នៅពេល សាធារណជន និងអ្នកសារព័ត៌មានចាប់ផ្ដើម សំណូមពរ រិះគន់ បញ្ចេញមតិជាថ្មីទៀតលើករណីចរាចរណ៍ផ្លូវជាតិលេខ១ ដែលសម្បូរអ្នកបើកបរលឿន វ៉ាជែងក្នុងតំបន់គ្រោះថ្នាក់ ជាពិសេសក្នុងចំណោមក្រុមរថយន្តក្រុងដឹកអ្នកដំណើរភ្នំពេញ-វៀតណាម មានទាំងក្រុមរថយន្តដឹកទំនិញ រហូតដល់អ្នកបើកបរជាលក្ខណៈគ្រួសារ លោកបណ្ឌិត ទូច សុឃៈ អ្នកនាំពាក្យរងក្រសួងមហាផ្ទៃ បានចេញការពន្យល់ដោយបញ្ជាក់ចំៗ ចំពោះការអនុវត្តច្បាប់ ឥរិយាបថនៃការបើកបរ និងក៏បានអំពាវនាវឱ្យប្រជាពលរដ្ឋគិតគូឡើងវិញលើចំណុចអវិជ្ជមានមួយចំនួន។ លោកបណ្ឌិតបានលើកឡើងថា ចំពោះរថយន្តក្រុងភ្នំពេញ-វៀតណាមដែលល្មើសច្បាប់ចរាចរណ៍ផ្លូវគោក សមត្ថកិច្ចចរាចរណ៍ដែលប្រចាំការតាមគោលដៅផ្លូវជាតិលេខ១ តែងបានចាត់វិធានការឃាត់យានល្មើសទាំងនោះ និងបានអប់រំណែនាំធ្វើកិច្ចសន្យាអ្នកបើកបរជាបន្តបន្ទាប់។ លោកបន្តថា «ក្នុងករណីណាដែលសមសមត្ថកិច្ចបានរកឃើញជាក់ស្ដែង ចំពោះអ្នកដែលធ្លាប់ទទួលរងការណែនាំ និងមានកិច្ចសន្យាម្ដងរួមមកហើយនោះ គឺយើងត្រូវអនុវត្តតាមផ្លូវច្បាប់ជាដាច់ខាត។ តែបើសិនជាអ្នកបើកបរនោះថ្មី មិនធ្លាប់ទទួលរងការណែនាំ ឬក៏មិនធ្លាប់មានកិច្ចសន្យាបញ្ឈប់សកម្មភាពមិនប្រក្រតីនោះទេ គឺសមត្ថកិច្ចយើងច្រើនតែផ្តល់ឱកាសណែនាំផ្ដល់កិច្ចសន្យាឱ្យគាត់»។ បើទោះបីជាក្រសួងបានចាត់វិធានការ និងមានសមត្ថកិច្ចជំនាញស្របច្បាប់ ដាក់គោលដៅត្រួតពិនិត្យអនុវត្តច្បាប់យ៉ាងណាក៏ដោយ លោកសង្កេតឃើញថា ប្រជាពលរដ្ឋទូទៅ ទាំងអ្នករត់តាក់ស៊ី ទាំងអ្នកធ្វើដំណើរ ទាំងអ្នកប្រកបការងារ និងធ្វើដំណើរកម្សាន្តនានាហាក់បីដូចជាមិនអើពើ មិនចូលរួមសហការនោះទេ។ លោកបញ្ជាក់ថា «នៅពេលមានមន្រ្តីចរាចរណ៍ ដាក់គោលដៅត្រួតពិនិត្យអនុវត្តច្បាប់ចរាចរណ៍ អ្នកបើកបរដែលពុំពាក់ខ្សែក្រវ៉ាត ពុំមានមួកសុវត្ថិភាព ពុំមានកញ្ចក់ អ្នកបើកបរនិយាយទូរសព្ទក្នុងពេលបើកបរ និងល្មើសច្បាប់ដទៃទៀត ពួកគេមានចាប់ផ្ដើមមានអាកប្បកិរិយាមិនសមរម្យ មិនសហការ និងរិះគន់ វាយប្រហារមកកាន់សមត្ថកិច្ច។ ទន្ទឹមគ្នានោះ នៅពេលដែលមានសមត្ថកិច្ចមិនដាក់កម្លាំងត្រួតពិនិត្យបទល្មើស ពួកគេក៏បានរំលោភបំពានផ្លូវ ដែលនាំឱ្យគ្មានសណ្ដាប់ធ្នាប់តាមដងផ្លូវ និងបង្កឱ្យមានគ្រោះថ្នាក់កើតមានឡើង Read more

បន្ទាយមានជ័យ៖ បុរស ២នាក់ ជិះម៉ូតូទៅដាក់អន្ទាក់កណ្តុរពេលមេឃកំពុងមានភ្លៀងធ្លាក់​ នាំគ្នាទៅជ្រកក្នុងខ្ទមត្រូវរន្ទះបាញ់ស្លាប់ទាំង​ ២នាក់​ នៅល្ងាចថ្ងៃទី១២ ខែឧសភា ឆ្នាំ២០២៥​ជាប់ផ្លូវជាតិលេខ៥៦​ ស្ថិតភូមិខ្លែងពណ៌ ឃុំស្លរក្រាមស្រុក​ ស្វាយចេក។ លោកវរៈសេនីយ៍ឯក ជា ឈ្លូញ អធិការនគរបាលស្រុកស្វាយចេក​ បានឱ្យដឹងថា​ ជនរងគ្រោះដែលរន្ទះបាញ់ស្លាប់​ ២នាក់​ ក្នុងនោះរួមមាន៖​ ១.​ ឈ្មោះ អឹម វណ្ណា ភេទប្រុសអាយុ​៣៨ឆ្នាំ ២.​ ឈ្មោះ អឹម វ៉ាន់ឈី ភេទប្រុសអាយុ​៣៥ឆ្នាំ​ (ត្រូវជាបងប្អូនជីដូនមួយ)​ នឹងគ្នា រស់នៅភូមិកំណប់ ឃុំស្លរក្រាម ស្រុកស្វាយចេក។ លោកបានបញ្ជាក់ថា​ ក្រោយទទួលព័ត៌មានកម្លាំងអធិការដ្ឋាននគរបាលស្រុកស្វាយចេក បានចុះទៅពិនិត្យឃើញថា​ ជនរងគ្រោះ​ ២នាក់​ដែលស្លាប់ក្នុងខ្ទមក្បែផ្លូវជាតិលេខ​ ៥៦​ និងមានម៉ូតូ​ ២គ្រឿង​ ដឹកអន្ទាក់កណ្តុរអាចជនរងគ្រោះទាំង​ ២នាក់​ ទៅរកដាក់អន្ទាក់កណ្តុរហើយពេលភ្លៀងធ្លាក់ចូលជ្រកក្នុងខ្ទមស្រែត្រូវរន្ទះបាញ់ស្លាប់ទាំង២នាក់​ ក្រោយពិនិត្យហើយសាកសពជនរងគ្រោះប្រគល់ជូនសាច់ញាតិ។ លោកវរៈសេនីយ៍ឯក ជា ឈ្លូញ បានបន្តថា​ ក្រោយសាកសួរសាច់ញាតិជនរងគ្រោះទាំង២នាក់ជិះម៉ូតូ២គ្រឿង​ ១គ្រឿងម៉ាក់ហុងដាឌ្រីមសេរីចាស់ និង១គ្រឿងទៀតម៉ាក់វ៉េវសេរីចាស់​ ដែលជិះចេញពីផ្ទះមានឌុបកញ្ឆេដឹកការ៉ុងច្រកអន្ទាក់កណ្តុរ​ ហើយ​ទទួលដំណឹងត្រូវបានរន្ទះបាញ់ស្លាប់ទាំង​ ២នាក់​ បងប្អូនជីដូនមួយពេលនេះត្រូវបានសាច់ញាតិយកគោយន្តទៅដឹកសាកសពមកផ្ទះធ្វើបុណ្យតាមប្រពៃណី៕

ភ្នំពេញ៖ នៅថ្ងៃទី ១២ ខែឧសភា ឆ្នាំ ២០២៥នេះ ក្រសួងសុខាភិបាល បានចេញសេចក្តីជូនដំណឹងដល់សាធារណៈជនឱ្យបានជ្រាបថា ស្ថានភាព នៃការចម្លងវីរុសកូវីដ-១៩ នៅតែបន្តមាននៅឡើយ ហើយចុងក្រោយនេះ គឺពពួកអូមីក្រុងដែលបានបំប្លែងខ្លួនជាបន្តបន្ទាប់ ជាពិសេសពពួកអូមីក្រុងបំប្លែងថ្មីប្រភេទ(JN.1) ដែលរកឃើញដំបូង ក្នុងខែសីហា ឆ្នាំ២០២៣ ហើយបានក្លាយរីករាលដាលយ៉ាងឆាប់រហ័សនៅក្នុងតំបន់ជាច្រើននៅទូទាំងពិភពលោក។ បច្ចុប្បន្ន អង្គការសុខភាព ពិភពលោក បានចាត់ថ្នាក់ថាជា វីរុសស្ថិតក្នុងវ៉ារ្យង់ចំណាប់អារម្មណ៍ ដោយសារតែការរីករាលដាលយ៉ាងឆាប់រហ័ស និងលក្ខណៈជីវសាស្ត្ររបស់វា។ សេចក្តីប្រកាសដដែល បានឱ្យដឹងថា ត្រឹមពាក់កណ្តាលខែមីនា ឆ្នាំ២០២៥ អូមីក្រុងបំប្លែងថ្មីប្រភេទ(JN.1) ត្រូវបានរកឃើញមានជាង១៥ភាគរយនៃករណីជំងឺកូវីដ-១៩ ដែលបានរកឃើញនៅទូទាំងពិភពលោក។ ចំពោះអ្នកឆ្លងអូមីក្រុងបំប្លែងថ្មី (JN.1) នេះ គឺមានរោគសញ្ញាមិនខុសប្លែកគ្នាពី ប្រភេទកូវីដ-១៩ ជំនាន់មុនៗ នោះទេ។ រោគសញ្ញាមានដូចជា គ្រុនក្តៅ ក្អកស្ងួត ឈឺបំពង់ក ហៀរសំបោរ ចង្អោរ និងក្អួត មានភាពស្រដៀងទៅ នឹងជំងឺផ្តាសាយធម្មតា។ ភស្តុតាងជាសកលបច្ចុប្បន្នមិនបង្ហាញថា JN.1 បណ្តាលឱ្យមានជំងឺធ្ងន់ធ្ងរជាង ប្រភេទអូមីក្រុងពីមុននោះទេ។ ទោះជាយ៉ាងណាក៏ដោយ (JN.1) បង្ហាញពីលទ្ធភាពឆ្លងកាន់តែខ្ពស់ ឆ្លងលឿន និងអាចបញ្ជាបចូលប្រព័ន្ធភាពស៊ាំរបស់មនុស្សកាន់តែខ្លាំង ដោយសារការផ្លាស់ប្តូរនៅក្នុងប្រូតេអ៊ីន បង្គោល របស់វីរុស Read more

បន្ទាយមានជ័យ៖ នៅរសៀលថ្ងៃចន្ទ ទី១២ ខែឧសភា ឆ្នាំ២០២៥ ឯកឧត្តម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ បានដឹកនាំក្រុមការងារគណៈបញ្ជាការឯកភាពរដ្ឋបាលក្រុងប៉ោយប៉ែត ចុះពិនិត្យមើលប្រឡាយទឹក នាំយកអេស្ការវ៉ាទ័រ កាយបេីកមុខទឹកតាមប្រឡាយ លូ រំដោះទឹកចេញមកក្រៅក្រុង បញ្ចៀសការស្ទះទឹក ដោយសារទឹកភ្លៀង។ ដោយសារតែកាលពីថ្ងៃទី១០-១១ ខែឧសភា ភ្លៀងធ្លាក់ខ្លាំងបានធ្វើឱ្យក្រុងប៉ោយប៉ែត ស្ទះប្រព័ន្ធលូទឹក បណ្ដាលឱ្យមានការជន់លិចលេីផ្លូវធ្វេីដំណេីរ និងផ្ទះសំបែងរបស់បងប្អូនប្រជាពលរដ្ឋ។  ជាមួយគ្នានោះឯកឧត្តម អ៊ុំ រាត្រី បានដឹកនាំក្រុមការងារក្រុង និងមូនដ្ឋានសង្កាត់ពាក់ព័ន្ធ ប្រជុំរកដំណោះស្រាយ ដោយបានជំរុញទៅដល់គណៈបញ្ជាការឯកភាពក្រុងប៉ោយប៉ែត សំដៅធ្វើយ៉ាងណារកវិធីសាស្ត្រក្នុងការបញ្ចៀសទឹក កុំឱ្យមានការជន់លិចនៅពេលមានភ្លៀង នារដូវវស្សា និងត្រូវធ្វេីការស្តារប្រឡាយ ប្រព័ន្ធ លូ ដេីម្បីបេីកមុខទឹក ឱ្យបានធំ សម្រួលដល់ចរន្តទឹក ហូរបានលឿន នាពេលមានភ្លៀងធ្លាក់ បញ្ចៀសការជន់លិចប៉ះពាល់ដល់ហេដ្ឋារចនាសម្ព័ន្ធ និងទ្រព្យសម្បត្តិប្រជាពលរដ្ឋ។  ជាដំណោះស្រាយ ក្នុងការបញ្ចៀសបញ្ហាជន់លិច ដោយសារទឹកភ្លៀងក្នុងមូលដ្ឋានក្រុងប៉ោយប៉ែត អាជ្ញាធរខេត្ត ក្រុង នឹងសង្កាត់ពាក់ព័ន្ធ បានរៀបចំប្រព័ន្ធលូរំដោះទឹកបន្ទាន់ ចំនួន៣ខ្សែ។ ដោយខ្សែរទី១ ចាប់ពីចំណុចផ្លូវអង់តែន០១៦ សាលាព្រហ្មនិមិត្ត ឆ្ពោះមកផ្លូវជាតិលេខ៥ ខ្សែរទី២ ផ្លូវផ្សារត្រី ឆ្ពោះមកផ្លូវជាតិលេខ៥ ទល់មុខសុធារ៉ាប្តូប្រាក់ ខ្សែរទី៣ Read more

ថ្លែងក្នុងពិធីសំណេះសំណាល និងពិសាអាហារសាមគ្គីជាមួយកម្មករ កម្មការិនី ជាង ២៣០០នាក់ ស្ថិតនៅក្នុងស្រុកកំចាយមារខេត្តព្រៃវែង នារសៀលថ្ងៃទី១២ ខែឧសភា ឆ្នាំ២០២៥ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានលើកឡើងនូវសារៈសំខាន់ នៃកិច្ចការពារសុខសន្តិភាព ដែលប្រជាពលរដ្ឋខ្មែរទូទាំងប្រទេស រួមទាំងបងប្អូនកម្មករ កម្មការិនីត្រូវតែបន្តយកចិត្តទុកដាក់ថែរក្សា ដ្បិតសន្តិភាពបានធ្វើឱ្យប្រទេសកម្ពុជា មានការអភិវឌ្ឍរីកចម្រើន ក្នុងនោះក៏បង្កលក្ខណៈឱ្យអ្នកវិនិយោគ មកបណ្តាក់ទុន បង្កើតរោងចក្រ សហគ្រាស ដូចដែលបងប្អូនកំពុងបំពេញការងារក្នុងរោងចក្រ នៅស្រុកកំចាយមារ នេះស្រាប់។  ភ្ជាប់នឹងការអបអរសាទរទិវាពលកម្មអន្តរជាតិ ឯកឧត្តមអភិសន្តិបណ្ឌិត ស សុខា បានចាត់ទុករោងចក្រ ដែលមាននៅក្នុងមូលដ្ឋានស្រុកកំចាយមារនេះថា ក៏មិនខុសពីរោងចក្រតាមបណ្តាមូលដ្ឋានផ្សេងៗទូទាំងប្រទេសដែរ គឺអាចដំណើរការទៅបានអាស្រ័យដោយប្រទេសជាតិ មានសុខសន្តិភាព និងមានទំនាក់ទំនងល្អជាមួយបណ្ដាប្រទេស ប្រភពទីផ្សារសម្រាប់ការនាំចេញលទ្ធផលពីរោងចក្រនេះយកទៅលក់។ ក្នុងន័យនេះ ឯកឧត្តមអភិសន្តិបណ្ឌិត ឧបនាយករដ្ឋមន្ត្រី បានលើកទឹកចិត្តបងប្អូនកម្មករ កម្មការិនី ខិតខំបំពេញការងារឱ្យបានសកម្ម គោរពតាមលក្ខខណ្ឌ នៃការអនុវត្តការងារស្របទៅតាមច្បាប់ស្តីពីការងារនៃព្រះរាជាណាចក្រកម្ពុជាចូលរួមថែរក្សារាល់សម្ភារៈ និងរាល់មធ្យោបាយបម្រើឱ្យការងារក្នុងរោងចក្រ ក្នុងន័យចាត់ទុករោងចក្រ ប្រៀបបាននឹងផ្ទះបាយ ឬឆ្នាំងបាយរបស់ខ្លួន ពោលគឺកម្មករ និងថៅកែ ត្រូវពឹងអាស្រ័យដល់គ្នាទៅវិញទៅមក។  ខណៈបងប្អូនកម្មករ កម្មការិនី ជាអង្គពិធី ភាគច្រើនមានមូលដ្ឋាននៅជុំវិញតំបន់រោងចក្រនេះស្រាប់ ឯកឧត្តមអភិសន្តិបណ្ឌិត ស សុខាបានលើកទឹកចិត្តដូចគ្នាឱ្យបងប្អូនកម្មករ កម្មការិនីទាំងអស់ នៅពេលវិលត្រឡប់ទៅផ្ទះវិញ ឬសម្រាប់ការធ្វើដំណើរតាមផ្លូវ ទៅមកធ្វើការ សូមបើកបរដោយការគោរពច្បាប់ មានមួកសុវត្ថិភាពពាក់ជាប្រចាំ ចូលរួមប្រព្រឹត្តនូវសកម្មភាពល្អៗក្នុងសង្គម ទប់ស្កាត់ក្មេងទំនើង និងសហការជាមួយអាជ្ញាធរ អនុវត្តគោលនយោបាយភូមិ-ឃុំ-សង្កាត់មានសុវត្ថិភាព ដើម្បីបង្កើតភាពសុខដុម និងការអភិវឌ្ឍក្នុងមូលដ្ឋាន។ ឯកឧត្តម សង្កត់ធ្ងន់ថា សកម្មភាពរួមចំណែកធ្វើអំពើល្អម្នាក់បន្តិចៗ របស់ប្រជាពលរដ្ឋជារួម និងក្នុងនោះក៏មានបងប្អូនកម្មករ កម្មការិនីដែរនោះ គឺជាការបញ្ជាក់អំពីភាពសុខសាន្តជារួម និងលទ្ធផលដ៏ល្អនៃការប្រព្រឹត្តទៅរបស់សង្គមក្នុងព្រះរាជាណាចក្រកម្ពុជាទាំងមូល។  ក្នុងឱកាសនោះដែរ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី និងលោកជុំទាវ កែ សួនសុភី ស សុខា ក៏បានឧបត្ថម្ភថវិកាជូនដល់កម្មករ កម្មការិនី ចំនួន ២ ២២៣នាក់ ក្នុងម្នាក់ៗថវិកា ចំនួន ៤ម៉ឺនរៀល និងកម្មការិនីមានផ្ទៃពោះ ចំនួន ១០១នាក់ ក្នុងម្នាក់ៗថវិកា ចំនួន ១៤ម៉ឺនរៀលផងដែរ៕

ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន នៅព្រឹកថ្ងៃទី១២ ខែឧសភា ឆ្នាំ២០២៥ នេះ ​បានអនុញ្ញាតឱ្យយុវជន ទីវ តារារិទ្ធិ ដែលជាអ្នកផ្សងព្រេងដំបូងគេ និងជាអ្នកជិះកង់ដំបូងគេចេញពីប្រទេសកម្ពុជា ឆ្ពោះទៅទ្វីបអឺរ៉ុប ដើម្បីរៃអង្គាសថវិកាជួយដល់មន្ទីរពេទ្យកុមារអង្គរ និងមន្ទីរពេទ្យគន្ធបុប្ផា ក្នុងគោលបំណងបង្ហាញពីដំណើេបសកកម្មរបស់ខ្លួនដោយឆ្លងកាត់ជាង ១៥ប្រទេស នៅលើតម្រាយផ្លូវជាង ២ម៉ឺនគីឡូម៉ែត្រ។ ក្នុងជំនួបនេះឯកឧត្តម នេត្រ ភក្ត្រា បានផ្តល់អនុសាសន៍ណែនាំមួយចំនួនដល់យុវជន ទីវ តារារិទ្ធិ ព្រមទាំងបានលើកចិត្តឱ្យបន្តបំពេញបេសកកម្មមនុស្សធម៌របស់ខ្លួនបន្ថែមទៀត នៅក្នុងស្មារតី និងបុព្វហេតុជួយសង្គ្រោះកុមារកម្ពុជា ដែលមកទទួលការព្យាបាលជំងឺនៅមន្ទីរពេទ្យកុមារគន្ធបុប្ផាព និងមន្ទីរពេទ្យកុមារអង្គរ។ ភ្ជាប់ជាមួយគ្នានេះដែរ ឯកឧត្តម រដ្ឋមន្ត្រី នេត្រ ភក្ត្រា បានប្រកាសធ្វើសន្និសីទសារព័ត៌មានស្តីពីដំណើរបេសកកម្មជិះកង់របស់យុវជន ទីវ តារារិទ្ធិ នៅថ្ងៃទី១៦ ខែឧសភា ឆ្នាំ២០២៥ ខាងមុខនេះ ដើម្បីបើកបង្ហាញឱ្យសារព័ត៌មានជាតិ និងអន្តរជាតិ អាចចោទជាសំណួរផ្សេងៗទៅយុវជន តារារិទ្ធិ ពាក់ព័ន្ធនឹងបញ្ហានានាដែលបានជួបប្រទះនៅក្នុងដំណើរបេសកកម្មមនុស្សធម៌ជិះកង់ឆ្ពោះទៅទ្វីបអឺរ៉ុប ដើម្បីរៃអង្គាសថវិកាជួយដល់មន្ទីរពេទ្យកុមារអង្គរ និងមន្ទីរពេទ្យគន្ធបុប្ផានេះ សម្រាប់បន្តផ្សព្វផ្សាយជូនដល់សាធារណរជន សប្បុរសជននានាបានដឹងកាន់តែច្បាស់ចំពោះបេសកកម្មដ៏វែងឆ្ងាយរបស់យុវជន ទីវ តារារិទ្ធិ ចំពោះបុព្វហេតុកុមារកម្ពុជា។ បើតាមយុវជន ទីវ តារារិទ្ធិ បានឱ្យដឹងថា មកដល់ថ្ងៃទី៣០ Read more

ភ្នំពេញ៖ ក្រសួងអប់រំ យុវជន និងកីឡា នៅរសៀលថ្ងៃទី១២ ខែឧសភា ឆ្នាំ២០២៥នេះ បានបង្ហាញពីឆានែលតេឡេក្រាមផ្លូវការរបស់ខ្លួន ដើម្បីឱ្យសាធារណជន និងសិស្សានុសិស្សទទួលបានព័ត៌មានសំខាន់ថ្មីៗជុំវិញវិស័យអប់រំ ក៏ដូចជាការប្រឡងសញ្ញាបត្រមធ្យមសិក្សាទុតិយភូមិ ឆ្នាំ២០២៥។ ក្រសួងអប់រំបានឱ្យដឹងតាមរយៈផេកហ្វេសប៊ុកផ្លូវការរបស់ខ្លួនថា ដើម្បីទទួលបានព័ត៌មានសំខាន់ថ្មីៗជុំវិញវិស័យអប់រំ និងការប្រឡងបាក់ឌុប សម័យប្រឡង៖ ១៨ សីហា ២០២៥ សូមចុចនូវតំណភ្ជាប់តេឡេក្រាមដែលក្រសួងបានដាក់នៅលើផេកហ្វេសប៊ុកផ្លូវការរបស់ខ្លួន(https://t.me/moeysnews, https://linktr.ee/moeyscambodia #telegram #BacII2025)។ គួរបញ្ជាក់ជូនដែរថា ឆ្នាំ២០២៥នេះការប្រឡងសញ្ញាបត្រមធ្យមសិក្សាទុតិយភូមិ ត្រូវក្រសួងអប់រំសម្រេចបង្ខិតពេលមកប្រឡងនៅថ្ងៃទី១៨-១៩ ខែសីហា ឆ្នាំ២០២៥ ជំនួសខែតុលាវិញ។ ចំពោះការបង្ខិតពេលនេះ លោក ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ បានពន្យល់ថា ដើម្បីទុកឱកាសដល់បេក្ខជនអាចមានពេលវេលាដាក់ពាក្យ ឬអាហារូបករណ៍ទៅរៀននៅបរទេសបាន។ សូមរម្លឹកថា ការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) សម័យប្រឡង៖ ០៨ តុលា ២០២៤ មានបេក្ខជនចុះឈ្មោះប្រឡងសរុប ១៣៧.០៤០នាក់ ក្នុងនោះស្រី ៧៤.៨៨២នាក់ ចំណែកមណ្ឌលប្រឡងមានសរុប២៣០មណ្ឌល ត្រូវជា៥.៥៣៣បន្ទប់។ ចំណែកលទ្ធផលនៃការប្រឡង គឺមានបេក្ខជនប្រឡងជាប់ជាង១សែននាក់ ស្មើនឹង៧៩% ក្នុងនោះបេក្ខជនជាប់និទ្ទេសAចំនួន ២២១៦នាក់ និទ្ទេសBមាន ៩៧០១នាក់ និទ្ទេសCមាន ២២.៦៧៥នាក់ Read more

បន្ទាយមានជ័យ: ដោយអនុវត្តបទបញ្ជាលោកនាយឧត្ដមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស សម្រាប់ត្រៀមឈរផែន និងព្យុះហយាត្រាដើម្បីចូលរួមពិធីសម្ភោធដាក់ ឱ្យប្រើប្រាស់នៅ មជ្ឈមណ្ឌលហ្វឹកហ្វឺន កងរាជអាវុធហត្ថភ្នំជុំសែនរីករាយ និងប្រារព្ធខួបលើកទី៣២ ទិវាកងរាជអាវុធហត្ថ ។ នៅព្រឹកថ្ងៃចន្ទ ទី១២ ខែឧសភា ឆ្នាំ២០២៥នេះ លោកឧត្ដមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត បានអញ្ជើញត្រួតពិនិត្យនិងសំណេះសំណាលជាមួយសិក្ខាកាម កំពុងហ្វឹកហាត់សម្រាប់ត្រៀមឈរផែន និងព្យុះហយាត្រាដើម្បីចូលរួមពិធីសម្ភោធដាក់ឱ្យប្រើប្រាស់នៅ មជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំសែនរីករាយ និងប្រារព្ធខួបលើកទី៣២ ទិវាកងរាជអាវុធហត្ថ (១៤.កក្កដា.១៩៩៣-១៤.កក្កដា.២០២៥)នាពេលខាងមុខ។ ក្នុងឱកាសនោះលោកឧត្តមសេនីយ៍ត្រីមេបញ្ជាការបានមានប្រសាសន៍ផ្ដាំផ្ញើដល់កម្លាំងទាំទងអស់ត្រូវគោរពវិន័យ គោរពបទបញ្ជា និងត្រូវខិតខំយកអស់កម្លាំងកាយចិត្តក្នុងការហ្វឹកហាត់ ពិសេសយកចិត្តទុកដាក់ក្នុងការថែទាំសុខភាព។ ក្នុងនោះដែរលោកឧត្តមសេនីយ៍ត្រីមេបញ្ជាការក៏បានផ្ដល់ជូនឯកសណ្ឋានប្រយុទ្ធទឹកប៊ិក១កំប្លេរ និងអាវយឺតចំនួន១ សម្រាប់សិក្ខាកាមចំនួន២៤២នាក់ផងដែរ៕

នៅព្រឹកថ្ងៃចន្ទ ទី១២ ខែឧសភា ឆ្នាំ២០២៥ នេះ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រៃវែង បានជាអធិបតីពិធីបើកការដ្ឋានស្ថាបនាផ្លូវក្រាលកៅស៊ូ ប្រភេទ DBST ប្រវែង ១៨ ៣៤០ម៉ែត្រ នៅភូមិព្រីង ឃុំក្រាងស្វាយ ស្រុកព្រះស្តេច ខេត្តព្រៃវែង។ ផ្លូវក្រាលកៅស៊ូ ប្រភេទ DBST ប្រវែង ១៨ ៣៤០ម៉ែត្រ ដែលបានបើកការដ្ឋានស្ថាបនានេះ មានទីតាំងចាប់ពីផ្លូវជាតិលេខ១ (ត្រង់គីឡូម៉ែត្រលេខ៨៣+៣០០) ស្ថិតនៅក្នុងឃុំក្រាំងស្វាយ កាត់ឃុំសេនារាជឧត្តម ដល់ឃុំបន្ទាយចក្រី នៃស្រុកព្រះសម្តេច ដោយត្រូវចំណាយពេលវេលាស្ថាបនាពី ៦ខែ ទៅ ៨ខែ ទើបរួចរាល់។ ការបើកការដ្ឋានស្ថាបនាផ្លូវកៅស៊ូប្រភេទ DBST នេះដែរ ក៏ជាតឹកតាំងថ្មីបន្ថែមទៀត ដែលបង្ហាញពីការប្តេជ្ញាចិត្តរបស់រាជរដ្ឋាភិបាលនីតិកាលទី៧ ក្រោមការដឹកនាំប្រកបដោយភាពឈ្លាសវៃរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងការបន្តលើកកម្ពស់កម្រិតជីវភាពរស់នៅរបស់បងប្អូនប្រជាពលរដ្ឋ នៅតាមមូលដ្ឋាន ស្របទៅតាមការអភិវឌ្ឍរីកចម្រើន នៃសេដ្ឋកិច្ចជាតិ ជាពិសេសឆ្លើយតបទៅនឹងយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាល ខណៈដែលកម្ពុជាយើងបាន និងកំពុងធ្វើដំណើរយ៉ាងស្វាហាប់ឆ្ពោះទៅកាន់ចក្ខុវិស័យឆ្នាំ២០៥០ ពោលគឺក្លាយជាប្រទេស ដែលមានប្រាក់ចំណូលកម្រិតខ្ពស់៕

អាវុធហត្ថរាជធានីភ្នំពេញ បើកការស្រាវជ្រាវករណីគ្រឿងញៀន អស់រយៈពេលជាច្រើនថ្ងៃ រហូតពន្លាតដែនដី ទៅសហការណ៍ជាមួយ កម្លាំងអាវុធហត្ថខេត្តស្វាយរៀង និងកម្លាំងការិយាល័យ ប្រឆាំងគ្រឿងញៀន នៃស្នងការដ្ឋានស្រាវជ្រាវនិងបង្ក្រាបបទល្មើស កងរាជអាវុធហត្ថលើផ្ទៃប្រទេស ។ ក្នុងថ្ងៃទី០៥ ទី០៦ ខែឧសភា ឆ្នាំ២០២៥ បានការឆែកឆេរបីទីតាំង ជាបន្តបន្ទាប់ រកឃើញថ្នាំញៀន ប្រភេទក្រាមពណ៌សថ្លា សរុបចំនួន ០៤កញ្ចប់ (ធំតូច) ស្មើនឹង ២គីឡូ ៦ខាំ ៩២.៧០ក្រាម , ដប់កែច្នៃសម្រាប់ប្រើប្រាស់គ្រឿងញៀនចំនួន ០១, ថង់សម្រាប់ច្រកគ្រឿងញៀន រួមនឹងសម្ភារមួយចំនួនទៀត និងធ្វើការឃាត់ខ្លួនជនសង្ស័យចំនួន ០២នាក់ ឈ្មោះ ឡេង វាសនា ហៅក្រៅតឿ ភេទប្រុស អាយុ២៣ឆ្នាំ ស្នាក់នៅភូមិក្បាលកោះ សង្កាត់ព្រែកឯង ខណ្ឌច្បារអំពៅ រាជធានីភ្នំពេញ និង ឈ្មោះ សេង គឹមសៀង ហៅសៀង ភេទប្រុស អាយុ១៨ឆ្នាំ ស្នាក់នៅភូមិសំរោង ឃុំមុខដា ស្រុករមាសហែក ខេត្តស្វាយរៀង។ បច្ចុប្បន្នជនសង្ស័យទាំង០២នាក់ រួមនឹងវត្ថុតាង ត្រូវបានកម្លាំងជំនាញការិយាល័យប្រឆាំងបទល្មើសគ្រឿងញៀន នៃកងរាជអាវុធហត្ថរាជធានីភ្នំពេញ កសាងសុំណុំរឿងបញ្ជូនទៅតុលាការ ដើម្បីធ្វើការផ្តន្ទាទោសតាមច្បាប់៕

នៅព្រឹកថ្ងៃអាទិត្យ ១៥កើត ខែពិសាខ ឆ្នាំម្សាញ់ សប្តស័ក ព.ស ២៥៦៨ ត្រូវនឹងថ្ងៃទី១១ ខែឧសភា ឆ្នាំ២០២៥ នេះ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងលោកជំទាវ ជាតំណាងដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីពិធីបុណ្យវិសាខបូជា ។ ពិធីបុណ្យវិសាខបូជា សម្រាប់ឆ្នាំ២០២៥​ បានប្រារព្ធធ្វើឡើងនៅភ្នំព្រះរាជទ្រព្យ (ឧត្តុង្គ) ស្ថិតក្នុងស្រុកពញាឮ ខេត្តកណ្តាល​ ក្រោមអធិបតីភាព លោកឧបនាយករដ្ឋមន្ត្រី ស សុខា និងលោកជំទាវ កែ សួនសុភី ដោយមានការអញ្ជើញចូលរួមពី​ លោកជំទាវ ញ៉ែម សាខន ស ខេង ព្រមទាំងថ្នាក់ដឹកនាំក្រសួងមហាផ្ទៃ ប្រារព្ធកិច្ចបដិបត្តិតាមគន្លងព្រះពុទ្ធសាសនា និងប្រពៃណីទំនៀមទម្លាប់ខ្មែរ​ នៅព្រឹកថ្ងៃទី១១ ខែឧសភា ឆ្នាំ២០២៥។ លោកឧបនាយករដ្ឋមន្រី្ត ស សុខា​ និងលោកជំទាវ លោកជំទាវសម្តេចក្រឡាហោម ព្រមទាំងថ្នាក់ដឹកនាំក្រសួងមហាផ្ទៃ បានអញ្ជើញរាប់បាត្រ ដោយមានការចូលរួមពីព្រះសង្ឃជាច្រើនអង្គនៅទីតាំងប្រារព្ធពិធីបុណ្យផងដែរ។​ វិសាខបូជា គឺជាបុណ្យដ៏ធំមួយក្នុងព្រះពុទ្ធសាសនា​ ដែលប្រទេសកម្ពុជាបានចាត់ទុកជាបុណ្យជាតិ។ ជាងនេះទៀតប្រទេសជិត២០០​ ដែលជាសមាជិកនៃអង្គការសហប្រជាជាតិបានអនុម័ត​ Read more

បន្ទាយមានជ័យ៖ មេឃក្តៅហួតហែង ក៏មានភ្លៀងកក់ខែយ៉ាងខ្លាំងមួយមេ ធ្វើឱ្យចរន្ធទឹកហូរអត់ទាន់ក៏បណ្តាលអោយជនលិចផ្ទះសំបែងប្រជាពលរដ្ឋ នឹងផ្លូវសំខាន់ៗ ពេញក្រុងតែម្តង ។ តាមសេចក្តីរាយកាណ៍ ពេលនេះភ្លៀងបានធូថយហើយ តែទឹកនៅតែមិនទាន់ស្រកទេ ។ យ៉ាងណាចំពោះអាជ្ញាធរដែនដីនៅទីនោះ កំពុងដុតដៃ ដុតជើង ជួយប្រជាពលរដ្ឋ នឹងខ្លះ ស្តាតាមបណ្តាមាត់លូសំខាន់ៗ ។ បើតាមការផ្សាយផ្ទាល់របស់លោកបណ្ឌិត ប៉ាន់ខែម ប៊ុនថន មានប្រសាសន៍ថា “កាយនៅភ្នំពេញ ចិត្តនៅប៉ោយប៉ែត ” ។ លោកបណ្ឌិត បានណែនាំ អាជ្ញាធរ នឹង បានអំពាវនាវដល់បងប្អូនប្រជាពលរដ្ឋទាំងអស់មេត្តាជួយ ៖ – ពិនិត្យមើលមុខឌីហ្គាលូ តាមមុខផ្ទះរៀងៗខ្លួន ប្រសិនបើឃើញស្ទះសំរាម ជួយយកចេញផង ។– រថយន្តតូចធំ សូមមេត្តាបើកបរ ដោយល្បឿនយឺតៗ ចៀសវាងមានលលកទឹកចូលក្នុងគេហដ្ឋាន ឬប៉ះពាល់ដល់អ្នកដទៃ។– អ្នកមានរថយន្តដឹកទំនិញធំៗ ធ្ងន់ៗ ផ្អាកការបើកបរមួយរយៈ រហូតដល់ផ្លូវស្ងួត ចៀសវាងស្រុតផ្លូវ ។– ទុកដាក់ទ្រព្យសម្បត្តិ ជាពិសេសឯកសារសំខាន់ៗឲ្យបានល្អ ។– ប្រុងប្រយ័ត្នសត្វចង្រៃគ្រប់ប្រភេទចូលក្នុងផ្ទះ ។ គួរបញ្ជាក់ផងដែរ លោកបណ្ឌិត ប៉ាន់ខែម ប៊ុនថន លោកជាប្រធានក្រុមការងាររាជរដ្ឋាភិបាលចុះមូលដ្ឋានក្រុងប៉ោយប៉ែត គេតែងឃើញលោកសកម្មណាស់ចុះផ្ទាល់រឿងហេតុផ្សេងៗ Read more

យោងតាមរបាយការណ៍របស់អគ្គនាយកដ្ឋានអត្តសញ្ញាណកម្មក្រសួងមហាផ្ទៃ នាថ្ងៃចន្ទសប្ដាហ៍ក្រោយនេះ មន្ត្រីអត្តសញ្ញាណកម្មនឹងប្រគេនអត្តសញ្ញាណបណ្ណសញ្ជាតិខ្មែរ ជូនព្រះសង្ឃគង់នៅវត្តនិគ្រោធវ័ន (គល់ទទឹង) រួមទាំងអាចារ្យ តាជី យាយជី សរុបចំនួន៧០អង្គ/នាក់។ ការប្រគេន និងផ្ដល់ជូននេះបានធ្វើឡើង បន្ទាប់ពីអគ្គនាយកដ្ឋាន បានចាត់មន្រ្តីជំនាញចុះផ្ដល់សេវាធ្វើអត្តសញ្ញាណបណ្ណប្រគេន ព្រះសង្ឃចំនួន១២៨អង្គ និងគណកម្មការវត្ត៣២នាក់នៅវត្តគល់ទទឹង កាលពីពេលថ្មីនេះ។ បើតាមរបាយការណ៍ដដែល នៅមានព្រះសង្ឃ និងគណកម្មការវត្ត ចំនួន ៩០អង្គ/នាក់ទៀត ដែលមន្ត្រីបាននិងកំពុងស្នើសុំឯកសារពាក់ព័ន្ធ។ កាលពីព្រឹកថ្ងៃទី២៧ ខែមេសា ឆ្នាំ២០២៥ ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម និងថ្នាក់ដឹកនាំ ព្រមទាំងមន្រ្តីជំនាញ បានសហការជាមួយស្នងការដ្ឋាននគរបាលរាជធានីភ្នំពេញ និងកម្លាំងប៉ុស្ដិ៍នគរបាលរដ្ឋបាលមូលដ្ឋាន ចុះពិនិត្យដំណើរការចុះបំពេញបែបបទផ្ដល់អត្តសញ្ញាណបណ្ណសញ្ជាតិខ្មែរ ប្រគេនព្រះសង្ឃនៅក្នុងវត្តនិគ្រោធវ័ន (គល់ទទឹង) ស្ថិតនៅភូមិកោះក្របី សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ។ សូមបញ្ជាក់ថា ក្រៅពីការចុះចល័តផ្ដល់សេវាតាមគោលដៅ ប្រជាពលរដ្ឋដែលត្រូវការស្នើសុំសេវាអត្តសញ្ញាណប័ណ្ណសញ្ជាតិខ្មែរ អាចនិមន្ត និងអញ្ជើញទៅទីតាំងដែលអាចស្នើសុំសេវាបាន រួមមាន នាយកដ្ឋានអត្តសញ្ញាណបណ្ណសញ្ជាតិខ្មែរ នៃអគ្គនាយកដ្ឋានអត្តសញ្ញាណកម្ម ស្ថិតនៅសង្កាត់និរោធ ខណ្ឌច្បារអំពៅ រាជធានីភ្នំពេញ នៅផ្សារទំនើបអ៊ីអន២សែនសុខ ឬផ្សារទំនើបអ៊ីអនម៉លមានជ័យ  និងនៅតាមបណ្ដាប៉ុស្ដិ៍នគរបាលរដ្ឋបាលឃុំ-សង្កាត់ អធិការដ្ឋាននគរបាលក្រុង ស្រុក ខណ្ឌ Read more

បើគិតត្រឹមដើមខែឧសភា ឆ្នាំ២០២៥នេះ គម្រោងសាងសង់ស្ពានឆ្លងកាត់ទន្លេមេគង្គខេត្តក្រចេះ សម្រេចលទ្ធផល ៩៤,១០% ខណៈដែលគម្រោងទាំងមូលរួមមាន៖ គម្រោងសាងសង់ស្ពានឆ្លងកាត់ទន្លេមេគង្គខេត្តក្រចេះប្រវែង ១៧៦១ម៉ែត្រ, ផ្លូវមេតភ្ជាប់មានប្រវែងសរុប១៥,៤៩០ គ.ម (ផ្លូវមេតភ្ជាប់ត្រើយខាងកើតប្រវែង ៧,៦៨៤គ.ម និងត្រើយខាងលិចប្រវែង ៧,៨០៦គ.ម) និងផ្លូវខ្នែងមានចំនួន៤ខ្សែ ប្រវែងសរុប ១៦,២០៨ គ.ម សម្រេចលទ្ធផល ៦៩,៩១%។ បើគ្មានការប្រែប្រួលទេ ស្ពានឆ្លងកាត់ទន្លេមេគង្គខេត្តក្រចេះ អាចនឹងបើកឱ្យប្រជាពលរដ្ឋធ្វើដំណើរឆ្លងកាត់បណ្តោះអាសន្ន នៅកំឡុងខែកញ្ញា ឆ្នាំ២០២៥ខាងមុខនេះ។ ជាការពិតណាស់ ផ្លូវ ស្ពាន គឺជាសរសៃឈាមនៃសេដ្ឋកិច្ចជាតិ និងជាអាទិភាពគន្លឹះទី២ ក្នុងចំណោមអាទិភាពគន្លឹះទាំង៥ “មនុស្ស ផ្លូវ ទឹក ភ្លើង និងបច្ចេកវិទ្យា” នៃយុទ្ធសាស្ត្របញ្ចកោណដំណាក់កាលទី១ ដោយក្នុងកិច្ចការអាទិភាពទី២ នៃបញ្ចកោណទី២ គឺការលើកកម្ពស់ការតភ្ជាប់ និងការបង្កើនប្រសិទ្ធភាពនៃវិស័យដឹកជញ្ជូន។ គម្រោងស្ពាន និងផ្លូវតភ្ជាប់នេះ គឺជាគម្រោងយុទ្ធសាស្រ្តមួយដ៏សំខាន់សម្រាប់ការតភ្ជាប់ទំនាក់ទំនង និងជាក្តីសង្ឃឹមរវាងប្រជាពលរដ្ឋដែលរស់នៅត្រើយខាងកើត និងប្រជាពលរដ្ឋដែលរស់នៅត្រើយខាងលិច ទាំងការតភ្ជាប់តំបន់ដាច់ស្រយាលនៅភូមិភាគឦសាន មកកាន់ទីប្រជំជន។ គម្រោងនេះគឺជាផ្នែកមួយនៃផ្លូវជាតិលេខ ៦០B តភ្ជាប់ពីខេត្តក្រចេះ ទៅខេត្តកំពង់ធំ ដែលមានភាពប្រទាក់ក្រឡាគ្នាជាមួយផ្លូវជាតិសំខាន់ៗ ដូចជាត្រើយខាងលិចតភ្ជាប់ផ្លូវជាតិលេខ៦ ត្រង់ផ្លូវបំបែកកំពង់ថ្ម កំពង់ធំ ឆ្ពោះទៅកាន់ខេត្តសៀមរាប និងតភ្ជាប់តាមរយៈផ្លូវខេត្តលេខ២៧៩ ឆ្ពោះទៅកាន់ខេត្តកំពង់ចាម ចំណែកឯត្រើយខាងកើតវិញនោះ Read more

ក្នុងយុគសម័យនៃភាពជឿនលឿនក្នុងវិស័យបច្ចេកវិទ្យានាពេលបច្ចុប្បន្ននេះ អ្នកប្រើប្រាស់បច្ចេកវិទ្យាភាគច្រើនប្រហែលជាស្គាល់ឬធ្លាប់លឺពីពាក្យ Data ឬ ទិន្នន័យ។  Data ឬ ទិន្នន័យ គឺជាព័ត៌មាននានាដែលទទួលបានការសង្កេត វាស់វែង ស្រាវជ្រាវ ឬការវិភាគជាដើម។ សព្វថ្ងៃនេះ Data ឬទិន្នន័យ បានក្លាយជារឿងដ៏សំខាន់មួយដែលបុគ្គល ក្រុមហ៊ុន ឬស្ថាប័ននានាបាននាំគ្នាយកចិត្តទុកដាក់ក្នុងការប្រមែប្រមូល រក្សាទុកនិងធានាសុវត្ថិភាព ដោយសារវាអាចជាព័ត៌មានសំខាន់ ឬរសើបសម្រាប់ឯកជនភាពបុគ្គល ក្រុមហ៊ុន ឬស្ថាប័នទាំងនោះ។ប្រសិនបើData ឬ ទិន្នន័យ  ត្រូវបានរងការវាយប្រហារ ឬលួចយក នោះឯកជនភាពបុគ្គល ក្រុមហ៊ុន ឬស្ថាប័នមួយ អាចនឹងប្រឈមហានិភ័យនៃការខូចខាត ឬរអាក់រអួលទៅតាមកម្រិតនៃសារៈសំខាន់របស់ទិន្នន័យទាំងនោះ។  ឧទាហរណ៍ដូចជាទិន្នន័យស្តីពីដំណើរការនៃអាជីវកម្មជាដើម,   ប្រសិនបើព័ត៌មានបែបនេះត្រូវបានបាត់បង់ ហើយធ្លាក់ទៅក្នុងដៃអាជីវកម្មដែលជាគូរប្រជែង នោះអាជីវកម្មដែលជាម្ចាស់ទិន្នន័យ អាចនឹងរងការខាតបង់ដោយប្រការនានា ដូចជា ការបាត់បង់អតិថិជន ការប៉ះពាល់ដល់ដំណើរការអាជីវកម្ម និងការបាត់បង់ចំណុចពិសេស ឬសំខាន់ៗនៃអាជីវកម្មរបស់ខ្លួនជាដើម។  ក្រៅពីពាក្យ Data ឬ ទិន្នន័យ នៅមានពាក្យស្រដៀងនេះមួយទៀត​ដែលអ្នកប្រើប្រាស់បច្ចេកវិទ្យាភាគច្រើនក៏ប្រហែលជាធ្លាប់បានស្គាល់ ឬលឺពីវាផងដែរ។ នោះគឺ Database។ តើអ្វីទៅជា  Database? បន្ទាប់ពីបានបកស្រាយអត្ថន័យនៃពាក្យ Data ឬ ទិន្នន័យ ក្រុមការងារនៃនាយកដ្ឋានផ្សព្វផ្សាយអប់រំ នៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ក្រសួងមហាផ្ទៃ សូមលើកយកនិយមន័យពាក្យ Database និងមុខងាររបស់វាមកធ្វើការចែករំលែកដើម្បីជាការស្វែងយល់ពី​មូលដ្ឋាននៃដំណើរការទិន្នន័យក្នុងប្រព័ន្ធបច្ចេកវិទ្យា។ Database ឬមានន័យ​ជាភាសាខ្មែរថាជា <<មូលដ្ឋានទិន្នន័យ>> ដែលវាគឺជាសំណុំទិន្នន័យដែលត្រូវបានចងក្រង និងរក្សាទុកនៅក្នុងកុំព្យូទ័រ ហើយវាអាចត្រូវបានដំណើរការដោយប្រើប្រាស់ប្រព័ន្ធផ្ទុកទិន្នន័យ ឬ Database Management System (DBMS)។ DBMS ផ្តល់ឱ្យអ្នកប្រើប្រាស់នូវមុខងារក្នុងការទាញយក ដំណើរការ រៀបចំ និងវិភាគសំណុំទិន្នន័យជាលក្ខណៈទ្រង់ទ្រាយធំ និងស្មុគស្មាញ។ វាមានសមត្ថភាពអាចសិក្សា និងវិភាគទិន្នន័យក្នុងទម្រង់ជាច្រើន ហើយផ្តល់ឱ្យអ្នកប្រើប្រាស់នូវភាពងាយស្រួលក្នុងការទាញយក និងដំណើរការទិន្នន័យទាំងនោះក្នុងគោលបំណងណាមួយប្រកបដោយភាពងាយស្រួល និងឆាប់រហ័ស។ ជាធម្មតាក្រុមហ៊ុន ឬស្ថាប័ននានាភាគច្រើនបានបង្កើតប្រព័ន្ធផ្ទុកទិន្នន័យផ្ទៃក្នុងរៀងៗខ្លួន ដើម្បីធ្វើការគ្រប់គ្រងព័ត៌មាននានា ជាពិសេសព័ត៌មានសំខាន់ ឬព័ត៌មានរសើប និងដើម្បីធានាថាព័ត៌មាន ឬទិន្នន័យទាំងនោះត្រូវបានរក្សាទុកដោយសុវត្ថិភាព និងមិនអាចលួចយកឬដំណើរការដោយមជ្ឈដ្ឋានខាងក្រៅនោះទេ។ ការងារថែរក្សាដំណើរការ និងសុវត្ថិភាពប្រព័ន្ធផ្ទុកទិន្នន័យ ជាទូទៅត្រូវបានអនុវត្តដោយក្រុមការងារព័ត៌មានវិទ្យា ឬសន្តិសុខព័ត៌មានវិទ្យា។ ក្រុមហ៊ុន ឬស្ថាប័នមួយ ត្រូវការក្រុមការងារព័ត៌មានវិទ្យា ឬសន្តិសុខព័ត៌មានវិទ្យាដែលខ្លាំង ដើម្បីធានាការការពារពីការវាយប្រហារលើប្រព័ន្ធបច្ចេកវិទ្យា ជាពិសេសគឺប្រព័ន្ធផ្ទុកទិន្នន័យ ឬ Database Management System នេះតែម្តង៕