កំពង់ឆ្នាំង៖ ព្រឹកថ្ងៃពុធ ទី៧ ខែឧសភា ឆ្នាំ២០២៥ ឯកឧត្តម ឧត្តមអគ្គានុរក្សថ្នាក់លេខ១ ឈន សាណាត អគ្គនាយក នៃអគ្គនាយកដ្ឋានពន្ធនាគារ បានអញ្ជើញចុះត្រួតពិនិត្យហេដ្ឋារចនាសម្ព័ន្ធ វឌ្ឍនភាពការងារ និងជួបសំណេះសំណាលជាមួយថ្នាក់ដឹកនាំ និងមន្ត្រីពន្ធនាគារខេត្តកំពង់ឆ្នាំង ដោយមានការអញ្ជើញអមដំណើរដោយ ឯកឧត្តម លោកជំទាវ អគ្គនាយករង ប្រធាននាយកដ្ឋានជំនាញ និងមន្រ្តីពាក់ព័ន្ធ។ ឆ្លៀតក្នុងឱកាសនេះ ឯកឧត្តម អគ្គនាយក មានមតិផ្តាំផ្ញើនូវអនុសាសន៍សំខាន់ៗមួយចំនួនដូចខាងក្រោម ៖ – ត្រូវបំពេញការងារតាមតួនាទី ភារៈកិច្ច តាមការចាត់តាំង និងការទទួលខុសត្រូវរបស់ខ្លួន គោរពតាមឋានានុក្រមការងារ និងមានភាពស៊ីសង្វាក់គ្នារវាងថ្នាក់ដឹកនាំ និងមន្ត្រីតាមជំនាញ – ត្រូវមានភាពស្មោះត្រង់ចំពោះវិជ្ជាជីវៈរបស់ខ្លួន ប្រកាន់ខ្ជាប់នូវក្រមសីលធម៌ និងបទវិន័យមន្ត្រីពន្ធនាគារ រក្សាបាននូវសេចក្តីថ្លៃថ្នូរ សាមគ្គីភាពផ្ទៃក្នុងដោយតម្កល់ផលប្រយោជន៍អង្គភាពជាធំ – បន្តពង្រឹងការអនុវត្តដោយផ្អែកលើគោលការណ៍ច្បាប់ នីតិវិធី បទបញ្ជាផ្ទៃក្នុងពន្ធនាគារ គោលការណ៍ សេចក្តីណែនាំ និងលិខិតបទដ្ឋានគតិយុត្តនានាដែលមានជាធរមាន – ពង្រឹងការងារស៊ើបការណ៍អប់រំ គ្រប់គ្រងឱ្យបានដិតដល់ចំពោះមុខសញ្ញាពិសេស – ពង្រឹងប្រសិទ្ធភាពឆែកឆេរនៅគ្រប់គោលដៅត្រួតពិនិត្យ បន្ទប់ឃុំឃាំង និងមានវិធានការម៉ឺងម៉ាត់ដាច់ខាតបំផុតចំពោះវត្ថុហាមឃាត់ – ការត្រៀមបង្ការហានិភ័យផ្សេងៗ ជាពិសេស សកម្មភាពប៉ុនប៉ងរត់គេចខ្លួន ឬរំដោះខ្លួនចេញពីពន្ធនាគារ អំពើអត្តឃាត Read more

ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាននៃព្រះរាជាណាចក្រកម្ពុជា បានដឹកនាំគណៈប្រតិភូក្រសួងព័ត៌មាន ចូលរួមកិច្ចប្រជុំរដ្ឋមន្ត្រីទទួលបន្ទុកព័ត៌មានអាស៊ានលើកទី១៧ (17th AMRI) និងកិច្ចប្រជុំពាក់ព័ន្ធ ក្នុងឋានៈកម្ពុជាជាអនុប្រធាននៃកិច្ចប្រជុំនៅប្រទេសព្រុយណេដារូស្សាឡាម ចាប់ពីថ្ងៃទី៧ ដល់ថ្ងៃទី៩ ខែឧសភា ឆ្នាំ២០២៥។ ក្នុងនាមជាប្រធាននៃកិច្ចប្រជុំ ប្រទេសព្រុយណេបានរៀបចំសន្និសីទនេះឡើងក្រោមប្រធានបទ «ប្រព័ន្ធផ្សព្វផ្សាយជំរុញការយល់ដឹងរួម៖ ការផ្លាស់ប្តូរតួនាទីរបស់ប្រព័ន្ធផ្សព្វផ្សាយក្នុងការជំរុញកិច្ចសហប្រតិបត្តិការ និងការយល់ដឹងគ្នាទៅវិញទៅមកនៅក្នុងអាស៊ាន MAJU» ដែលសង្កត់ធ្ងន់ទៅលើតួនាទីវិវត្តនៃប្រព័ន្ធផ្សព្វផ្សាយក្នុងការពង្រឹងកិច្ចសហប្រតិបត្តិការក្នុងតំបន់ អត្តសញ្ញាណ និងការយោគយល់គ្នាទៅវិញទៅមក។ កិច្ចប្រជុំនេះ មានការចូលរួមពីសំណាក់រដ្ឋសមាជិកអាស៊ានទាំងអស់ ប្រទេសទីម័រខាងកើត ប្រទេសចិន ជប៉ុន សាធារណៈរដ្ឋកូរ៉េ និងលេខាធិការដ្ឋានអាស៊ាន។ នៅក្នុងសុន្ទរកថាបើកកិច្ចប្រជុំ ព្រះអង្គម្ចាស់ HAJI AL-MUHTADEE BILLAHIBNI HIS MAJESTY SULTAN HAJI HASSANAL BOLKIAH MU’IZZADDIN WADDAULAH ជាព្រះរជ្ជទាយាទ និងជាទេសរដ្ឋមន្ត្រីនៃទីស្តីការនាយករដ្ឋមន្ត្រីនៃប្រទេសព្រុយណេ បានមានបន្ទូលគូសបញ្ជាក់ពីសារៈសំខាន់នៃការចូលរួមប្រព័ន្ធផ្សព្វផ្សាយជាយុទ្ធសាស្ត្រក្នុងការលើកកម្ពស់មជ្ឈភាពអាស៊ាន។ គួរបញ្ជាក់ថា ប្រទេសកម្ពុជានឹងទទួលធ្វើជាប្រធានប្តូរវេននៃកិច្ចប្រជុំ AMRI លើកទី១៨ នៅឆ្នាំ២០២៧ខាងមុខ។

អ្នកនាំពាក្យ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នារសៀលថ្ងៃទី៧ ខែឧសភា ឆ្នាំ២០២៥នេះ បានចេញសេចក្ដីបញ្ជាក់ព័ត៌មាន ជម្រាបជូនសាធារណជនថា ក៏មិនខុសពីកន្លងមកដែរ ថ្មីៗនេះទៀត មានបុគ្គលមួយចំនួន បានបន្តប្រព្រឹត្តសកម្មភាពពុំគប្បី ដោយប្រើប្រាស់ឈ្មោះ ឯកឧត្តមអភិសន្តិបណ្ឌិត រូបភាពថតជាមួយ ឯកឧត្តមអភិសន្តិបណ្ឌិត ឬលោកជំទាវ ដើម្បីកេងចំណេញផលប្រយោជន៍ ឬទាញយកលាភសក្ការៈ តាមរយៈសកម្មភាពនិយាយអួតអាង ឬបំប៉ោង បំភ័យ គំរាមអ្នកដទៃ។ សេចក្ដីបញ្ជាក់ព័ត៌មាន បានលើកយកករណីជាក់ស្ដែងមួយ ដែលមានស្រ្តីម្នាក់ឈ្មោះ ធារ៉ា បានយកឈ្មោះ ឯកឧត្តមអភិសន្តិបណ្ឌិត ទៅនិយាយគំរាមអ្នកដទៃ និងអួតអាងតម្កើងខ្លួនឯងផ្ទុយហួសពីសច្ចធម៌ ក្នុងជម្លោះឯកជន ដោយអះអាងថាត្រូវជាបងប្អូនសាច់ញាតិរបស់ខ្លួន។ បើតាមអ្នកនាំពាក្យ បន្ទាប់ពីការស្រាវជ្រាវ គឺស្រ្តីឈ្មោះ ធារ៉ា ពុំជាប់សាច់ឈាម បងប្អូនកម្រិតណាមួយឡើយជាមួយ ឯកឧត្តមអភិសន្តិបណ្ឌិត ហើយទង្វើនេះ បណ្ដាលឱ្យមានការយល់ខុស និងបានធ្វើឱ្យប៉ះពាល់ដល់កិត្តិយស និងគុណធម៌ដ៏ឧត្តុង្គឧត្តមរបស់ ឯកឧត្តមអភិសន្តិបណ្ឌិត និងលោកជំទាវ ព្រមទាំងជាការបំពានក្រមព្រហ្មទណ្ឌនៃព្រះរាជាណាចក្រកម្ពុជាដែរ។ «ដូច្នេះ ពីអំណឹះតទៅ មិនថាស្រ្តីរូបនោះ គឺរាល់បុគ្គលផ្សេងទៀត រួមទាំងបងប្អូនសាច់ញាតិ ត្រូវបញ្ឈប់ជាបន្ទាន់ រាល់ការយកឈ្មោះ យកទំនាក់ទំនង ឬរូបភាពថតជាមួយ ឯកឧត្តមអភិសន្តិបណ្ឌិត Read more

ឥណ្ឌា នៅថ្ងៃពុធ ទី៧ ខែឧសភា បានបើកការវាយប្រហារតាមផ្លូវអាកាសលើទីតាំង៩កន្លែងនៅលើទឹកដីប៉ាគីស្ថាន និងតំបន់កាស្មៀរប៉ែកខាងគ្រប់គ្រងដោយប៉ាគីស្ថាន ខណៈ ទីក្រុងអ៉ីស្លាម៉ាបាដបានចាត់ទុកថាការវាយប្រហារនេះជាសកម្មភាពសង្រ្គាម ហើយប្រកាសថានឹងសងសឹកវិញ ចំពោះមុខការព្រួយបារម្ភពីហានិភ័យផ្ទុះសង្រ្គាមរវាងប្រទេសទាំង២ដែលសុទ្ធតែមាន អាវុធនុយក្លេអ៊ែរ។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។ ប៉ាគីស្ថានបានអះអាងថាមនុស្សយ៉ាងហោច ៨នាក់បានស្លាប់ និង៣៨នាក់ផ្សេងទៀតរងរបួសនៅក្នុងការវាយប្រហាររបស់ឥណ្ឌា។ ទីក្រុងញូវដែលីវិញបានអះអាងថាខ្លួនបានវាយប្រហារលើ ហេដ្ឋារចនាសម្ព័ន្ធរបស់ក្រុមភេរវករ។ នៅក្នុងសេចក្ដីថ្លែងការណ៍មួយ នាយករដ្ឋមន្ត្រីប៉ាគីស្ថាន លោក Shehbaz Sharif បាននិយាយថាប៉ាគីស្ថានរក្សាសិទ្ធិគ្រប់យ៉ាងដើម្បីធ្វើការឆ្លើយតបទៅនឹង ការវាយប្រហាររបស់ឥណ្ឌាដែលលោកចាត់ទុកថាជាសកម្មភាពសង្រ្គាម។ ជុំវិញភាពតានតឹងនេះដែរ លោកប្រធានាធិបតីអាមេរិក​ ដូណាល់ ត្រាំ បានចាត់ទុកថាស្ថានការណ៍ដែលកំពុងកើតឡើងជា រឿងដ៏អាម៉ាស ហើយសង្ឃឹមថាភាពតានតឹងនេះនឹងបិទបញ្ចប់ឆាប់ៗ។ គួរបញ្ជាក់ថា ការវាយប្រហាររបស់ឥណ្ឌាលើប៉ាគីស្ថាន កើតមានឡើងបន្ទាប់ពីទីក្រុងញូវដែលីបានចោទថាទីក្រុងអ៉ីស្លាម៉ាបាដថាជាអ្នកគាំទ្រការវាយប្រហារសម្លាប់មនុស្ស ២៦នាក់ ដែលភាគច្រើន លើសលុបជាភ្ញៀវទេសចរឥណ្ឌា នៅក្នុងតំបន់កាស្មៀរប៉ែកគ្រប់គ្រងដោយឥណ្ឌា កាលពីថ្ងៃទី២២ ខែមេសា។ ប៉ុន្តែប៉ាគីស្ថានបានច្រានចោលការចោទប្រកាន់នេះ៕

ភ្នំពេញ ៖ ឯកឧត្តមអភិសន្តិបណ្ឌិត ស សុខា បានថ្លែងជំរុញឱ្យរដ្ឋបាលថ្នាក់ក្រោមជាតិ បន្តផ្តល់សេវាសាធារណៈ ការផ្សព្វផ្សាយព័ត៌មានជូនប្រជាពលរដ្ឋ ការគាំទ្រដល់យន្តការច្រកចេញចូលតែមួយ ការរៀបចំផែនការអភិវឌ្ឍសមត្ថភាពមន្ត្រី ក្រុមប្រឹក្សា និងគណៈអភិបាល ការងារគ្រប់គ្រងសំរាម ការងារចរាចរណ៍ និងដោះស្រាយបញ្ហាប្រឈមនានាជូនប្រជាពលរដ្ឋ ប្រកបដោយប្រសិទ្ធភាព។ ការថ្លែងបែបនេះ ក្នុងឱកាសដែលឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញជាអធិបតីពិធីបិទសិក្ខាសាលាឆ្លុះបញ្ចាំងប្រចាំឆ្នាំ២០២៤ នៃការផ្តល់សេវារដ្ឋបាល តាមយន្តការច្រកចេញចូលតែមួយ និងការសម្រុះសម្រួល ដោះស្រាយបណ្តឹងតាមយន្តការការិយាល័យប្រជាពលរដ្ឋនៅរដ្ឋបាលថ្នាក់ក្រោមជាតិ នាព្រឹកថ្ងៃទី៦ ខែឧសភា ឆ្នាំ២០២៥ នៅសាលប្រជុំអគារ S នៃទីស្តីការក្រសួងមហាផ្ទៃ។ ថ្លែងក្នុងឱកាសនោះដែរ ឯកឧត្តមអភិសន្តិបណ្ឌិត ស សុខា បានគូសបញ្ជាក់ថា កំណែទម្រង់ការផ្ដល់សេវារដ្ឋបាលនៅរដ្ឋបាលថ្នាក់ក្រោមជាតិ ជាការងារអាទិភាពមួយនៅក្នុងការងារកំណែទម្រង់វិមជ្ឈការ និងវិសហមជ្ឈការ ដែលកំណែទម្រង់នេះ ត្រូវមានសង្គតិភាព និងភាពប្រទាក់ក្រឡាគ្នា ជាមួយកំណែទម្រង់នានា របស់រាជរដ្ឋាភិបាលនីតិកាលទី៧ នៃរដ្ឋសភា ក្រោមការដឹកនាំប្រកបដោយភាពឈ្លាសវៃរបស់សម្តេចមហាបវរធិបតី ហ៊ុន ម៉ាណែត រួមមាន៖ កំណែទម្រង់ការគ្រប់គ្រងហិរញ្ញវត្ថុសាធារណៈ កំណែទម្រង់រដ្ឋបាលសាធារណៈ កំណែទម្រង់ច្បាប់ និងកំណែទម្រង់ប្រព័ន្ធយុត្តិធម៌ ខណៈកំណែទម្រង់តាមវិស័យនីមួយៗ ត្រូវគាំទ្រ និងសម្របសម្រួលជួយដល់កំណែទម្រង់ស្នូលទាំង៥ ដើម្បីធានាថាការកែលម្អស្ថាប័នសាធារណៈ ទាំងនៅថ្នាក់ជាតិ Read more

បន្ទាយមានជ័យ ៖ បន្ទាប់ពីមានការបង្ហោះក្លឹបជាវីដេអូចំនួន២ លើបណ្តាញទំនាក់ទំនងហ្វេសប៊ុក បានធ្វើអោយមានការភ្ញាក់ផ្អើល ពេញបណ្តាញសង្គមតែម្តង នៅគោលដៅអនុវត្តចរាចណ៍ ផ្លូវក្នុងភូមិមួយកន្លែងស្ថិតក្នុងភូមិសាស្ត្រស្រុកអូរជ្រៅ ខេត្តបន្ទាយមានជ័យ ។ នៅក្នុងក្លឹបនោះបានរៀបរាប់ថា” មើលកាក់បងប្អូនប្រជាពលរដ្ឋក្នុងភូមិ ប៉ូលីសនៅភូមិអូរជ្រៅ ស្រុកអូរជ្រៅ មកចាប់គេនៅភូមិបណ្តោយនេះ ! មានហើយនេះស្រុកខ្មែរយើងចួបរបស់ពិតហើយ មកកាក់គេនៅភូមិបណ្តោយ កាក់អ្នកភូមិបណ្តោយ ! “ ក្លឹបមួយទៀតបានរៀបរាប់ថា “ បាទនេះប៉ូលីសចាប់នៅជាប់សាលា ផ្លូវភូមិ ផ្លូវចឹងក៏ចាប់ដែរ សុទ្ធតែសិស្ស ចាប់ក្នុងភូមិបណ្តោល ” យ៉ាងណាមិញក៏មានការលេចឮ ថា “សកម្មភាពនេះ នគរាបាលចរាចណ៍ អនុវត្តច្បាប់ចរាចណ៍ផ្លូវគោក នៅលើផ្លូវជាតិលេខ៥ តែនៅក្បែរផ្លូវជាតិលេខ៥ គឺមានផ្លូវលំ ចឹងប្រជាពលរដ្ឋមួយចំនួនដែលមិនបាន គោរពច្បាប់ គាត់ក្លាចគោលដៅ ហើយគាត់បានគិច ពីគោលដៅអនុវត្តលើផ្លូវជាតិលេខ៥ ជិះលើផ្លូវធំ ដែលជាប់ក្បែរផ្លូវជាតិលេខ៥ សមត្ថកិច្ចក៏ចុះពីផ្លូវជាតិលេខ៥ មកណែនាំគាត់ ” ផ្ទុះរឿងនេះ ប្រជាពលរដ្ឋ និងមហាជន រិះគន់ខ្លាំងចំពោះចំណាត់ការ ការអនុវត្តបែបនេះ ដូចជាមើលទៅមិនទំនង មិនធ្លាប់ឃើញក្នុងប្រទេសយើង ធ្លាប់ឃើញតែក្នុងរឿងអប់រំ តែនេះជួបពិត ឃើញពិត ។ អង្គភាពអ្នកសារព័ត៌មានយើងគ្រាន់តែជាកញ្ចក់ឆ្លុះបញ្ចាំងរិះគន់ក្នុងន័យស្ថាបនា និងសូមរង់ចាំការឆ្លើយបំភ្លឺគ្រប់បុគ្គលពាក់ព័ន្ធ Read more

​ភ្នំពេញ ៖ នៅ​ពេល​ចាប់ផ្តើម​និយាយ​រឿងរ៉ាវ​ដែល​ឆ្លងកាត់​ដ៏​ជូរ​ចត់ សម្តេច​តេ​ជោ ហ៊ុន សែន ប្រធាន​ព្រឹទ្ធសភា បាន​ស្រក់​ទឹកភ្នែក​ខណៈ​ពេល​ធ្វើ​បទ​បង្ហាញ​ស្តី​ពី​«​ទស្សនៈ និង​បទ​ពិសោធន៍​នៃ​ការ​កិច្ច​ខិតខំ​កសាង​សន្តិភាព​នៅ​កម្ពុជា​»​នៅ​ប្រទេស​ឥណ្ឌូ​នេ​ស៊ី ។ សម្ដេច​តេ​ជោ ហ៊ុន សែន ស្ថា​និក​នយោបាយ​ឈ្នះ​-​ឈ្នះ និង​ជា​អ្នក​ពន្លត់ភ្លើង​សង្គ្រាមកម្ពុជា​​ដែល​អូស​បន្លាយ​ជា​យូរ​ខែ​ឆ្នាំ​ហើយ ដែល​បច្ចុប្បន្នភាព​ប្រធាន​ព្រឹទ្ធសភា​របស់​កម្ពុជា បាន​មាន​ប្រសាសន៍​​ទាំង​អួល​ដើម​.​ក និង​ស្រក់​ទឹកភ្នែក​នៅ​ចំពោះ​មុខ​ថ្នាក់ដឹកនាំ​អាស៊ាន​នានា​នៅ​ពេល​នឹក​ដល់​រឿងរ៉ាវ​ឈឺចាប់​របស់​ប្រទេស​កម្ពុជា​ដែល​មាន​សង្គ្រាមរ៉ាំរ៉ៃ និង​ពិសេស នៅ​ពេល​សម្ដេច​ធ្វើ​ដំណើរ​ទៅ​ស្វែងរក​ជំនួយ​គាំទ្រ​ពី​ភាគី​វៀតណាម ដើម្បី​ផ្ដួលរំលំ​របប​ខ្មែរក្រហម ។ ថ្លែង​បាឋកថា​ក្នុង​សិក្ខាសាលា​ស្តី​ពី «​ទស្សនៈ​និង​បទ​ពិសោធន៍​នៃ​កិច្ច​ខិតខំ​កសាង​សន្តិភាព​នៅ​កម្ពុជា​»​រៀបចំ​ដោយ​វិទ្យាស្ថាន​សេដ្ឋកិច្ច​អាស៊ាន និង​អាស៊ី​បូព៌ា នៅ​ថ្ងៃ​ទី​៦ ខែឧសភា ឆ្នាំ​២០២៥ នាទី​ក្រុង​ហ្សា​កា​តា ប្រទេស​ឥណ្ឌូ​នេ​ស៊ី សម្ដេច​តេ​ជោ ហ៊ុន សែន បាន​រំលឹក​ថា នៅ​ពេល​ធ្វើ​ដំណើរ​ទៅ​ស្វែងរក​ការ​ជួយ​គាំទ្រ ដើម្បី​ផ្ដួលរំលំ​របប​ខ្មែរក្រហម​ជាមួយ​យុទ្ធ​មិត្ត​នោះ សម្ដេច​ក៏​ធ្លាប់​គិត​ប៉ុង​ធ្វើ​អត្តឃាត​ដោយ​ខ្លួនឯង​ផង​ដែរ នៅ​ពេល​ទៅ​ដល់​ប្រទេស​វៀតណាម ហើយ​វៀតណាម​ចាប់ខ្លួន​សម្ដេច​ប្រគល់​មក​ឲ្យ​ខ្មែរក្រហម​វិញ តាម​រយៈ​ម្ជុល​១២​ដើម ដើម្បី​ចាក់​បំពង់​.​ក ។ សម្តេច​ថា ដោយសារ​តែ​ទ្រាំ​មិន​បានជា​មួយ​ទ​ង្វើ​ឃោរឃៅ​ព្រៃផ្សៃ​របស់​របប​ខ្មែរក្រហម ដែល​កាប់សម្លាប់​មនុស្ស​ជាង​៣​លាន​នាក់​ក្នុង​រយៈពេល​ជាង​៣​ឆ្នាំ សម្ដេច​តេ​ជោ ហ៊ុន សែន ដែល​កាលនោះ​មាន​ឋានៈ​ជា​មេបញ្ជាការ​កងវរសេនាធំ​គ្រប់គ្រង​លើ​កម្លាំង​កងទ័ព​ជាង​២​ពាន់​នាក់ បាន​សម្រេច​ចាកចេញ​ទៅ​ប្រទេស​វៀតណាម ប្រថុយ​ជាមួយនឹង​ជម្រើស​ចុង​ក្រោយ ដើម្បី​រំដោះជាតិ​កម្ពុជា​ឲ្យ​រួច​ផុត​ពី​របប​ប្រល័យពូជសាសន៍ ប៉ុ​ល ពត​។ បើ​តាម​ការ​រៀបរាប់​របស់​សម្ដេច​តេ​ជោ ហ៊ុន សែន ថា នៅ​យប់​ថ្ងៃ​ទី​២០ ខែមិថុនា Read more

កណ្តាល៖ នាព្រឹកថ្ងៃអង្គារ ទី៦ ខែឧសភា ឆ្នាំ២០២៥ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានអញ្ជើញចូលរួមពិធីបើកការដ្ឋានគម្រោងអភិវឌ្ឍន៍ប្រព័ន្ធចម្រោះទឹកកខ្វក់ក្នុងក្រុងតាខ្មៅ ក្រោមក្របខ័ណ្ឌឥណទានសម្បទាន ពីរដ្ឋាភិបាលនៃសាធារណរដ្ឋកូរ៉េ ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និង ឯកឧត្តម ផាក ជុងវុក (PARK Jung-Wook) ឯកអគ្គរដ្ឋទូត នៃសាធារណរដ្ឋកូរ៉េ ប្រចាំព្រះរាជាណាចក្រកម្ពុជា។ ពិធីនេះក៏មានការអញ្ជើញចូលរួមពី ឯកឧត្តម លោកជំទាវ សមាជិក សមាជិកានៃព្រឹទ្ធសភា រដ្ឋសភា និង រាជរដ្ឋាភិបាល ឯកឧត្តម លោកជំទាវដែលជាថ្នាក់ដឹកនាំក្រសួង លោក-លោកស្រី ភ្ញៀវកិត្តិយសជាតិ-អន្តរជាតិ និងបងប្អូនប្រជាពលរដ្ឋជាច្រើនរូបទៀត។ គម្រោងអភិវឌ្ឍន៍ប្រព័ន្ធចម្រោះទឹកកខ្វក់ក្នុងក្រុងតាខ្មៅ ក្រោមឥណទានសម្បទានពីរដ្ឋាភិបាល នៃសាធារណរដ្ឋកូរ៉េ ដែលនឹងត្រូវអនុវត្ត ការសាងសង់ដោយក្រុមហ៊ុនសហអាជីវកម្ម KUMHO-TECHCROSS និងត្រួតពិនិត្យបច្ចេកទេសដោយក្រុមហ៊ុនសហអាជីវកម្ម DOHWA-SEOYOUNG ដែលមានតម្លៃកិច្ច សន្យាសរុបប្រមាណជាង ៩០លានដុល្លារអាម៉េរិក ដោយប្រើប្រាស់រយៈពេលសាងសង់ចំនួន ៣៦ខែ ដោយគ្រោងបញ្ចប់ការសាងសង់នៅក្នុង ឆ្នាំ២០២៧។ គម្រោងនេះ ត្រូវបែងចែកជា២ ផ្នែករួមមាន ១). Read more

ភ្នំពេញ ៖ ប្រទេស​ឡាវ​ដែល​មាន​ប្រព័ន្ធ​ផ្លូវដែក​ត​ភ្ជាប់​ពី​ទីក្រុង​វៀង​ចន្ទ ទៅ​កាន់​ទីក្រុង​គុន​មីង ខេត្ត​យូ​ណា​ន ប្រទេស​ចិន បាន​អនុញ្ញាត​ឱ្យ​កម្ពុជា​ប្រើប្រាស់​ប្រព័ន្ធ​ផ្លូវដែក និង​រថភ្លើង​ល្បឿន​លឿន​ដឹក​ផ​លិ​ផល​ស្វាយ​ទៅ​កាន់​ប្រទេស​ចិន ឬ​ប្រទេស​ទី​៣ ដើម្បី​បើក​ទីផ្សារ​ថ្មី សម្រាប់​ផលិតផល​កសិកម្ម​របស់​កម្ពុជា ។ នេះ​បើ​យោង​តាម​សេចក្តី​ប្រកាស​ព័ត៌មាន​ស្ដី​ពី​លទ្ធផល​នៃ​ដំណើរ​ទស្សនកិច្ច​ផ្លូវការ​របស់​ឯកឧត្តម ឌិ​ត ទីណា រដ្ឋមន្ត្រី​ក្រសួងកសិកម្ម រុក្ខ​ប្រមាញ់​និង​នេសាទ នៅ​សាធារណរដ្ឋ​ប្រជាធិបតេយ្យ​ប្រជា​មានិត​ឡាវ​ចាប់ពី​ថ្ងៃ​ទី​៣០ ខែមេសា ដល់​ថ្ងៃ​ទី​៣ ខែឧសភា ឆ្នាំ២០២៥ ។ ក្រៅពី​ការ​អនុញ្ញាត​ឱ្យ​ប្រើប្រាស់​ប្រព័ន្ធ​ផ្លូវដែក និង​រថភ្លើង​ល្បឿន​លឿន​នេះ ភាគី​ទាំង​ពីរ ក៏​បាន​ឯកភាព​ជំរុញ​កិច្ច​សហប្រតិបត្តិការ​លើ​ការងារ​អាទិភាព​មាន​ដូច​ជា កិច្ច​សហប្រតិបត្តិការ​លើ​ធាតុ​ចូល​កសិកម្ម ជា​ពិសេស ធាតុ​ផ្សំ​នៃ​ជី​កសិកម្ម ដោយ​ផ្តោត​សំខាន់ លើ​ជីប៉ូតាស (potash-based fertilizer), ការ​បន្ត​ពង្រឹង​កិច្ច​សហប្រតិបត្តិការ​ផ្សេង​ៗ​ទៀត លើ​ឆាក​អន្តរជាតិ ក្នុង​វិស័យ​កសិកម្ម ដើម្បី​ផលប្រយោជន៍​រួម នៃ​ប្រទេស​ទាំង​ពីរ​ផង​ដែរ​។ ដំណើរ​ទស្សនកិច្ច​នេះ មាន​គោលបំណង​ពង្រឹង​កិច្ច​សហប្រតិបត្តិការ​លើ វិស័យ​កសិកម្ម​រវាង​ប្រទេស​ទាំង​ពីរ និង​ពិនិត្យ​លទ្ធភាព​ត​ភ្ជាប់​ការ​ផ្គត់ផ្គង់​ធាតុ​ចូល​សម្រាប់​ផលិតកម្ម​ជី​កសិកម្ម​ពី​ឡាវ​មក​កម្ពុជា ។ ក្នុង​កិច្ចប្រជុំ​ទ្វេភាគី​រវាង​ក្រសួងកសិកម្ម រុក្ខា​ប្រមាញ់ និង​នេសាទ​នៃព្រះរាជា​ណាចក្រកម្ពុជា និង​ក្រសួងកសិកម្ម និង​រុក្ខា​កម្ម​នៃ​សាធារណរដ្ឋ​ប្រជាធិបតេយ្យ ប្រជាមានិត​ឡាវ ឯកឧត្តម​រដ្ឋមន្ត្រី​ទាំង​ពីរ​បាន​ពិនិត្យ​ពិភាក្សា​លើ​កិច្ច​សហប្រតិបត្តិការ​ក្រោម​ក្របខ័ណ្ឌ​នៃអនុស្សរណៈ​នៃ​ការ​យោគយល់​គ្នា (MOU) ដែល​ភាគី​ទាំង​ពីរ​បាន​ឯកភាព​គ្នា និង​ចុះហត្ថលេខា​កាលពី​ថ្ងៃ​ទី​៤ ខែធ្នូ ឆ្នាំ​២០២៤ កន្លង​ទៅ​។ ជា​លទ្ធផល​នៃ​កិច្ចប្រជុំ​ភាគី​ទាំង​ពីរ​បាន​ឯកភាព​គ្នា​ជំរុញ​កិច្ច​សហប្រតិបត្តិការ លើ​ការងារ​អាទិភាព​ចំនួន​៣​សំខាន់​ៗ​ដូច​ខាងក្រោម​៖ ១-​កិច្ច​សហប្រតិបត្តិការ​លើ​ធាតុ​ចូល​កសិកម្ម Read more

សម្តេចបវរធិបតី ហ៊ុន ម៉ាណែត នាយករដ្ឋមន្រ្តី នៃកម្ពុជា បានអញ្ជើញជាអធិបតីក្នុងពិធីប្រកាសឱ្យអនុវត្តជាផ្លូវការផែនការជាតិប្រយុទ្ធនឹងជំងឺមហារីកឆ្នាំ២០២៥-២០៣០ នាព្រឹកថ្ងៃទី ៥ ខែឧសភា ឆ្នាំ២០២៥នេះ។ ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល បានថ្លែងថា “ផែនការយុទ្ធសាស្ត្របញ្ចកោណរបស់រាជរដ្ឋាភិបាល នីតិកាលទី៧ នៃរដ្ឋសភា ការធ្វើឱ្យប្រសើរឡើង នូវសុខុមាលភាពរបស់ប្រជាជន គឺជាអាទិភាពទី១ ដោយសារតែគោលនយោបាយរបស់រាជរដ្ឋាភិបាលនីតិកាលទី៧ បានឱ្យអាទិភាពទៅលើមនុស្ស មុនគេ”។ ឯកឧត្តមសាស្រ្តាចារ្យរដ្ឋមន្រ្តីក្រសួងសុខាភិបាល បានថ្លែងបន្តថា “ជំងឺមហារីកគឺជាបន្ទុកដ៏ធំសម្រាប់ បុគ្គលជាអ្នកជំងឺផ្ទាល់ ក្រុមគ្រួសារ បងប្អូន មិត្តភក្ត្រ និងសង្គមជាតិទាំងមូល ដោយហេតុថាជំងឺ មួយនេះអាចធ្វើឱ្យប៉ះពាល់ខ្លាំងទៅលើសក្តានុពល ក៏ដូចជាសេដ្ឋកិច្ចរបស់បុគ្គល ក្រុមគ្រួសារ រួមនិងសេដ្ឋកិច្ចសង្គមជាតិថែមទៀតផង។ ដូច្នេះហើយផែនការយុទ្ធសាស្ត្រជាតិ រួមជាមួយការអនុវត្តច្បាស់លាស់គ្រប់ជ្រុងជ្រោយនឹងជួយឱ្យក្រសួងសុខាភិបាល ក៏ដូចជារាជរដ្ឋាភិបាលអាចសម្រេចបាន នូវការគ្រប់គ្រងជំងឺមហារីកប្រកបដោយប្រសិទ្ធភាព និងស័ក្តិសិទ្ធភាព ក្នុងនោះ រាជរដ្ឋាភិបាលកម្ពុជានឹងលើកកំពស់ការបង្ការបឋម នៃជំងឺមហារីក តាមរយៈអន្តរាគមន៍នានាដើម្បីកាត់បន្ថយកត្តាប្រឈមនៃជំងឺ មហារីក ដែលរួមមានកត្តាសង្គម និងបរិស្ថានផងដែរ”។ ឯកឧត្តមរដ្ឋមន្រ្តីក្រសួងសុខាភិបាល បានបន្តថា “ផែនការប្រយុទ្ធនឹងជំងឺមហារីកនឹងទាមទារតម្រូវការឱ្យមាន៖ក- ការពង្រឹងលើការបង្ការ៖ ដែលអ្នកវិជ្ជាជីវៈសុខាភិបាលត្រូវចូលរួមចំណែកក្នុងការបង្ការបឋមដោយចងក្រង ឯកសារស្តីពីផលប៉ះពាល់ នៃកត្តាខាងក្រៅលើសុខភាព និងជាពិសេសការប្រឈម នឹងហានិភ័យនៃជំងឺមហារីក ដោយជូនព័ត៌មានដល់ប្រជាពលរដ្ឋគួរយល់អំពីប្រធានបទនេះ និងបំភ្លឺតួអង្គផ្សេង Read more