមីយ៉ាន់ម៉ា ឡាវ និងថៃ បានកើនឡើងគួរឱ្យកត់សម្គាល់ ខណៈប្រទេសថៃគឺជាច្រកផ្លូវឆ្លងកាត់ និងជាចំណុចគោលដៅមួយដ៏សំខាន់ សម្រាប់ចែកចាយគ្រឿងញៀនមួយផ្នែកធំលើសលុបចេញ ពីតំបន់ត្រីកោណមាស។ បើតាមរបាយការណ៍របស់ Read more

សារព័ត៌មានថៃ Khaosod ចេញផ្សាយនៅព្រឹកថ្ងៃទី០៨ ខែកក្កដា ឆ្នាំ២០២៥នេះប៉ូលិសថៃ ឆ្មក់ចូលឆែកឆេរ ទីតាំង១៩កន្លែង ជាកម្មសិទ្ធិរបស់លោក កុក អាន រឹបអូសរថយន្តទំនេីបមានតម្លៃប្រមាណ ២៧ លានបាត។ ក្នុងអត្ថបទខាងបញ្ជាក់ថា ទីតាំងដែលត្រូវបានឆែកឆេរនោះគឺផ្ទះមួយកន្លែងក្នុងលំនៅឋានមួយក្នុងតំបន់ Bang Phli ខេត្ត Samut Prakan។ ដីកាស្រាវជ្រាវរបស់តុលាការព្រហ្មទណ្ឌត្រូវបានអនុវត្តដើម្បីស្វែងរកភស្តុតាង និងឃាត់ខ្លួនលោក កុក អាន ម្ចាស់កាស៊ីណូ Crown Casino Resort អគារ ២៥ ជាន់ អគារ ១៨ ជាន់ មូលដ្ឋាន អាគារទាំងនោះ ជាមជ្ឈមណ្ឌលទូរស័ព្ទធំនៅក្រុងប៉ោយប៉ែត ដែលចោទ ថា បានឆបោកប្រជាជនថៃនៅកម្ពុជា។ អត្ថបទសារព័ត៌មានថៃ បានសរសេរបញ្ជាក់ថា ឧកញ៉ា កុក អានត្រូវបានចោទប្រកាន់ពីបទចូលរួមក្នុងអង្គការឧក្រិដ្ឋកម្មឆ្លងដែន និងការលាងលុយកខ្វក់។ សូមជម្រាបថា ក្រោយប្រើយុទ្ធសាស្រ្តវៃកម្ពុជា គ្រប់ច្រកតែមិនទាន់អាចទៅរួច ពេលនេះថ្នាក់ដឹកនាំថៃ បានចាប់ផ្តើមវាយប្រហារមកលើថ្នាក់ដឹកនាំ និងអ្នករកស៊ីមានឈ្មោះល្បីនៅកម្ពុជា។ Don’t Thai to me ! នេះជាពាក្យដែលពិភពលោកស្គាល់គ្រប់គ្នា ពីព្រោះតែល្បិចខ្លាំង ពូកែភូត Read more