នៅយប់ថ្ងៃទី៨ ខែតុលា ឆ្នាំ២០២៥ កងពលលេខ៥១ និងកងរាជអាវុធហត្ថខេត្តបន្ទាយមានជ័យ ដឹកនាំដោយលោកឧត្តមសេនីយ៍ទោ សេង ធារិន មេបញ្ជាការរង និងជានាយសេនាធិការយោធភូមិភាគទី៥ បានធ្វើប្រតិបត្តិការឃាត់ខ្លួនមន្ត្រីនគរបាលខេត្តបន្ទាយមានជ័យចំនួន៦នាក់ ពាក់ព័ន្ធនឹងបទល្មើសនាំមនុស្សឆ្លងដែនខុសច្បាប់នៅតាមចំណុចប៉ុស្តិ៍ការពារព្រំដែនគោកអូរល្ហុង។
មន្ត្រីដែលត្រូវបានឃាត់ខ្លួនរួមមាន៖
១. វរសេនីយ៍ត្រី សុខ សំអុល ហៅ តុង តួនាទី មេបញ្ជាការរង វរៈសេនាតូចការពារព្រំដែន ៨៩១ ស្នងការដ្ឋាននគរបាលខេត្តបន្ទាយមានជ័យ។
២. វរសេនីយ៍ត្រី ព្រឹម ដែន ភេទ តួនាទី មេបញ្ជាការរង វរៈសេនាតូចការពារព្រំដែន ៨៩១។
៣. វរសេនីយ៍ត្រី ព្រំ ផូរ ហៅ ងិក តួនាទី មេប៉ុស្តិ៍នគរបាលការពារព្រំដែនគោកអូរល្ហុង វរៈសេនាតូច ៨៩១។
៤. ពលបាលត្រី ព្រឹម ឌុន តួនាទី មន្ត្រី វរៈសេនាតូច ៨៩១។
៥. ពលបាលត្រី កាក់ សេងទ្រី តួនាទី មន្ត្រី វរៈសេនាតូច ៨៩១។
៦. អនុសេនីយ៍ទោ ភុំ ចំរើន តួនាទី មន្ត្រី វរៈសេនាតូច ៨៩១។
បន្ថែមពីនេះ មានបុគ្គលម្នាក់ឈ្មោះ ងុិក មិថុនា តួនាទីជាចុងភៅ ត្រូវបានឃាត់ខ្លួនជាមួយ ប៉ុន្តែមិនមានការពាក់ព័ន្ធនឹងបទល្មើសនោះឡើយ។
បន្ទាប់ពីការឃាត់ខ្លួន សមត្ថកិច្ចបានប្រគល់មន្ត្រីទាំង៦នាក់ទៅឲ្យកងរាជអាវុធហត្ថខេត្តបន្ទាយមានជ័យ ដើម្បីកសាងសំណុំរឿងបញ្ជូនទៅតុលាការចាត់ការតាមនិតិវិធី។
សមត្ថកិច្ចបន្តស៊ើបអង្កេតបន្ថែម ដើម្បីរកឱ្យឃើញបណ្តាញពាក់ព័ន្ធនឹងការនាំជនបរទេសឆ្លងដែនខុសច្បាប់៕
