នាយឧត្តមសេនីយ៍ ស ថេត អគ្គស្នងការនគរបាលជាតិ នៅព្រឹកថ្ងៃទី៥ ខែកញ្ញា ឆ្នាំ២០២៥នេ បានអញ្ជើញជាអធិបតីដឹកនាំកិច្ចប្រជុំប្រចាំឆ្នាំលើកទី៣ ជាមួយក្រុមហ៊ុនដឹកជញ្ជូនអ្នកដំណើរ និងទំនិញ ដើម្បីរួមគ្នាដោះស្រាយបញ្ហាចរាចរណ៍ ពិសេសការកាត់បន្ថយហេតុការណ៍គ្រោះថ្នាក់ចរាចរណ៍។ កិច្ចប្រជុំនេះ ត្រូវបានធ្វើឡើងនៅស្នងការដ្ឋាននគរបាលរាជធានីភ្នំពេញ ដែលមានការចូលរួមពីនាយនគរបាលជាន់ខ្ពស់ នៃអគ្គស្នងការដ្ឋាននគរបាលជាតិ និងម្ចាស់ តំណាងក្រុមហ៊ុន ព្រមទាំងភ្នាក់ងារដឹកជញ្ជូនប្រមាណជាង៦០០នាក់។ ថ្លែងក្នុងឱកាសនោះ នាយឧត្តមសេនីយ៍ ស ថេត បានថ្លែងអំណរគុណដល់ម្ចាស់ ឬតំណាងក្រុមហ៊ុនបានចូលរួមកិច្ចប្រជុំនាឱកាសនេះ ដែលបង្ហាញអំពីឆន្ទៈរួមគ្នាក្នុងការដោះស្រាយបញ្ហាចរាចរណ៍ ព្រោះបញ្ហាចរាចរណ៍ជាបញ្ហារួមដែលត្រូវចូលរួមចំណែកទាំងអស់គ្នា ពិសេសភ្នាក់ងារដឹកជញ្ជូនផ្ទាល់តែម្ដង ដែលមមាញឹកក្នុងការប្រើប្រាស់ផ្លូវសាធារណៈដើម្បីបម្រើសេវាជូនអតិថិជនរបស់ខ្លួនប្រចាំថ្ងៃ ហើយក៏ងាយប្រឈមជាមួយបញ្ហាគ្រោះថ្នាក់ចរាចរណ៍។ ដើម្បីកាត់បន្ថយគ្រោះថ្នាក់ចរាចរណ៍ នាយឧត្តមសេនីយ៍ ស ថេត បានណែនាំដល់ភ្នាក់ងារដឹកជញ្ជូនទាំងអស់ ត្រូវគោរពនូវក្រមសីលធម៌ចំនួន១០ចំណុច សម្រាប់សុវត្ថិភាពចរាចរណ៍ រួមមាន៖ *ទី១៖ មិនត្រូវបើកបរលើសល្បឿនកំណត់ជាដាច់ខាត*ទី២៖ មិនត្រូវបើកបរក្រោមឥទ្ធិពលគ្រឿងស្រវឹងជាដាច់ខាត*ទី៣៖ មិនត្រូវបើកបរក្រោមឥទ្ធិពលគ្រឿងញៀនជាដាច់ខាត*ទី៤៖ មិនត្រូវបើកបរក្រោមស្ថានភាពងងុយដេកជាដាច់ខាត*ទី៥៖ ត្រូវពាក់មួកសុវត្ថិភាពជានិច្ចនៅពេលជិះម៉ូតូ*ទី៦៖ ត្រូវពាក់ខ្សែក្រវ៉ាត់ជានិច្ច (ចំពោះរថយន្ត)*ទី៧៖ ត្រូវបើកបរដោយប្រកាន់ស្តាំជានិច្ច*ទី៨៖ ត្រូវពិនិត្យលក្ខណៈបច្ចេកទេសយានយន្តជានិច្ច*ទី៩៖ ត្រូវចេះបើកបរច្បាស់លាស់ និងមានការយល់យោគអធ្យាស្រ័យគ្នា*ទី១០៖ ត្រូវបើកបរដោយស្មារតីប្រុងប្រយ័ត្នជានិច្ចគ្រប់ពេលវេលា។ បន្ថែមលើនេះ នាយឧត្តមសេនីយ៍ ស ថេត បានណែនាំដល់អ្នកបើកបរត្រូវគោរពផ្លាកសញ្ញាចរាចរណ៍ និងភ្លើងចរារចរណ៍ គ្រប់ពេលវេលាក្នុងពេលបើកបរ, សូមកុំគោរពតែនៅពេលដែលមាន វត្តមានកម្លាំងនគរបាល, Read more

កងរាជអាវុធហត្ថស្រុកសំពៅលូន ខេត្តបាត់ដំបង បង្ក្រាបករណីគ្រឿងញៀនថ្ងៃទី១ កញ្ញា ២០២៥ ឃាត់ជនសង្ស័យ ៧នាក់ និងដកហូតរថយន្ត២ ម៉ូតូ៤។ ប៉ុន្តែ របាយការណ៍បញ្ជូនទៅខេត្ត មានត្រឹម ៥នាក់ រថយន្ត១ និងម៉ូតូ៣។ នេះមានន័យថា បាត់ជនសង្ស័យ២នាក់ (ហេង ននោរី និង បៀ មករា) ព្រមទាំងរថយន្ត១ និងម៉ូតូ១។ សារព័ត៌មានបានព្យាយាមទំនាក់ទំនង មេបញ្ជាការស្រុក និងខេត្ត ( 0977777782 ,0886663331 ) ប៉ុន្តែមិនទទួលទូរស័ព្ទ។ ករណីនេះកំពុងត្រូវបានសាធារណៈស្នើឲ្យអាជ្ញាធរពាក់ព័ន្ធ ចូលមកអធិការកិច្ច និងផ្តល់ការបំភ្លឺ។ បើតាមរបាយការណ៍កងរាជអាវុធហត្ថស្រុកសំពៅលូន បង្ក្រាបករណីជួញដូរដោយខុសច្បាប់ សារធាតុញៀន ក្នុងភូមិកូនភ្នំខាងត្បូង ឃុំតាស្តា ស្រុកសំពៅលូន ខេត្តបាត់ដំបង កម្លាំងជំនាញកងរាជអាវុធហត្ថស្រុកបានឃាត់ខ្លួនជនសង្ស័យចំនួន០៧នាក់។១.ឈ្មោះ ហេង ជា ភេទស្រី អាយុ៤៣ឆ្នាំ មុខរបរលក់ដូរ មានទីលំនៅភូមិទួលជ្រៃ ឃុំសំពៅលូនស្រុកសំពៅលូន ។២.ឈ្មោះ ហេង ប្រុសឈុត ភេទប្រុស អាយុ ១៥ឆ្នាំ មុខរបរកម្មករ រស់នៅភូមិកូនភ្នំខាងត្បូង ឃុំតាស្តា ស្រុក Read more

រាត្រីថ្ងៃអាទិត្យទី៧ខែកញ្ញាឆ្នាំ២០២៥ នៅប្រទេសកម្ពុជា ក៏នឹងមើលឃើញបាតុភូតដ៏កម្រ ចន្ទ្រគ្រាសពេញវង់ ដែលគេហៅថា «ព្រះចន្ទឈាម» Blood Moon Lunar Eclipse ផងដែរ។ យោងតាមគេហទំព័រ Space, បាតុភូតនេះកើតឡើងនៅពេល ផែនដីធ្វើដំណើរទៅស្ថិតនៅចន្លោះព្រះអាទិត្យនិងព្រះចន្ទ ដោយបាំងស្រមោលរបស់វាទាំងស្រុងទៅលើព្រះចន្ទ។ ក្នុងអំឡុងពេលចន្ទ្រគ្រាសពេញវង់ ព្រះចន្ទនឹងមើលទៅមានពណ៌ក្រហម ឬពណ៌លឿងទុំ ដែលធ្វើឲ្យវាត្រូវបានគេហៅថា Blood Moon ឬ ព្រះចន្ទឈាម។សម្រាប់ព្រឹត្តិការណ៍នេះ កម្ពុជាក៏អាចមើលឃើញដែរនៅថ្ងៃស្អែក ពោលគឺអាចកើតឡើងចន្លោះម៉ោង១១:៣០នាទីយប់ ដល់ម៉ោង៣ព្រឹក ឈានចូលថ្ងៃចន្ទ។ ទោះបីជាយ៉ាងណាក៏ដោយ ដោយសារតែប៉ុន្មានថ្ងៃមកនេះ មានភ្លៀងធ្លាក់ជាប់ ព្រោះតែឥទ្ធិពលព្យុះ គេមិនដឹងថា តើនៅរាត្រីថ្ងៃអាទិត្យ អាកាសធាតុនឹងអំណោយផល សម្រាប់ការមើលចន្ទ្រគ្រាសនេះដែរឬក៏អត់នោះទេ។ ក្រៅពីកម្ពុជា ប្រទេសផ្សេងទៀតនៅតំបន់អាស៊ី ក៏អាចមើលឃើញបាតុភូតដ៏កម្រនេះដែរ ប៉ុន្តែតំបន់ដែលអាចទស្សនាព្រឹត្តិការណ៍នេះបានយ៉ាងល្អឥតខ្ចោះគឺនៅអាហ្វ្រិក មជ្ឈិមបូព៌ា និងភាគខាងលិចប្រទេសអូស្រ្តាលី។ ដ្បិតតែក្រុមអ្នកវិទ្យាសាស្រ្តអះអាងថា វាជាព្រឹត្តិការណ៍កម្រ ប៉ុន្តែតាមពិតទៅ អ្នកនឹងមិនត្រូវរង់ចាំយូរប៉ុន្មានទេដើម្បីទស្សនា «ព្រះចន្ទឈាម» ម្តងទៀត ព្រោះវានឹងកើតឡើងជាថ្មីនៅ ៨-៩ឆ្នាំក្រោយ៕

នៅព្រឹកថ្ងៃទី ៦ ខែកញ្ញា ឆ្នាំ២០២៥ បណ្ឌិត ទូច វណ្ណៈ បានបង្ហោះសារមួយលើផេកហ្វេសប៊ុកផ្លូវការ ក្រោមចំណងជើងថា “ខ្មែរនឹងកាន់តែឈឺចាប់ បើខ្មែរមិនជឿជាក់លើរាជរដ្ឋាភិបាល ឬខ្មែរបែកបាក់សាមគ្គីនោះ”។ ក្នុងសារនេះ បណ្ឌិត ទូច វណ្ណៈ បានលើកឡើងថា កងទ័ពថៃតែងតែបង្កហេតុ ដើម្បីបង្ខំឱ្យកងទ័ពកម្ពុជា ប្រើអាវុធជាមុន ហើយយកវាជាលេសវាយប្រហារវិញ។ ទោះជាយ៉ាងណា រាជរដ្ឋាភិបាលកម្ពុជា ក្រោមការដឹកនាំសម្តេចមហាបវរធិបតី ហ៊ុន ម៉ាណែត បានជ្រើសរើសដោះស្រាយតាមផ្លូវសន្តិវិធី ដោយប្រើការទូត និងយន្តការអន្តរជាតិ។ លោកបានរំលឹកថា កិច្ចព្រមព្រៀងឈប់បាញ់កម្ពុជា-ថៃ ត្រូវបានចុះហត្ថលេខានៅថ្ងៃទី ២៨ កក្កដា ២០២៥ ក្នុងប្រទេសម៉ាឡេស៊ី ក្រោមការសម្របសម្រួលរបស់នាយករដ្ឋមន្ត្រីម៉ាឡេស៊ី និងដោយគំនិតផ្តួចផ្តើមពីប្រធានាធិបតីសហរដ្ឋអាមេរិក ដូណាល់ ត្រាំ។ ប្រទេសចិនក៏បានចូលរួមអង្កេតតាមដានផងដែរ។ បន្ថែមពីនេះ កម្ពុជាក៏បានសម្រេចដាក់ពាក្យបណ្តឹងទៅកាន់តុលាការយុត្តិធម៌អន្តរជាតិ (ICJ) អំពីជម្លោះតំបន់ប្រាសាទតាមាន់ធំ តាមាន់តូច និងតាក្របី ទោះបីជាភាគីថៃប្រកាសប្រឆាំងក្តី។ លោកបណ្ឌិត ទូច វណ្ណៈ បានសរសេរថា កងទ័ពកម្ពុជា គោរពតាមបទបញ្ជារបស់រាជរដ្ឋាភិបាល មិនមានសកម្មភាពផ្ទាល់ខ្លួន ដូចកងទ័ពថៃទេ ខណៈដែលប្រជាពលរដ្ឋខ្មែរ ក៏បានបង្ហាញសាមគ្គីភាព និងជំនឿលើរាជរដ្ឋាភិបាល ដោយចូលរួមជួយកងទ័ព Read more

លោក Anutin Charnvirakul បានឡើងកាន់តំណែងជានាយករដ្ឋមន្ត្រីទី៣២របស់ថៃហើយ នៅថ្ងៃអាទិត្យ ទី៧ ខែកញ្ញា បន្ទាប់ពីទទួលបានការអនុម័តយល់ព្រម ពីព្រះមហាក្សត្រថៃ។ នេះបើតាមការចេញផ្សាយដោយទីភ្នាក់ងារសារព័ត៌មាន AFP។ អគ្គលេខាធិការរដ្ឋសភាថៃ លោក Arpath Sukhanunth បានអានព្រះរាជ្យក្រឹត្យរបស់ព្រះមហាក្សត្រក្នុងពិធីមួយនៅឯទីស្នាក់ការកណ្ដាលនៃគណបក្សភូមិចៃថៃរបស់លោក Anutin ក្នុងទីក្រុងបាងកក ដោយមានអត្ថន័យដូច្នេះថា «ព្រះមហាក្សត្របានអនុម័តយល់ព្រមឱ្យលោក Anutin ឡើងកាន់តំណែងជានាយករដ្ឋមន្ត្រីចាប់ពីពេលនេះតទៅ»។ លោក Anutin មានអាយុ ៥៨ឆ្នាំ កន្លងមកធ្លាប់កាន់តំណែងជាឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងរដ្ឋមន្ត្រីសុខាភិបាល។ លោកបានក្លាយជានាយករដ្ឋមន្ត្រីទី៣របស់ថៃ ក្នុងរយៈពេលជាង២ឆ្នាំមកនេះ ក្រោយលោកស្រី Paetongtarn Shinawatra ត្រូវបានតុលាការធម្មនុញ្ញដកតំណែង។ ប៉ុន្តែជ័យជម្នះរបស់លោក Anutin អាចកើតឡើង ទៅបានដោយសារតែទទួលបានការគាំទ្រពីគណបក្សប្រជាជនថៃ ដែលបានដាក់លក្ខខណ្ឌឱ្យរូបលោករំលាយរដ្ឋសភាក្នុងរយៈពេល៤ខែ ដើម្បីរៀបចំការបោះឆ្នោតមុនអាណត្តិ៕

ព្រះពុទ្ធបដិមា កសាងពីស្ពាន់ និងលោហៈ មានកម្ពស់៩ម៉ែត្រ និងទម្ងន់៩តោន នៅក្នុងអគារអាកាសយានដ្ឋានអន្តរជាតិតេជោ ត្រូវបានរៀបចំពិធីប្រុងពាលី និងពុទ្ធាភិសេក តាមបែបព្រះពុទ្ធសាសនា នៅរសៀលថ្ងៃទី០៥ ខែកញ្ញា ឆ្នាំ២០២៥នេះ ដោយមានការយាង និងនិមន្តចូលរួមពីសំណាក់សម្តេចព្រះសង្ឃនាយក និងព្រះសង្ឃទាំងពីរគណ:ចំនួន១៨អង្គ ព្រមទាំងមានការអញ្ជើញចូលរួមពីសំណាក់លោក ចាយ បូរិន រដ្ឋមន្ត្រីក្រសួងធម្មការ និងសាសនា និងថ្នាក់ដឹកនាំរបស់ក្រុមហ៊ុន ខេមបូឌា អ៊ែរផត អ៊ិនវេសមិន ឯ.ក (CAIC)។ អ្នកឧកញ៉ា ឆារស៍ វ៉ាន់ នាយកគ្រប់គ្រងក្រុមហ៊ុន ខេមបូឌា អ៊ែរផត អ៊ិនវេសមិន ឯ.ក មានប្រសាសន៍ថា ព្រះពុទ្ធបដិមានេះ ជាទម្រង់ភ្នេនប្រទានពរ ដើម្បីបង្ហាញពីរចនាបទ វប្បធម៌ និងការលើកតម្កើងព្រះពុទ្ធសាសនា ជាសាសនារបស់រដ្ឋ ទៅកាន់ភ្ញៀវជាតិ និងអន្តរជាតិ។ អ្នកឧកញ៉ា ឆារស៍ វ៉ាន់ បន្ថែមទៀតថា ការតាំងបង្ហាញព្រះពុទ្ធបដិមានេះ ដើម្បីឱ្យភ្ញៀវទេសចរជាតិ និងអន្តរជាតិ ក៏ដូចជាភ្ញៀវដែលឆ្លងកាត់ អាកាសយានដ្ឋាន ជួបតែសេចក្តីសុខសប្បាយ នៅក្នុងការធ្វើដំណើរ។ នាយកគ្រប់គ្រងក្រុមហ៊ុនដដែល បានបញ្ជាក់ថា ការដាក់តាំងព្រះពុទ្ធបដិមានេះ ដោយសារកម្ពុជា កាន់ព្រះពុទ្ធសាសនា ដូច្នេះហើយ Read more

ការរុះរើយោធាប្រចាំឆ្នាំរបស់ប្រទេសថៃ ត្រូវបានប្រកាសជាផ្លូវការ ដោយមន្ត្រីជាន់ខ្ពស់ចំនួន ៨៦២រូប ទទួលបានការតែងតាំងថ្មី ចាប់ពីថ្ងៃទី១ខែតុលាឆ្នាំ២០២៥។ នេះបើយោងតាមការចុះផ្សាយរបស់ Royal Gazette នាថ្ងៃសុក្រ ទី៥ ខែកញ្ញា ឆ្នាំ២០២៥នេះ។ មុខតំណែងដែលប្រព័ន្ធផ្សព្វផ្សាយថៃផ្តោតសំខាន់គឺនៅក្នុងជួរកងទ័ពភូមិន្ទថៃ ដែលមានទំនួលខុសត្រូវតាមព្រំដែន រួមមាន៖ ឯកឧត្តម ឧត្តមសេនីយ៍ឯក Worayos Luangsuwann មេបញ្ជាការរង យោធភូមិភាគ១ ឡើងជាមេបញ្ជាការយោធភូមិភាគ១ ឯកឧត្តម ឧត្តមសេនីយ៍ឯក Weerayuth Raksil មេបញ្ជាការរង យោធភូមិភាគ២ ឡើងជាមេបញ្ជាការយោធភូមិភាគ២ ឯកឧត្តម ឧត្តមសេនីយ៍ឯក Woratep Bunya មេបញ្ជាការរង យោធភូមិភាគ៣ ឡើងជាមេបញ្ជាការយោធភូមិភាគ៣ ឯកឧត្តម ឧត្តមសេនីយ៍ឯក Norathip Poynok មេបញ្ជាការរង យោធភូមិភាគ២ ឡើងជាមេបញ្ជាការយោធភូមិភាគ៤ មុខតំណែងសំខាន់ៗផ្សេងទៀត រួមមាន៖ ឧត្តមសេនីយ Ukridt Buntanont អគ្គមេបញ្ជាការរងនៃកងកំលាំងការពារជាតិ ឡើងឋានន្តរស័ក្តិជានាយសេនាធិការការពារជាតិ ឧត្តមនាវីទោ Pairot Fuangchan អគ្គលេខាធិកាកងទ័ពជើងទឹក ត្រូវបានតែងតាំងជាមេបញ្ជាការកងទ័ពជើងទឹកថៃ ឧត្តមសេនីយ៍ឯក Marshal Seksan Kantha Read more

ល្បែងអាប៉ោងដុះស្លែ ១ កន្លែង ស្ថិតនៅ ក្នុងភូមិចំការសំរោង១ សង្កាត់ចំការសំរោង ក្រុងបាត់ដំបង បើកលេងស៊ីសងលុយធំ មានអ្នកចាញ់ អ្នកឈ្នះ រាប់សិបលានរៀលក្នុង១ថ្ងៃៗដោយ គ្មានសមត្ថកិច្ច ណាទៅបង្ក្រាបម្តងសោះឡើយ។ តាមបណ្តាយរាកាណ៍ថា ឈ្មោះ សុង សុខា ហៅម៉ែអាត្រងោល ជាអ្នកចេញមុខ ឈរដោះស្រាយរ៉ាប់រង ក្នុងការចំណាយលុយសែនអោយម្ចាស់ទឹកដី និងបង់លុយប្រចាំខែ អោយអ្នកកាសែតមួយចំនួនតូច ជាថ្នូរ មិនចុះផ្សាយ ពីទីតាំងល្បែងអាប៉ោងលេងនៅក្នុងផ្ទះរបស់គាត់ ។ ករណី ល្បែងអាប៉ោងលេងនៅផ្ទះឈ្មោះ សុង សុខា ហៅម៉ែ អាត្រងោលនេះ ឡើងដុះស្នឹម តើលោក ពេជ្រ សារ៉ែន អធិការនគរបាលក្រុងបាត់ដំបង បានជ្រាបឬទេ ? ។ ដូច្នេះសង្ឃឹមថា ដំណឹងនេះ នឹងឮដល់ លោក អធិការនគរបាលក្រុងបាត់ដំបង សូមចាត់វិធានការផងអោយស្រមនឹង គោលនយោបាយ «ភូមិ ឃុំ សង្កាត់មានសុវត្ថិភាព» ដែល លោក អធិការ ខិតខំអនុវត្ត កន្លងមក ។ អង្គភាពអ្នកសារព័ត៌មានយើងគ្រាន់តែជាកញ្ចក់ឆ្លុះបញ្ចាំងរិះគន់ក្នុងន័យស្ថាបនា និងសូមរង់ចាំការឆ្លើយបំភ្លឺគ្រប់បុគ្គលពាក់ព័ន្ធ គ្រប់ពេលម៉ោងធ្វើការតាមរបបអ្នកសារព័ត៌មាន Read more

មន្ត្រីសេតវិមានម្នាក់ នៅថ្ងៃព្រហស្បតិ៍ ទី៤ ខែកញ្ញា បាននិយាយថា លោក ប្រធានាធិបតីអាមេរិក ដូណាល់ ត្រាំ គ្រោងនឹងចុះហត្ថលេខាលើបទបញ្ជាប្រតិបត្តិមួយ នៅថ្ងៃសុក្រ ទី៥ ខែកញ្ញាដើម្បីប្ដូរឈ្មោះក្រសួងការពារជាតិអាមេរិក ទៅជាក្រសួងសង្រ្គាម។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។ បទបញ្ជាប្រតិបត្តិខាងលើ នឹងតម្រូវឱ្យរដ្ឋមន្ត្រីការពារជាតិអាមេរិក លោក Pete Hegseth ក្រសួងការពារជាតិអាមេរិក និងមន្ត្រីនៅក្រោមចំណុះក្រសួងការពារជាតិប្ដូរតួនាទីទៅជា រដ្ឋមន្ត្រីសង្រ្គាម ក្រសួងសង្រ្គាម និងអនុរដ្ឋមន្ត្រីសង្រ្គាម។ គួរបញ្ជាក់ថា ចាប់តាំងពីឡើងកាន់តំណែងជាប្រធានាធិបតីអាមេរិក កាលពីខែមករាមក លោក ត្រាំ បានចេញបទបញ្ជាប្រតិបត្តិមួយចំនួនដើម្បីប្ដូរឈ្មោះស្ថាប័ន និងទីតាំង ក្នុងនោះ លោកបានប្ដូរឈ្មោះឈូងសមុទ្រម៉ិកស៉ិក ទៅជាឈូងសមុទ្រអាមេរិកជាដើម។ ក្រសួងការពារជាតិអាមេរិកក៏ធ្លាប់ប្រើឈ្មោះជាក្រសួងសង្រ្គាមផងដែរអំឡុងសង្រ្គាមលោកលើកទី២៕

ក្នុងឆមាសទី១ ឆ្នាំ២០២៥នេះ អគ្គនាយកដ្ឋានអត្តសញ្ញាណកម្ម ក្រសួងមហាផ្ទៃ បានទទួលពាក្យស្នើសុំកែតម្រូវទិន្នន័យ និងមោឃភាពបញ្ជីអត្រានុកូលដ្ឋានពីរដ្ឋបាលក្រុង ស្រុក ខណ្ឌ តាមរយៈរដ្ឋបាលរាជធានី ខេត្ត និងការមកស្នើផ្ទាល់នៅអគ្គនាយកដ្ឋានសរុបចំនួន១៩.៦៥៨ច្បាប់ ខណៈនៅចុងឆ្នាំនេះ អគ្គនាយកដ្ឋានអត្តសញ្ញាណកម្ម នឹងដំណើរការសេវាឌីជីថល។ ក្នុងចំណោមពាក្យស្នើសុំកែតម្រូវទិន្នន័យ និងមោឃភាពបញ្ជីអត្រានុកូលដ្ឋានទាំង១៩.៦៥៨ច្បាប់នោះ អគ្គនាយកដ្ឋានអត្តសញ្ញាណកម្ម បានទទួលពាក្យស្នើសុំដោយផ្ទាល់ចំនួន ១១.៦៩៤ច្បាប់ និងទទួលពាក្យស្នើសុំតាមរយៈរដ្ឋបាលរាជធានី-ខេត្ត ចំនួន ៧.៩៦៤ច្បាប់។  ឯកឧត្តមឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានថ្លែងថា ក្រសួងមហាផ្ទៃ បានធ្វើយុទ្ធនាការចុះបញ្ជីអត្រានុកូលដ្ឋានចល័តនៅទូទាំងប្រទេសអស់២លើកហើយ កាលពីឆ្នាំ២០០៤ និងឆ្នាំ២០០៦ ដើម្បីផ្តល់សំបុត្រកំណើតឡើងវិញជូនប្រជាពលរដ្ឋ។ ទន្ទឹមនឹងភាពជោគជ័យនៃការចុះបញ្ជីអត្រានុកូលដ្ឋានក្នុងអំឡុងពេលយុទ្ធនាការ ឯកឧត្តមបានឲ្យដឹងថា ការអនុវត្តចុះបញ្ជីនោះ ក៏ជួបបញ្ហាប្រឈមមួយចំនួន គឺកំហុសឆ្គងទិន្នន័យ ជាអាទិ៍ ខុសអក្ខរាវិរុទ្ធលើនាមត្រកូល-នាមខ្លួន ឬខុសថ្ងៃខែឆ្នាំកំណើត ឬខុសទីកន្លែងកំណើត និងប្រជាពលរដ្ឋខ្លះបានចុះបញ្ជីអត្រានុកូលដ្ឋានប្រភេទតែមួយលើសពីមួយដង។  ឯកឧត្តមឧត្តមសេនីយ៍ឯកបន្ថែមថា ដើម្បីដោះស្រាយបញ្ហាទាំងនេះ ក៏ដូចជាសម្រួលដល់ការផ្តល់សេវាសាធារណៈជូនប្រជាពលរដ្ឋ រាជរដ្ឋាភិបាលកម្ពុជាក៏បានដាក់ចេញអនុក្រឹត្យស្តីពីមន្ត្រីអត្រានុកូលដ្ឋានថ្នាក់ជាតិ ដោយបានផ្តល់សមត្ថកិច្ចពិនិត្យសម្រេចកែតម្រូវ និងមោឃភាពទិន្នន័យបញ្ជីអត្រានុកូលដ្ឋាន ហើយបន្ទាប់មក ក្រសួងមហាផ្ទៃក៏បានចេញសេចក្តីណែនាំជាបន្តបន្ទាប់ រួមមាន ៖ សេចក្តីណែនាំ ស្តីពីការកែតម្រូវ និងការធ្វើមោឃភាពនៃបញ្ជីអត្រានុកូលដ្ឋាន ដែលត្រូវអនុវត្តក្នុងរយៈពេល២ឆ្នាំ ចាប់ពីឆ្នាំ២០១៧ រហូតឆ្នាំ២០១៩ Read more