Author: readnews

កំពង់ធំ៖ សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ បានអញ្ជើញជាអធិបតីក្នុងពិធី ប្រុងពលី ដើម្បីបួងសួងសុំសេចក្តីសុខក្នុងការត្រៀមរៀបចំព្រឹត្តិការណ៍ សង្ក្រាន្តខេត្តកំពង់ធំ ឆ្នាំ២០២៥ នារសៀលថ្ងៃសៅរ៍ ១៥កើតខែចេត្រ ឆ្នាំរោង ឆស័ក ព.ស. ២៥៦៨ ត្រូវនឹង ថ្ងៃទី១២ ខែមេសា ឆ្នាំ២០២៥។  ពិធីក្រុងពលីនេះធ្វើឡើងដោយមានការចូលរួមពីសំណាក់ ឯកឧត្តម ដៀប ពិរី ប្រធានក្រុមប្រឹក្សាខេត្តកំពង់ធំ ឯកឧត្តម នួន ផារ័ត្នអភិបាល នៃគណៈអភិបាលខេត្តកំពង់ធំ មន្រ្តីរាជកាសាលាខេត្ត មន្ទីរអង្គភាពជុំវិញខេត្ត អាជ្ញាធរមូលដ្ឋាន និងក្រុមការងារសហភាពសហព័ន្ធយុវជនកម្ពុជាខេត្តកំពង់ធំ។  ព្រឹត្តិការណ៍សង្រ្កាន្តខេត្តកំពង់ធំ ឆ្នាំ២០២៥ ក៏មានទីតាំងសំខាន់ៗ សំរាប់រៀបចំសង្ក្រាន្ត និងតំបន់ត្រជាក់នៅតាមបណ្ដោយដងស្ទឹងសែន ក្នុងនោះមានដូចជា ការដាក់ពង្រាយពាងទឹកជាច្រើន ការដាក់តាំងនិងតុបតែង តំណាងស្រុក ក្រុង មានគោម ក្លោងទ្វារសង្រ្កាន្ត ផ្កាភ្ញី ក្រមា មួកស្លឹកត្នោត ស្តង់ផលិតផលក្នុងស្រុក ឆ្នេរខ្សាច់ផ្សាររាត្រី ពស់យក្សតំណាងឱ្យឆ្នាំម្សាញ់ និងតំណាងឱ្យប្រវត្តិខេត្តកំពង់ធំ និងការតុបតែងអំពូលភ្លើងចំរុះពណ៌ និងតន្ត្រីសម័យ។  គោលបំណងសំខាន់នៃការរៀបចំពិធីប្រុងពលីនេះ ធ្វើឡើងដើម្បីបួងសួងដល់វត្ថុសក្តិសិទ្ធិទាំងឡាយ ម្ចាស់ទឹកម្ចាស់ដី ទេវតាថែរក្សាព្រះរាជាណាចក្រកម្ពុជា សូមឱ្យដំណើរការរៀបចំនានានៃព្រឹត្តិការណ៍ សង្រ្កាន្តខេត្តកំពង់ធំ ឆ្នាំ២០២៥ ដំណើរការទៅដោយរលូន និងមានសេចក្តីសុខ សិរីសួស្តីដល់ក្រុមការងារគ្រប់គ្នា។ ម្យ៉ាងទៀត ដើម្បីផ្តល់ឱកាសឱ្យយុវជនចូលរួមដោយស្ម័គ្រចិត្ត និងផ្លាស់ប្តូរបទពិសោធន៍គ្នាទៅវិញទៅមក និងបានបង្ហាញពីវប្បធម៌ អរិយធម៌ និងទំនៀមទំលាប់ ប្រពៃណី សាសនា ការរស់នៅរបស់ប្រជាពលរដ្ឋជូនដល់ភ្ញៀវទេសចរជាតិ និងអន្តរជាតិ៕

បន្ទាយមានជ័យ៖ ថ្ងៃសៅរ៍ ១៤កើត ខែចេត្រ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី១២ ខែមេសា ឆ្នាំ២០២៥ ឯកឧត្តម កែ គឹមយ៉ាន តំណាងរាស្រ្តមណ្ឌលខេត្តបន្ទាយមានជ័យ និងជាឧត្តមប្រឹក្សាផ្ទាល់ព្រះមហាក្សត្រ និងលោកជំទាវ ម៉ៅ ម៉ាល័យ កែ គឹមយ៉ាន បានអញ្ជើញជាធិបតីក្នុងពិធីជួបសំណេះសំណាល សួរសុខទុក្ខ កងកម្លាំង ដែលឈរជើងក្នុងភូមិសាស្រ្តខេត្តបន្ទាយមានជ័យ។ ឯកឧត្តម កែ គឹមយ៉ាន បានផ្តាំផ្ញើសួរសុខទុក្ខពី សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា នៃព្រះរាជាចក្រកម្ពុជា និង សម្តេចបហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ថ្វាយប្រគេន និងជូនចំពោះព្រះសង្ឃគ្រប់ព្រះអង្គ ឯកឧត្តម លោកជំទាវ ថ្នាក់ដឹកនាំគ្រប់អង្គភាព កងកម្លាំងប្រដាប់អាវុធគ្រប់ប្រភេទ មន្រ្តីរាជការ លោក លោកស្រី និងប្រជាពលរដ្ឋទូទាំងខេត្តបន្ទាយមានជ័យទាំងអស់ សូមប្រកបតែនឹងពុទ្ធពរទាំង៤ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ Read more

ទន្ទឹមគ្នានឹងភារកិច្ចស្នូលនូវកងកម្លាំងនគរបាលជាតិ គ្រប់ប៉ុស្ដិ៍នគរបាលរដ្ឋបាលឃុំសង្កាត់ ប្រជាការពារក៏ជាតួអង្គរួមចំណែក គាំទ្រការងារថែរក្សា សន្តិសុខ សុវត្ថិភាព និងសណ្តាប់ធ្នាប់សាធារណៈនៅមូលដ្ឋាន នាឱកាសពិធីបុណ្យចូលឆ្នាំថ្មីប្រពៃណីជាតិផងដែរ។ សម្រាប់  មេឃុំព្រៃត្រឡាច លោកមេឃុំ ភិន ផុន បានបញ្ជាក់ឱ្យដឹងថា បច្ចុប្បន្នប្រជាការពារក្នុងឃុំរបស់លោកមានចំនួន៦៥នាក់ ហើយលោកបានបែងចែកទៅតាមក្រុមគោលដៅតាមភូមិនីមួយៗចំនួន ៨នាក់។ ក្នុងឱកាសនៃពិធីបុណ្យចូលឆ្នាំថ្មីនេះ លោកមេឃុំ បានឱ្យដឹងថា «ខ្ញុំបានដឹកនាំកិច្ចប្រជុំជាមួយក្រុមប្រឹក្សា ជាមួយនគរបាល និងប្រជាការពារ ដោយក្នុងនោះសម្រាប់ប្រជាការពារ ខ្ញុំក៏បានណែនាំឱ្យយកចិត្តទុកដាក់ចំពោះការបំពេញការងារទៅតាមគោលដៅនីមួយៗឱ្យបានសកម្ម ដើម្បីចូលរួមចំណែក ថែរក្សាសន្តិសុខ សណ្ដាប់ធ្នាប់ របៀបរាបរយទៅតាមគោលដៅដែលបានរៀបចំ ទាំងពិធីបុណ្យសង្ក្រាន្ត ការរាំលេង កម្សាន្តសប្បាយ និងជាពិសេសនៅតាមវត្តអារាម ដែលមានបងប្អូន ប្រជាពលរដ្ឋនាំគ្នាបំពេញបុណ្យបំពេញទានច្រើន»។ លោកបានបន្ថែមថា ប្រជាការពារក្នុងមូលដ្ឋានរបស់លោកក្នុងឱកាសឆ្នាំថ្មីក៏អាចទទួលបាននូវថវិកាលើកទឹកចិត្តពីព្រះសង្ឃ ពីពុទ្ធបរិស័ទ មហាជន បន្ថែមលើការគាំទ្រថវិកាពីរដ្ឋបាលឃុំ ក្នុងមួយនាក់ទទួលបាន៥ម៉ឺនរៀល៕ កញ្ញា សេង សុខហ៊ុន មន្រ្តីព័ត៌មានក្រុមអ្នកនាំពាក្យក្រសួងមហាផ្ទៃ

នៅព្រឹកថ្ងៃទី១២ ខែមេសា ឆ្នាំ២០២៥ នេះ ឯកឧត្តមអភិសន្តិបណ្ឌិត ស សុខា ឧបនា យករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានក្រុមការងាររាជរដ្ឋាភិបាលចុះមូល ដ្ឋានខេត្តព្រៃវែង  និងលោកជំទាវ កែ សួនសុភី ស សុខា អញ្ជើញជាអធិបតីពិធីបើកព្រឹត្តិការណ៍ “សង្ក្រាន្តព្រៃវែង ២០២៥” នៅសួនច្បារសម្តេចក្រឡាហោម ស ខេង ក្នុងសង្កាត់កំពង់លាវ ក្រុងព្រៃវែង ខេត្តព្រៃវែង។ ថ្លែងពីវេទិកាអធិបតីរៀបចំកណ្តាលក្រុងព្រៃវែង ឯកឧតម្តអភិសន្តិបណ្ឌិត ឧបនាយករដ្ឋមន្ត្រី បានបញ្ជាក់ទៅកាន់អង្គពិធីថារាជរដ្ឋាភិបាលក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយកមន្ត្រីនៃព្រះរាជាណាចក្រកម្ពុជា បានយកចិត្តទុកដាក់ខ្ពស់លើការបង្កលក្ខណៈដល់ប្រជាពលរដ្ឋបានកម្សាន្តសប្បាយរីករាយ នៅក្នុងឱកាសឆ្នាំថ្មីតាមរយៈការបន្តជំរុញឱ្យរដ្ឋបាលរាជធានី-ខេត្ត រៀបចំនូវកម្មវិធីសង្ក្រាន្តចាប់ពីថ្នាក់រាជធានី-ខេត្ត រហូតដល់ថ្នាក់ក្រុងស្រុកខណ្ឌ ខណៈនៅខេត្តសៀមរាបមានព្រឹត្តិការណ៍អង្គរសង្ក្រាន្តដ៏ធំ រង់ចាំទទួលស្វាគមន៍ប្រជាពលរដ្ឋទូទាំងប្រទេស និងភ្ញៀវទេសចរអន្តរជាតិ។  សម្រាប់សង្ក្រាន្តព្រៃវែង ឯកឧត្តមអភិសន្តិបណ្ឌិត បានរំឭកអំពីបទពិសោធរយៈពេលជាងដប់ឆ្នាំមុន ដែលឯកឧត្តមបានដឹកនាំរៀបចំនូវព្រឹត្តិការណ៍សង្ក្រាន្តនៅមូលដ្ឋានស្រុកកម្រិតតិចតួចប៉ុណ្ណោះ ក៏ប៉ុន្តែអាស្រ័យដោយការគាំទ្រពីប្រជាពលរដ្ឋ ការគាំទ្រពីសប្បុរសជន និងការខិតខំប្រឹងប្រែងរបស់ថ្នាក់ដឹកនាំគ្រប់កម្រិតនៃរដ្ឋបាលខេត្ត និងក្រុមការងារ ស.ស.យ.ក. សង្ក្រាន្តព្រៃវែងបានពង្រីកទ្រង់ទ្រាយកាន់តែធំ ដោយទទួលបងប្អូនប្រជាពលរដ្ឋមកចូលរួមកម្សាន្តសប្បាយយ៉ាងច្រើនកុះកកុញ់លើសពីការស្មាន។  ក្នុងន័យនេះ ឯកឧត្តមឧត្ដមអភិសន្តិបណ្ឌិត បានអំពាវនាវដល់ប្រជាពលរដ្ឋទាំងនៅក្នុងខេត្តព្រៃវែង និងនៅទូទាំងប្រទេសសូមយកចិត្តទុកដាក់លើការធ្វើចរាចរណ៍ប្រកបដោយសុខសុវត្ថិភាព កុំឱ្យមានគ្រោះថ្នាក់ណាមួយកើតឡើងនៅក្នុងអំឡុងពិធីបុណ្យចូលឆ្នាំថ្មីនេះ។ ឯកឧត្តមអភិសន្តិបណ្ឌិត ក៏បានលើកទឹកចិត្តដល់កងកម្លាំងនគរបាល និងអាជ្ញាធរបន្តខិតខំធ្វើយ៉ាងណាបង្កលក្ខណៈឱ្យប្រជាពលរដ្ឋបានធ្វើដំណើរប្រកបដោយសណ្ដាប់ធ្នាប់ និងបានបំពេញបុណ្យ បំពេញកុសលសប្បាយរីករាយក្នុងឆ្នាំថ្មីប្រកបដោយភាពកក់ក្តៅក្រោមម្លប់សន្តិភាព។  សូមបញ្ជាក់ថា សង្រ្កាន្តព្រៃវែងនឹងប្រព្រឹត្តទៅក្នុងរយៈពេល៥ថ្ងៃ ចាប់ពីថ្ងៃទី១២ ហូតដល់ថ្ងៃទី១៦ ខែមេសា ឆ្នាំ២០២៥ ព្រមទាំងមានកម្មវិធីជាច្រើនដូចជា ការប្រគុំតន្ត្រីសម័យ ការរាំលេងកំសាន្ត ការតាំងពិព័រណ៍បង្ហាញផលិតផល និងសម្ភារៈប្រើប្រាស់ក្នុងស្រុកការលេងល្បែងប្រជាប្រិយ ការសម្តែងក្បាច់គុនបុរាណខ្មែរ ការបង្ហោះគោម និងបាញ់កាំជ្រួច ពិសេសខេត្តមានរៀបចំកម្មវិធីលេងកំសាន្តតំបន់ត្រជាក់ចិត្ត នៅសួនច្បារសម្តេច ជា ស៊ីម។  ក្រៅពីនេះ ក៏មានព្រឹត្តិការណ៍កំសាន្តផ្សេងទៀត ដូចជា ការប្រឡងចម្រៀង ប្រឡងបវរកញ្ញាស្រីស្រស់ប្រុសស្អាត និងបវរកញ្ញាវ័យចំណាស់ ការប្រកួតអុកចត្រង្គ ប្រដាល់ក្បាច់គុនបុរាណខ្មែរ ការសម្តែងក្បាច់គុនបុរាណខ្មែរយុទ្ធក្រមខម ការសម្តែងទស្សនីយភាពល្ខោន យីកេខ្នាតធំ រឿងតេជោជ្រែកដី កម្មវិធីឡើងសសរខ្លាញ់យករង្វាន់ម៉ូតូ…។ល៕

នៅថ្ងៃទី១២ ខែមេសា ឆ្នាំ២០២៥ នៅបញ្ជាការដ្ឋាន កងរាជអាវុធហត្ថរាជធានីភ្នំពេញ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស ជាមេបញ្ជាការ កងរាជអាវុធហត្ថរាជធានីភ្នំពេញ បានបើកកិច្ចប្រជុំត្រួតពិនិត្យផែនការ ការពារសន្តិសុខ សុវត្ថិភាព រក្សាសណ្តាប់ធ្នាប់ និងត្រួតពិនិត្យកម្លាំង មធ្យោបាយ បរិក្ខារបំពាក់ ដើម្បីធានាឲ្យបាននូវប្រសិទ្ធិភាពក្នុងបេសកកម្មចូលរួមការពារពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំ២០២៥ និង ថ្នាក់ដឹកនាំជាតិ-អន្តរជាតិ ដែលនឹងប្រព្រឹត្តទៅនាពេលប៉ុន្មានថ្ងៃខាងមុខនេះ។ លោកឧត្តមសេនីយ៍ឯក រ័ត្ន ស្រ៊ាង បានមានប្រសាសន៍ណែនាំដល់ លោកមេបញ្ជាការរង លោកមេបញ្ជាការ តាមបណ្ដាខណ្ឌទាំង១៤ និង ប្រធានអង្គភាពចំណុះអាវុធហត្ថរាជធានីភ្នំពេញ ដែលត្រូវទទួលដឹកនាំតាមបណ្តាគោលដៅទាំងអស់ ត្រូវតែម្ចាស់ការអនុវត្តតាមផែនការខាងលើឲ្យបានដាច់ខាត ដើម្បីសម្រេចបាននូវបេសកកម្មនាពេលខាងមុខនេះ ប្រកបដោយរលូន និងទទួលបានជោគជ័យ៕

ឧត្តមសេនីយ៍ត្រី សៀ ទីន អញ្ជើញចូលរួមកិច្ចប្រជុំការងារការពារសន្តិសុខ សណ្តាប់ធ្នាប់ ព្រះរាជពិធីបួងសួងសុំសេចក្តីសុខ ជូនដល់ព្រះរាជាណាចក្រកម្ពុជា និងព្រឹត្តិការណ៍អង្គរសង្រ្កាន្ត ខេត្តសៀមរាប,នាព្រឹកថ្ងៃទី១២ ខែមេសា ឆ្នាំ២០២៥ ។ លោកឧត្តមសេនីយ៍ត្រី សៀ ទីន មេបញ្ជាការកងរាជអាវុធហត្ថខេត្តសៀមរាប បានដឹកនាំមន្រី្ដក្រោមឱវាទ អញ្ជើញចូលរួមកិច្ចប្រជុំការងារការពារសន្តិសុខ សណ្តាប់ធ្នាប់ ព្រះរាជពិធីបួងសួងសុំសេចក្តីសុខ ជូនដល់ព្រះរាជាណាចក្រកម្ពុជា និងព្រឹត្តិការណ៍អង្គរសង្រ្កាន្ត ឆ្នាំម្សាញ់ សប្តស័ក ព.ស ២៥៦៩ គ.ស២០២៥ ។ កិច្ចប្រជុំធ្វើនៅខេត្តសៀមរាប ក្រោមអធិបតីភាពដ៏ខ្ពង់ខ្ពស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ ឯកឧត្តម នាយឧត្តមសេនីយ៍ កិត្តិសង្គហបណ្ឌិត ហ៊ីង ប៊ុនហៀង អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការ បញ្ជាការដ្ឋានអង្គរក្ស និងឯកឧត្តម គួច វេងស្រ៊ុន រដ្ឋលេខាធិការ ទីស្តីការគណរដ្ឋមន្រ្តី នៅសាលប្រជុំស្នងកា​រ​ស្នងការ​ដ្ឋាន នគរបាល​ខេត្តសៀមរាប។​

កំពង់ឆ្នាំង៖ យោងតាមការស្នើសុំរបស់ប្រជាពលរដ្ឋ មកកាន់បណ្តាញសារព័ត៌មានយើង និងបានភា្ជប់ឯកសាររដ្ឋបាលមួយចំនួន ដែលពាក់ព័ន្ធ ជួយផ្សព្វផ្សាយជា សាធារ ណៈ ដើម្បីជ្រាបដល់ថ្នាក់ដឹកនាំគ្រប់ជាន់ថ្នាក់ ជួយអន្តរាគមន៍ក្នុងករណី លោក គង់ ថន មេឃុំពាម ដែលបំពានលើច្បាប់រដ្ឋបាល រំលោភសេចក្តីទុកចិត្តរបស់ប្រជាពលរដ្ឋ ។ យោងតាមពាក្យបណ្តឹង ដែលអង្គភាពសារព័ត៌មានទទួលបានដែលមានខ្លឹមសារដូចខាងក្រោម៖ យើងខ្ញុំជាប្រជារាលរដ្ឋរស់នៅក្នុងភូមិសុខសែនជ័យ ឃុំពាម ស្រុកសាមគ្គីមានជ័យ ខេត្តកំពង់ឆ្នាំង សូមគោរពជូនលោកអភិបាលនៃគណៈអភិបាលស្រុក សាមគ្គីមានជ័យ ខេត្តកំពង់ឆ្នាំង ដោយក្តីគោរព កម្មវត្ថុ : សុំប្តឹង លោកមេឃុំ ពាម និងបក្សពួក ដែលរំលោភលើលទ្ធផលនៃការបោះឆ្នោត ជ្រើសរើសមេភូមិ យោង : លើលទ្ធផលបោះឆ្នោតជ្រើសរើសមេភូមិ នៅថ្ងៃទី១៧ ខែមីនា ឆ្នាំ២០២៥ វេលាម៉ោង ១០:៣០ នាទីព្រឹក – យោងកិច្ចសន្យារដ្ឋបាលឃុំពាមលេខ០០៦/២៥ ចុះថ្ងៃ២០ ខែមីនា ឆ្នាំ២០២៥ របស់រដ្ឋបាលឃុំពាមស្តីពីការ តែងតាំង មេភូមិសុខសែនជ័យ នៅក្នុងឃុំពាម។ – កិច្ចសន្យាបម្រើការងារ ចុះថ្ងៃទី២០ ខែមីនា ឆ្នាំ២០២៥ ។ យើងខ្ញុំជាប្រជាពលរដ្ឋសូមគោរពជម្រាបជូនលោកអភិបាលនៃគណៈអភិបាលស្រុក Read more

ត្បូងឃ្មុំ៖ កម្មករប្រមាណជាង ៤០០ នាក់ បាននាំគ្នាបិទផ្លូវនៅចំណុចភូមិត្រពាំងផ្លុងទី២ ឃុំត្រពាំងផ្លុង ស្រុកពញាក្រែក ខេត្តត្បូងឃ្មុំ តវ៉ាស្នើសុំឱ្យក្រុមហ៊ុនបើកប្រាក់ឈ្នួលដល់ពួកគេដើម្បីបានត្រឡប់ទៅស្រុកកំណើត និងដោះស្រាយជីវភាពប្រចាំថ្ងៃ ។ ការបិទផ្លូវតវ៉ារបស់ក្រុមកម្មករ ធ្វើឡើងនៅរសៀលថ្ងៃទី១១ ខែមេសា ឆ្នាំ២០២៥ ដោយមានកម្មករចូលរួមប្រមាណជាង៤០០ នាក់ដើម្បីបិទផ្លូវជាតិផ្អាកការចរាចរណ៍ ដើម្បីស្នើសុំអន្តរាគមន៍ពីអាជ្ញាធរក្នុងការសម្របសម្រួលឱ្យមេការក្រុមហ៊ុន ការដ្ឋានសាងសង់អគារកាស៊ីណូ ខេអេក រ៉ុងស៊ីង ហ្គោលឌិនលែន អ៊ិនវែសមិន បើកប្រាក់ខែជូនពួកគាត់។ ក្រោយពីទទួលបានដំណឹងនេះ នៅយប់ថ្ងៃទី ១១ ខែមេសា ឆ្នាំ២០២៥ វេលាម៉ោង ៧ និង ៣០នាទី លោក ណុប ឡង់ឌី អភិបាលរងខេត្តត្បូងឃ្មុំ បានដឹកនាំអាជ្ញាធរស្រុកពញាក្រែក និងលោកមេឃុំត្រពាំងផ្លុង ចុះទៅសម្របសម្រួលដល់កម្មករប្រមាណ ៤០០ នាក់ ដែលធ្វើការនៅការដ្ឋានសាងសង់អគារកាស៊ីណូ ខេអេក រ៉ុងស៊ីង ហ្គោលឌិនលែន អ៊ិនវែសមិន ។ ក្រោយមានការចុះទៅសម្របសម្រួលពីលោកអភិបាលរងខេត្ត ជាមួយតំណាងក្រុមហ៊ុនខាងលើ ភាគីក្រុមហ៊ុនបានធ្វើការការរាយការណ៍ថា ចំពោះករណីខកខានបើកប្រាក់ឈ្នួលកម្មករនេះ គឺក្រុមហ៊ុនបានបើកផ្តល់ប្រាក់ឈ្នួលទៅឱ្យអ្នកម៉ៅការគ្រប់ចំនួនហើយ ប៉ុន្តែអ្នកម៉ៅការបានគេចវេស មិនព្រមចូលខ្លួនដោះស្រាយ ។ ទោះជាយ៉ាងណា បន្ទាប់ពីអាជ្ញាធរបានពិភាក្សា និងបានសម្របសម្រួល ភាគីក្រុមហ៊ុន Read more

បន្ទាយមានជ័យ៖ នៅសុក្រ ទី១១ ខែមេសា ឆ្នាំ២០២៥ ថ្នាក់ដឹកនាំស្នងការដ្ឋាននគរបាលខេត្តបន្ទាយមានជ័យ តែងតែប្រារព្ធពិធីសូត្រមន្ត ប្រោះព្រំប្រសិទ្ធពរ សិរីសួស្តី ជ័យមង្គល វិបុលសុខ ទទួលអំណោយសាទរឆ្នាំថ្មី ប្រពៃណីជាតិឆ្នាំ ម្សាញ់ សប្តស័ក ពុទ្ធសករាជ ២៥៦៩ គ.ស២០២៥ នៅស្នងការដ្ឋាននគរបាលខេត្តបន្ទាយមានជ័យ។ ពិធីនេះប្រារព្ធធ្វើឡើង ក្រោមធិបតីភាព លោកឧត្តមសេនីយ៍ទោ សិទ្ធិ ឡោះ ស្នងការ នៃស្នងការដ្ឋាននគរបាលខេត្តបន្ទាយមានជ័យ ដោយមានការចូលរួមលោក លោកស្រី ឧត្តមសេនីយ៍ត្រី វរៈសេនីយ៍ស្នងការរង នាយ នាយរងការិយាល័យ និងមន្ត្រីក្រោមឱវាទ ជាច្រើនរូប។ ការប្រារព្ធពិធីនេះគឺធ្វើឡើងសុំសេចក្តីសុខ សេចក្តីចម្រើនសិរីសួស្តី កើតមានដល់ កងកម្លាំងនគរបាលគ្រប់ប្រការ និងទេវតាឆ្នាំថ្មី ម្ចាស់ទឹកម្ចាស់ដី ជួថែរក្សាបីបាច់ទីកន្លែងនេះ ព្រមទាំងឧទ្ទិសញាតិសន្តានទាំង៧ និងនាយ នាយរង ពលនគរបាល ដែលបានពលីជីវិតក្នុងបុព្វហេតុការពារជាតិមាតុភូមិ បម្រើផលប្រយោជន៍ប្រជាជនឱ្យទទួលបាននូវចំណែកបុណ្យកុសលដែលកូនចៅឧទ្ទិសជូននាឆ្នាំថ្មី ឆ្នាំ ម្សាញ់ សប្តស័ក ពុទ្ធសករាជ ២៥៦៩ គ.ស២០២៥ តាមប្រពៃណី ព្រះពុទ្ធសាសនា និងទំនៀមទម្លាប់ខ្មែរផងដែរ៕

ប៉ៃលិន៖  នៅថ្ងៃ​សុក្រ​ ទី១១ ខែ​មេសា ឆ្នាំ​២០២៥ ដោយមានការណែនាំនិងចង្អុលបង្ហាញពីលោកឧត្តមសេនីយ៍ទោ សេង សុគន្ធស្នងការ នៃស្នងការដ្ឋាននគរបាលខេត្តប៉ៃលិន លោកឧត្តមសេនីយ៍ត្រី គិត ធីរ៉ា ស្នងការរងផែនការងារ នគរបាលសណ្តាប់ ធ្នាប់ បានចាត់ឱ្យកម្លាំងការិយាល័យនគរបាលចរាចរណ៍ផ្លូវគោក សហការជាមួយមន្ទីរសាធារណការ និងដឹកជញ្ជូនខេត្ត និងក្រុមការងារកាកបាទក្រហម ខេត្តបាន បើក យុទ្ធនាការផ្សព្វផ្សាយច្បាប់ ស្ដីពី ចរាចរណ៍ផ្លូវគោក មុនឱកាសពិធីបុណ្យចូលឆ្នាំប្រពៃណីជាតិខ្មែរឆ្នាំ២០២៥ ចំនួន ០២គោលដៅ៖ គោលដៅទី០១ ស្ថិតក្នុងភូមិ​វាល ឃុំសាលាក្រៅ ស្រុកសាលាក្រៅ ខេត្តប៉ៃលិន ។ គោលដៅទី០២ ស្ថិតក្នុងភូមិ​អូរតាពុកលើ សង្កាត់ប៉ៃលិន ក្រុងប៉ៃលិន ខេត្តប៉ៃលិន ។ ជាលទ្ធផលបានចែកសៀវភៅ និងខិតប័ណ្ណមួកសរុបចំនួន ៦៥៥ សៀវភៅច្បាប់ស្ដីពីចរាចរណ៍ផ្លូវគោកចំនួន ១០០ក្បាល លិខិតប័ណ្ណសុវត្ថិភាចរាចរណ៍ផ្លូវគោកចំនួន ១០០ សន្លឹក សៀវភៅដែលអ្នកបើកបរទោចក្រយានត្រូវយល់ដឹងចំនួន ១០០ក្បាល ចំណាំងផ្លាតចំនួន ៣០០សន្លឹក ផ្ទាំងសម្រាប់ថ្មើរជើងចំនួន ២០ផ្លាំង មួកសុវត្ថិភាពចំនួន ៣០ មួក ស្ទីកឃ័រថ្ងៃនេះថ្ងៃស្អែកកុំឱ្យមានគ្រោះថ្នាក់ចរាចរណ៍ចំនួន០៥ សន្លឹក ។

សម្តេចបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បានអញ្ជើញជាអធិបតីក្នុងពិធីសម្ពោធបើកឱ្យប្រើប្រាស់ផ្លូវជាតិលេខ ៧១C (ត្បូងឃ្ម៉ំ-កំពង់ចាម) នាព្រឹកថ្ងៃទី១២ ខែមេសា ឆ្នាំ២០២៥។ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានថ្លែងថា “គម្រោងសាងសង់ផ្លូវជាតិលេខ៧១សេ បានប្រកាសបើកការដ្ឋានរួមគ្នានៅក្នុងឱកាសនៃពិធី សម្ពោធបើកឱ្យប្រើប្រាស់ជាផ្លូវការស្ពានមិត្តភាពកម្ពុជា-ចិន (ស្ទឹងត្រង់-ក្រូចឆ្មារ) កាលពីថ្ងៃទី២៣ ខែវិច្ឆិកា ឆ្នាំ២០២១ កន្លងទៅ ក្រោមអធិបតីភាពដ៏ខ្ពង់ខ្ពស់ សម្តេចតេជោ ហ៊ុន សែន អតីត នាយករដ្ឋមន្ត្រីនៃព្រះរាជាណាចក្រកម្ពុជា និងបច្ចុប្បន្នជាប្រធានព្រឹទ្ធសភា”។ ឯកឧត្តមរដ្ឋមន្ត្រីក្រសួងសាធារណការ និងដឹកជញ្ជូន បានបន្តថា “ខ្សែផ្លូវនេះ មានប្រវែងសរុបជិត ១១៥ គីឡូម៉ែត្រ ចាប់ផ្តើមពីចំណុចប្រសព្វផ្លូវជាតិលេខ៧ ត្រង់គីឡូម៉ែត្រលេខ១៥៤+៧០០ ស្ថិតក្នុងឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ និងបញ្ចប់នៅ ចំណុចប្រសព្វផ្លូវជាតិលេខ៧១ ត្រង់គីឡូម៉ែត្រលេខ៣០+៤០០ ស្ថិតក្នុងឃុំស្វាយទាប ស្រុកចំការលើ ខេត្តកំពង់ចាម”។ ឯកឧត្តម រដ្ឋមន្ត្រីក្រសួងសាធារណការ និងដឹកជញ្ជូន បានបន្តថា ” គម្រោងនេះត្រូវបានសាងសង់ឡើងស្របតាមបច្ចេកទេស រួមមាន៖ ផ្លូវមេ មានប្រវែង ៩២,៤៤៦គីឡូម៉ែត្រ Read more

ភ្នំពេញ៖ នៅព្រឹកថ្ងៃព្រហស្បតិ៍ ១៣កើត ខែចេត្រ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១០ ខែមេសា ឆ្នាំ២០២៥ មន្រ្តីជំនាញ សាខា ក.ប.ប. រាជធានីភ្នំពេញ សហការជាមួយនគរបាលប្រឆាំងបទល្មើសសេដ្ឋកិច្ចរាជធានីភ្នំពេញ និងក្រោមការដឹកនាំ សម្របសម្រួល ដោយលោកស្រី ស៊ូ សុជាតា ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានចុះត្រួតពិនិត្យ និងឆែកឆេរទីតាំងផលិតស្រាក្លែងក្លាយ ស្ថិតនៅឃ្លាំងគ្មានលេខ ផ្លូវបេតុង សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ។ ក្រោយពីការត្រួតពិនិត្យបានរកឃើញមានផលិតផលស្រាក្លែងក្លាយ ជាច្រើនប្រភេទ រួមឧបករណ៍ សម្ភារៈ ស្រា សម្រាប់លាយ និងសំបកដប កេសទទេ សម្រាប់ច្រកចូលទៅតាមប្រភេទដបស្រា មានម៉ាកល្បី របស់ក្រុមហ៊ុននានា ដែលរួមាន ស្រាសម្រាប់លាយ២៨៩កេស ស្មើនឹង ៣៣៩៦ដប ស្រាក្លែងក្លាយ ចំនួន ៨០កេស ស្មើនឹង ៩១៦ដប ឧបរកណ៍កែច្នៃ សំបកដប និងកេសទទេ មួយចំនួនទៀត។ វត្ថុតាងស្រា ក្លែងក្លាយទាំងនោះ ត្រូវបានលោកស្រីព្រះរាជអាជ្ញារង អនុញ្ញាតឱ្យធ្វើការដកហូតយកទៅរក្សាទុកជាបណ្តោះអាសន្ននៅអគ្គនាយកដ្ឋាន ក.ប.ប. ដើម្បីចាត់វិធានការតាមនីតិវិធីបន្ត ដោយឡែកសំបកដប Read more

ពិធីបុណ្យចូលឆ្នាំថ្មី ប្រពៃណីជាតិខ្មែរ ឆ្នាំម្សាញ់ សប្តស័ក ពុទ្ធសករាជ ២៥៦៩ នឹងឈានចូលមកដល់នៅវេលាទៀបភ្លឺ ថ្ងៃច័ន្ទ ២ រោច ខែចេត្រ ត្រូវនឹងថ្ងៃទី ១៤ ខែមេសា គ្រឹស្តសករាជ ២០២៥ វេលាម៉ោង ០៤ និង ៤៨ នាទីទៀបភ្លឺ។ ទន្ទឹមទៅនឹងពិធីបុណ្យចូលឆ្នាំថ្មី ឆ្នាំម្សាញ់ ដែលនឹងខិតចូលមកដល់នាពេលខាងមុខនេះ កាលពីឆ្នាំកន្លងមកគេឃើញមានមហាជនមួយចំនួនតូច ពិសេសក្មេងៗជំនាន់ក្រោយ ដែលមិនឈ្វេងយល់ពីពាហនៈរបស់ទេវធីតាអាចនឹងងាយច្រឡំថា ទេពធីតាឆ្នាំម្សាញ់ ទ្រង់ជិះសត្វពស់ ជាសត្វតាមឆ្នាំនោះ ដែលជាភាពមិនត្រឹមត្រូវនោះឡើយ។ តាមពិតទៅ យានជំនិះទេវតា ខុសពីពង្សធាតុនៃទេវតាដែលជាសត្វតាមឆ្នាំ ដោយមនុស្សមួយចំនួនតែងតែគិតថា រាល់ពេលចូលឆ្នាំទេវតាដែលទ្រង់នឹងយាងចុះមកគ្រងជម្ពូទ្វីប តែងមានយានជំនិះជាសត្វតំណាងឱ្យឆ្នាំនោះ។ ឧទាហរណ៍ ឆ្នាំជូតជិះកណ្តុរ ឆ្នាំឆ្លូវជិះគោ ឬ ឆ្នាំខាលជិះខ្លា ជាដើម តែការពិតមិនដូច្នោះឡើយ ព្រោះបុត្រីកបិលមហាព្រហ្មមានតែ ៧ អង្គប៉ុណ្ណោះ ដែលទេពធីតាទាំង ៧ អង្គនោះ ទ្រង់មានយានជំនិះផ្ទាល់ មិនមែនសត្វទាំង ១២ ឡើយ។ ខាងក្រោមនេះជា ថ្ងៃ និង ព្រះនាមទេពធីតា ព្រមទាំងយានជំនិះ ពេលទ្រង់ចុះគ្រងជម្ពូទ្វីប Read more

លោកវរសេនីយ៍ត្រី នង លីកា នាយប៉ុស្ដិ៍រដ្ឋបាលឃុំកោះរះ ស្រុកល្វាឯម ខេត្តកណ្ដាល បានផ្ដល់បទសម្ភាសមកកាន់ក្រុមមន្រ្តីព័ត៌មានក្រុមអ្នកនាំពាក្យក្រសួងមហាផ្ទៃ នាថ្ងៃទី១០ ខែមេសា ឆ្នាំ២០២៥ ថា លោកបានចូលកាន់មុខតំណែងជានាយប៉ុស្ដិ៍នគរបាលរដ្ឋបាលបាន៣ឆ្នាំកន្លងហើយ លោកវរសេនីយ៍ត្រី នង លីកា ក៏បានរៀបរាប់បន្ថែមទៀតថា លោកបានត្រៀមលក្ខណៈរួចជាស្រេចដើម្បីដឹកនាំមន្រ្តីនគរបាលប៉ុស្តិ៍សហការធានាការពារសន្តិសុខ សណ្ដាប់ធ្នាប់សាធារណៈ និងសុវត្ថិភាពសង្គមជូនប្រជាពលរដ្ឋក្នុងឱកាសឆ្នាំថ្មី។  បើតាមលោកវរសេនីយ៍ត្រី នង លីកា ការងារស្នូលនាឱកាសចូលឆ្នាំថ្មីនេះ ត្រូវបានលោកឧត្តមសេនីយ៍ទោស្នងការនគរបាលខេត្តយកចិត្តទុកដាក់ប្រជុំបញ្ជាណែនាំរួចជាស្រេច ហើយអធិការនគរបាលស្រុក ក៏បានប្រជុំដឹកនាំតម្រង់ទិសរួចរាល់ហើយ ពោលគឺចាប់ពីពេលនេះតទៅ ខណៈប៉ុស្តិ៍នគរបាលរដ្ឋបាលឃុំរបស់លោក ក៏បានរៀបចំផែនការលម្អិត និងបានប្រជុំទទួលគោលការណ៍សហការបន្ថែមជាប្រចាំជាមួយក្រុមប្រឹក្សាឃុំផងដែរ។ លោកសង្កត់ធ្ងន់ថា«ពីឥលូវនេះទៅ ពួកយើងនឹងធានាឱ្យបានរហូតដល់ចប់ចូលឆ្នាំ នូវសុវត្ថិភាពជូនបងប្អូនប្រជាពលរដ្ឋ»។  លោកវរសេនីយ៍ត្រី បន្ថែមថា សម្រាប់មូលដ្ឋានលោក គឺមានគោលដៅ៣ត្រូវប្រចាំការធានាសុវត្ថិភាពខ្ពស់ ទី១.គោលដៅប្រចាំការនៅវត្តបុទុមចេតិយ (កោះរះលើ) ២.ក្រុមគោលដៅប្រចាំការនៅវត្តវាលអណ្ដែត (កោះរះក្រោម) និង៣.ក្រុមគោលដៅប្រចាំការនៅលោកតាស្រុក (ពេលយប់) ដោយគោលដៅទាំងនេះ មានទាំងកម្លាំងនគរបាល និងកម្លាំងប្រជាការពារ សរុបមួយគោលដៅជាង១០នាក់ឯណោះ។  ឆ្លើយនឹងសំណួរថាតើលោកខ្លួនឯង និងមន្រ្តីប៉ុស្តិ៍ បែងចែកដូចម្ដេចរវាងការងារស្នូល និងការជួបជុំគ្រួសារ? លោកមេប៉ុស្តិ៍ដែលមានបទពិសោធ បម្រើការងារជាមន្រ្តីនគរបាលប្រមាណ២០ឆ្នាំមកហើយនោះបានថ្លែងថា«និយាយទៅគឺធម្មតាទៅហើយ រាល់ឆ្នាំតែអីចឹងឯង មិនថាចូលឆ្នាំឬភ្ជុំទេ គឺពេលវេលាតិចណាស់បាននៅផ្ទះ តែបើជិះកាត់ទៅកាត់មកបែបច្រើនដង ព្រោះត្រូវនាំកម្លាំងចល័តតាមភូមិ តាមគោលដៅ។ ពេលខ្លះក៏សម្រួលឱ្យកូនចៅគ្នាបានទៅជុំពុកម៉ែបងប្អូនកន្លះព្រឹក។ ឥលូវពួកគាត់លែងប្រកាន់ហើយ គាត់ដឹងយើងរវល់ ព្រោះមនុស្សច្រើន យើងមានកាតព្វកិច្ចធានាសន្តសុខ សណ្ដាប់ធ្នាប់»។  លោកវរសេនីយ៍ត្រី នង លីកា អះអាងថា រូបលោក ក៏មិនខុសពីនរគបាលផ្សេងទៀតដែរ គឺគោលដៅចម្បងនាឱកាសពលរដ្ឋជួបជុំសប្បាយរដូវកាលបុណ្យទានដូចចូលឆ្នាំនេះ មានតែមួយគាត់គឺចង់ឃើញពលរដ្ឋសប្បាយប្រកបដោយសេចក្ដីសុខ សុវត្ថិភាព គ្មានអំពើហិង្សា គ្មានគ្រោះថ្នាក់ចរាចរណ៍ គ្មានការសេពគ្រឿងញៀន គ្មានការលួចឆក់ប្លន់ គ្មានសម្លាប់ គ្មានរបួសដោយកត្តាផ្សេងៗ។យ៉ាងណាក៏ដោយ លោកអះថាបំណងនេះ មិនអាចនគរបាលពួកលោក ឬអាជ្ញាធរឃុំភូមិសម្រេចបានតែឯកឯងនោះឡើយ គឺសំខាន់បំផុតការចូលរួមពីប្រជាពលរដ្ឋ។  លោកបានសំណូមពរទៅកាន់បងប្អូន ប្រជាពលរដ្ឋចូលរួមបង្កលក្ខណៈងាយស្រួលទាំងអស់គ្នា ដូចជាគោរពច្បាប់ចរាចរណ៍ឱ្យបានម៉ឺងម៉ាត់ និងចៀសឱ្យឆ្ងាយពីគ្រឿងញៀន ជាពិសេសនាក្នុងអំឡុងពេលពិធីបុណ្យចូលឆ្នាំថ្មីនេះ សូមបង្កើនការប្រុងប្រយ័ត្នឱ្យបានខ្ពស់ មុននិងក្រោយពេលចាកចេញពីផ្ទះសូមពិនិត្យមើល ភ្លើង ធូប ទៀន និងបិទចរន្តអគ្គិសនីឱ្យបានត្រឹមត្រូវ ចៀសវាងអគ្គីភ័យកើតមានឡើងជាយថាហេតុ ក្នុងនោះសម្រាប់មូលដ្ឋានលោកមានទន្លេ មានស្រះ មានបឹង ក៏សូមអាណាព្យាបាលប្រយ័ត្នកូនចៅបបួលគ្នាទៅលេងទឹកដែលអាចបណ្ដាលឱ្យលង់ជួបគ្រោះថ្នាក់ ។

បន្ទាយមានជ័យ៖ នៅថ្ងៃសុក្រ ទី១១ ខែមេសា ឆ្នាំ២០២៥ ឯកឧត្តម អ៊ុំ រាត្រី អភិបាល នៃគណៈអភិបាលខេត្ត និងជាប្រធានគណៈកម្មាធិការសាខាកាកបាទក្រហមខេត្តបន្ទាយមានជ័យ បានអញ្ជើញជាអធិបតីក្នុងពិធីប្រគល់ផ្ទះថ្មីជូនបងប្អូនប្រជាពលរដ្ឋទីទាល់ក្រខ្វះទីជម្រក និងពិការភ្នែក រស់នៅភូមិព្រៃវែង ឃុំគំរូ ស្រុកថ្មពួក។ លោក ធូ សុីភ័ណ្ឌ នាយកប្រតិបត្តិសាខាកាកបាទក្រហមខេត្តបានបញ្ជាក់ឱ្យដឹងថា ក្រុមប្រតិបត្តិសាខាសហការជាមួយក្រុមអនុសាខាកាកបាទក្រហមស្រុកថ្មពួក បានចុះធ្វើការប៉ាន់ប្រមាណតម្រូវការរបស់គ្រួសារឈ្មោះ វែង សុឺន ភេទប្រុស អាយុ ៦២ឆ្នាំ ដែលមានប្រពន្ធឈ្មោះ ខ្វង ភាត អាយុ ៤៥ឆ្នាំ ជាលទ្ធផលគ្រួសារនេះរស់នៅក្នុងសភាពក្រីក្រ និងពិការភ្នែកទាំងឪពុក និងកូនប្រុសទាំង ៣នាក់ មុខរបរមិនពិតប្រាកដ គឺប្រពន្ធជាអ្នកដើរស៊ីឈ្នួលគេយកមកផ្គត់ផ្គង់គ្រួសារ ស្នាក់នៅជាអចិន្ត្រៃយ៍ក្នុងបន្ទុកចំនួន ៥នាក់ ស្រី ១នាក់ ដោយពិនិត្យឃើញថាគ្រួសារនេះមានលក្ខណៈសម្បត្តិសមស្របតាមលក្ខខណ្ឌដែលសាខាកំណត់ គឺជាគ្រួសារក្រីក្រ និងពិការភ្នែករស់នៅអចិន្ត្រៃយ៍ក្នុងភូមិ និងមានដីកម្មសិទ្ធិផ្ទាល់ខ្លួនទំហំ ៨ម៉ែត្រ គុណ ៣០ម៉ែត្រ សម្រាប់សង់លំនៅដ្ឋានបាន និងមានការយល់ព្រមពី គណៈកម្មាធិការសាខា មន្ត្រីសាខាបានសហការចាប់ផ្ដើមរកជាងដើម្បីសាងសង់ផ្ទះថ្មីមួយខ្នង មានទំហំទទឹង ៤ម៉ែត្រ បណ្ដោយ ៧ម៉ែត្រ កម្ពស់ ៣.៨ម៉ែត្រ សង់ពីដែកប្រក់ស័ង្កសី Read more