សម្ដេចបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា បានគូសបញ្ជាក់ថា អ្នកសារព័ត៌មានត្រូវប្រកាន់ខ្ជាប់និងអនុវត្តជាប្រចាំនូវក្រមសីលធម៌ចំនួន៣ រួមមាន៖ សុក្រឹត្យភាព សុចរិតភាព និងទំនួលខុសត្រូវ។ នៅក្នុងពិធីសំណេះសំណាល និងពិសាភោជនាហារសាមគ្គី ជាមួយអ្នកសារព័ត៌មានលើកទី៧ ឆ្នាំ២០២៥ នៅល្ងាចថ្ងៃទី៣ ខែឧសភា ឆ្នាំ២០២៥ សម្ដេចបវរធិបតី ហ៊ុន ម៉ាណែត បានថ្លែងថា ការផ្សព្វផ្សាយព័ត៌មានដែលមានសុក្រឹត្យភាព ត្រូវប្រាសចាកព័ត៌មានក្លែងក្លាយ ព័ត៌មានមិនគ្រប់ជ្រុងជ្រោយ ដែលអាចបង្កការយល់ច្រឡំដល់ប្រជាពលរដ្ឋ ផ្ទុយមកវិញត្រូវផ្សព្វផ្សាយនូវអ្វីដែលជាការ ពិតដើម្បីធ្វើជាស្ពានចម្លងពីរាជរដ្ឋាភិបាលទៅប្រជាពលរដ្ឋ និងពីប្រជាពលរដ្ឋទៅកាន់រាជរដ្ឋាភិបាល ដើម្បីចាត់វិធានការដោះស្រាយទាន់ពេលវេលា។ សម្ដេចបវរធិបតី ហ៊ុន ម៉ាណែត បានគូសបញ្ជាក់ថា អ្នកសារព័ត៌មាន ក៏ត្រូវមានសុចរិតភាព ពោល គឺផ្សព្វផ្សាយនូវអ្វីដែលត្រឹមត្រូវដោយគ្មានការមួលបង្កាច់បង្ខូចកិត្តិយសអ្នកដទៃ ជាពិសេសអ្នក សារព័ត៌មានមិនត្រូវយកអាជីពរបស់ខ្លួនទៅប្រព្រឹត្តអំពើគំរាមកំហែងទារប្រាក់ដើម្បីផលប្រយោជន៍ ខ្លួនឯងនោះឡើយ។ សម្ដេចបវរធិបតី ហ៊ុន ម៉ាណែត ក៏បានគូសបញ្ជាក់ថា អ្នកសារព័ត៌មាន ក៏ត្រូវមានទំនួលខុសត្រូវខ្ពស់ពោលគឺទំនួលខុសត្រូវចំពោះសង្គមជាតិ និងទំនួលខុសត្រូវចំពោះអ្នកទទួលព័ត៌មាន ហើយក្នុងករណីដែលផ្សាយមានកំហុសដោយប្រការណាមួយ ត្រូវសុំទោសនិងកែតម្រូវ ដោយធានាបាននូវយុត្តិធម៌សម្រាប់អ្នកទទួលព័ត៌មានផង និងយុត្តិធម៌សម្រាប់ភាគីពាក់ព័ន្ធផង៕

នាយកដ្ឋាន​ប្រយុទ្ធ​នឹង​ជំងឺ​របស់​ប្រទេស​ថៃ (DDC) នៅ​ថ្ងៃ​ទី​១ ខែឧសភា ឆ្នាំ​២០២៥​នេះ បាន​ប្រកាស​ករណី​ពលរដ្ឋ​ម្នាក់​ស្លាប់ ដោយសារ​ជំងឺ​អង់​ត្រាក់ (Anthrax) ឬ​ជំងឺ​ពិសធ្យូង ក្នុងស្រុក​ដុន​តាន់ (Don Tan) ខេត្ត​មុ​ក​ដា​ហាន (Mukdahan) តំបន់​ភាគ​ឦសាន​ប្រទេស​ថៃ ពាក់ព័ន្ធ​នឹង​ការ​ទទួលទាន និង​ចែកចាយ​សាច់​គោ​នៅ​ក្នុង​ពិធីបុណ្យ​សាសនា​មួយ ខណៈ​ដែល​មនុស្ស​សរុប ២៤៧​នាក់​កំពុង​តែ​ស្ថិត​ក្រោម​ការ​តាមដាន​។ នេះ​បើ​តាម​ប្រភព​ពី​សារព័ត៌មាន​ថៃ The Nation បាន​ចេញផ្សាយ​។ លោក​វេជ្ជបណ្ឌិត Phanumat Yannawetsakun អគ្គនាយក DDC បាន​ប្រកាស​ថា ពលរដ្ឋ​ម្នាក់​បាន​ស្លាប់​ដោយសារ​ជំងឺ​អង់​ត្រាក់​ក្នុង​ខេត្ត​ដូច​បាន​រៀបរាប់​ខាងលើ​។ ជន​រង​គ្រោះជា​កម្មករ​សំណង់​ភេទ​ប្រុស អាយុ​៥៣​ឆ្នាំ ជាប់​មាន​ជំងឺ​ទឹកនោមផ្អែម​ប្រចាំ​កាយ​។ លោក​បាន​បន្ត​ថា អ្នកជំងឺ​បាន​កើត​ដំបៅ​នៅ​ដៃស្តាំ កាលពី​ថ្ងៃ​ទី​២៤ ខែមេសា ហើយ​បាន​ចូល​សម្រាក​ព្យាបាល​នៅ​មន្ទីរពេទ្យ នៅ​ថ្ងៃ​ទី​២៧ ខែមេសា​។ ទោះ​យ៉ាងណា​ក៏​ដោយ រោគ​សញ្ញា​អ្នកជំងឺ​កាន់តែ​អាក្រក់​ទៅ​ៗ មុខរបួស​ប្រែជា​ខ្មៅ ហើម​កូនកណ្តុរ​នៅ​ក្រោម​ក្លៀក​ខាងស្តាំ សន្លប់​បាត់ស្មារតី និង​ប្រកាច់ មុន​ស្លាប់​អំឡុង​ពេល​ព្យាបាល​។ ភ្លាម​ៗ​វេជ្ជបណ្ឌិត​សង្ស័យ​ថា​ជា​ជំងឺ​អង់​ត្រាក់ ហើយ​បាន​បញ្ជូន​សំណាក​ទៅ​កាន់​មន្ទីរពិសោធន៍​នៅ​នាយកដ្ឋាន​វិទ្យាសាស្ត្រ​វេជ្ជសាស្ត្រ និង​វិទ្យាស្ថាន Bamrasnaradura ។ ការ​ធ្វើតេស្ត​បាន​បញ្ជាក់​ពី​ការ​ឆ្លង​បាក់តេរី Bacillus Anthracis​។ ការ​ស៊ើបអង្កេត​ជំហាន​ដំបូង​បាន​បង្ហាញ​ថា សត្វ​គោមួយ​ក្បាល​ត្រូវ​បាន​សំលាប់ អំឡុង​ពេល​ពិធីបុណ្យ​សាសនា​មួយ ហើយ​សាច់​ក្រោយមក​ត្រូវ​បាន​ចែករំលែក និង​បរិភោគ​នៅ​ក្នុងភូមិ​។ Read more

បន្ទាយមានជ័យ៖ ក្រោមម្លប់នៃសន្តិភាព ដែលបានមកដោយនយោបាយ ឈ្នះឈ្នះ របស់សម្តេចតេជោ ហ៊ុន សែន អតីតនាយករដ្ឋមន្រ្តី សព្វថ្ងៃជាប្រធានព្រឹទ្ធសភា នៃព្រះរាជាណាចក្រកម្ពុជា និងស្ថិតក្រោមការដឹកនាំប្រកបដោយថាមពល ស្វាហាប់ ឈ្លាសវៃ និងចក្ខុវិស័យច្បាស់លាស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ធ្វើឱ្យប្រទេសកម្ពុជា មានការអភិវឌ្ឍរីកចម្រើនជាបន្តបន្ទាប់ ជាពិសេសខេត្តបន្ទាយមានជ័យ មានការអភិវឌ្ឍលើគ្រប់វិស័យ និងមានភាពសុខដុមរម្យនាក្រោមដំបូលដ៏ត្រជាក់ នៃសុខសន្តិភាព ដែលកម្ពុជាពុំធ្លាប់មានអស់រយៈពេលជាយូរលង់មកហើយ។  នេះបេីតាមប្រសាសន៍លេីកឡេីងរបស់ ឯកឧត្ដម អ៊ុំ រាត្រី អភិបាល នៃ គណៈអភិបាលខេត្ត អញ្ជើញជាអធិបតី អបអរសាទរទិវាពលកម្មអន្តរជាតិ ១ ឧសភាឆ្នាំ២០២៥ ខួប អនុស្សាវរីយ៍លើកទី១៣៩ ក្រោមប្រធានបទ “រួមគ្នាដើម្បីការងារសមរម្យ និងកំណើនប្រកបដោយចីរភាព និងភាពធន់”ប្រារព្ធ ធ្វើឡើង នៅសាលប្រជុំ ធំ សាលាខេត្តបន្ទាយមានជ័យ នាព្រឹកថ្ងៃព្រហស្បតិ៍ ទី០១ ខែឧសភា ឆ្នាំ ២០២៥។ ឯកឧត្តម អ៊ុំ រាត្រី ក៏បានបញ្ជាក់ថា ជាការពិតណាស់ដោយកត្តា “សន្តិភាព” បានធ្វេីឱ្យវិស័យការងារ និងបណ្តុះបណ្តាលវិជ្ជាជីវៈ មានសមិទ្ធិផលជាផ្លែផ្កាយ៉ាងច្រើនដែលបងប្អូន Read more

ភ្នំពេញ៖ ក្នុងទិសដៅជំរុញទំនាក់ទំនងកម្ពុជា-វៀតណាមឱ្យកាន់តែរីកចម្រើនឥតឈប់ឈរថ្នាក់ដឹកនាំទាំងពីរ កម្ពុជា-វៀតណាម គាំទ្របន្តជំរុញការផ្លាស់ប្តូរទស្សនកិច្ចគ្រប់កម្រិត និងបានឯកភាពលើសំណើរបស់សម្តេចតេជោចំពោះគំនិតផ្តួចផ្តើមយន្តការកិច្ចប្រជុំ៣+៣ ដែលជាកិច្ចប្រជុំកំពូលកម្ពុជា-វៀតណាម-ឡាវ ដោយមានការចូលរួមរបស់ប្រធានគណបក្សទាំងបី ប្រធានសភាទាំង៣ និងនាយករដ្ឋមន្ត្រីទាំង៣។ នេះជាការបញ្ជាក់របស់សេចក្តីប្រកាសព័ត៌មានស្តីពី លទ្ធផលនៃដំណើរទស្សនកិច្ចរបស់សម្តេចតេជោ ហ៊ុន សែន ក្នុងឱកាសចូលរួមខួបអនុស្សាវរីយ៍លើកទី៥០ នៃទិវារំដោះភាគខាងត្បូង និងបង្រួបបង្រួមជាតិវៀតណាម នៅទីក្រុងហូជីមិញ សាធារណរដ្ឋសង្គមនិយមវៀតណាម ដែលបានប្រព្រឹត្តទៅពីថ្ងៃទី២៩ ដល់ថ្ងៃទី៣០ ខែមេសា ឆ្នាំ២០២៥។ សេចក្ដីប្រកាសព័ត៌មានបានឱ្យដឹងទៀតថា នៅក្នុងឱកាសទស្សនកិច្ចសម្ដេចតេជោបានជួបពិភាក្សាការងារទ្វេភាគីជាមួយលោក តូ ឡឹម អគ្គលេខាធិការបក្សកុម្មុយនីស្តវៀតណាម លោក ជិន ថាញ់មិន ប្រធានរដ្ឋសភាវៀតណាម និងលោក ផាម មិញជិញ នាយករដ្ឋមន្ត្រីវៀតណាម។ នៅក្នុងជំនួបខាងលើ សម្តេចតេជោបានសម្តែងនូវអំណរសាទរយ៉ាងកក់ក្ដៅបំផុតចំពោះការប្រារព្ធទិវាជាប្រវត្តិសាស្ត្ររបស់វៀតណាម។ ហើយក្នុងគ្រានោះដែរ ថ្នាក់ដឹកនាំវៀតណាមក៏បានរម្លឹកអំពីការរួមចំណែកដ៏ថ្លៃថ្លាមិនអាចកាត់ថ្លៃបានរបស់កម្ពុជា ក្នុងការជួយឧបត្ថម្ភគាំទ្រ និងជ្រោមជ្រែងដល់កងទ័ព និងប្រជាជនវៀតណាមក្នុងបុព្វហេតុរំដោះ និងបង្រួបបង្រួមជាតិ ដែលជាមូលដ្ឋានគ្រឹះសម្រាប់វៀតណាមសម្រេចបាននូវសមិទ្ធផលយ៉ាងធំធេងក្នុងការរក្សាសន្តិភាព ការកសាងនិងអភិវឌ្ឍជាតិឱ្យមានការរីកចម្រើនលើគ្រប់វិស័យដូចបច្ចុប្បន្ន។ សេចក្ដីប្រកាសដដែលបានគូសបញ្ជាក់ទៀតថា ភាគីទាំងពីរបានសម្តែងនូវការពេញចិត្តចំពោះការចុះហត្ថលេខាលើកិច្ចសម្របសម្រួលជំរុញពាណិជ្ជកម្មទ្វេភាគីសម្រាប់អនុវត្តឆ្នាំ២០២៥-២០២៦ និងការបង្កើតគណៈកម្មាធិការពាណិជ្ជកម្មចម្រុះ ដើម្បីបង្កើនទំហំពាណិជ្ជកម្មឱ្យដល់គោលដៅ២០ពាន់លានដុល្លារអាម៉េរិកនាពេលប៉ុន្មានឆ្នាំដ៏ខ្លីខាងមុខនេះ។ ក្រៅពីនេះក៏មានកិច្ចសហការលើវិស័យសំខាន់ៗផ្សេងទៀត រួមមាន៖ ការពារជាតិ សន្តិសុខ វិនិយោគ ថាមពល បច្ចេកវិទ្យា សុខាភិបាល អប់រំ ការបណ្តុះបណ្តាលវិជ្ជាជីវៈ ទេសចរណ៍ Read more

បន្ទាប់ពីបញ្ចប់បេសកកម្មនៅសាធារណរដ្ឋសង្គមនិយមវៀតណាម ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្រ្តីក្រសួងមហាផ្ទៃ បានអញ្ជើញជាអធិបតីក្នុងពិធីសម្ពោធដាក់ឱ្យប្រើប្រាស់ជាផ្លូវការអគារហ្វឹកហាត់ និងសម្ពោធសមិទ្ធផលនានារបស់ក្លិបបាល់ទះស្នងការដ្ឋាននគរបាលខេត្តស្វាយរៀង នារសៀលថ្ងៃទី៣០ ខែមេសា ឆ្នាំ២០២៥។ មានប្រសាសន៍នាឱកាសនោះ ឯកឧត្តមអភិសន្តិបណ្ឌិត បានលើកឡើងអំពីគោលការណ៍នៃការពង្រឹងធនធានមនុស្សក្នុងក្របខ័ណ្ឌនគរបាលជាតិ ដោយឯកឧត្តមអភិសន្តិបណ្ឌិត ស សុខា បានណែនាំដល់ថ្នាក់ដឹកនាំគ្រប់អង្គភាពនៃស្នងការដ្ឋាននគរបាលខេត្តស្វាយរៀង ផ្ដល់ការលើកទឹកចិត្តគាំទ្របង្កលក្ខណៈងាយស្រួលដល់កងកម្លាំងនគរបាល ដែលបានទទួលការអប់រំ បណ្តុះបណ្តាល ទាំងក្នុងនិងក្រៅប្រទេស ឱ្យបានទទួលតួនាទី និងមុខតំណែងស័ក្តិសមនឹងសមត្ថភាព ដើម្បីផ្តល់ការលើកទឹកចិត្តដល់ពួកគេ ដែលបានចំណាយពេលវេលាចាកឆ្ងាយពីគ្រួសារ និងខិតខំសិក្សារៀនសូត្ររហូតទទួលបានជោគជ័យ។ ឯកឧត្តមអភិសន្តិបណ្ឌិត ឧបនាយករដ្ឋមន្ត្រី ក៏បានណែនាំឱ្យគ្រប់អង្គភាពទាំងអស់ ត្រូវជ្រើសរើសឱ្យបានស័ក្តិសមសម្រាប់មន្ត្រីដែលត្រូវទៅទទួលការបណ្ដុះបណ្ដាលទាំងក្នុង និងក្រៅប្រទេស ជៀសវាងមន្ត្រីដែលទៅដល់មិនគោរពវិន័យបានល្អ ឬទៅដល់មានបញ្ហាសុខភាព កាយសម្បទាមិនមាំទាំ ដែលមិនសាកសមសម្រាប់ការសិក្សារៀនសូត្រ និងហ្វឹកហាត់។ ជាមួយគ្នានេះ ឯកឧត្តមអភិសន្តិបណ្ឌិត ស សុខា ក៏បានផ្តល់ការណែនាំថា ជាចាំបាច់ទន្ទឹមនឹងការខិតខំសិក្សារៀនសូត្រ គឺមន្ត្រីដែលទៅទទួលការបណ្ដុះបណ្ដាល ត្រូវតែខំគោរពឱ្យបាននូវវិន័យ ហើយព្យាយាមបង្កើតនូវទំនាក់ទំនងឱ្យបានល្អ ជាមួយនឹងមន្ត្រីដែលជាសិក្ខាកាមដូចគ្នា ក្នុងន័យផ្លាស់ប្តូរបទពិសោធ ចំណេះជំនាញ និងមានទំនាក់ទំនងល្អក្នុងការងារ។ ពីវេទិកាធិបតីនោះដែរ ឯកឧត្តមអភិសន្តិបណ្ឌិត ក៏បានផ្តល់ការណែនាំដល់នគរបាល នៃស្នងការដ្ឋាននគរបាលខេត្តស្វាយរៀង និងក៏ដូចគ្នាក្នុងក្របខ័ណ្ឌទូទាំងប្រទេស ត្រូវតែបន្តតម្កល់ជាអាទិភាពលើការងារគ្រប់គ្រងសន្តិសុខ និងសណ្ដាប់ធ្នាប់សាធារណៈ ដើម្បីផ្តល់ភាពកក់ក្តៅជូនប្រជាពលរដ្ឋ និងបង្កលក្ខណៈដល់បរិយាកាសនៃការអភិវឌ្ឍសេដ្ឋកិច្ច និងសង្គមជាតិ។ Read more

ភ្នំពេញ ៖ អនុវត្ត​តាម​បញ្ជា​ផ្ទាល់​របស់​លោក​ឧត្តមសេនីយ៍ឯក ជួន ណា​រិ​ន្ទ អគ្គស្នងការ​រង និង​ជា​ស្នងការ​នគរបាល​រាជធានី​ភ្នំពេញ កម្លាំង​អធិការដ្ឋាន​នគរបាល​ខណ្ឌដង្កោ បាន​ឃាត់ខ្លួន​ជនសង្ស័យ​០១​នាក់ ដែល​បានកា​ប់ស​ម្លា​ប់​បងថ្លៃ​ស្រី បណ្តាល​ឲ្យ​ស្លា​ប់ ។ ករណី​ឃា​​ត​កម្ម​ខាងលើ​នេះ បាន​កើតឡើង​វេលា​ម៉ោង​២០​និង​៣០​នាទី​នៅ​ថ្ងៃ​ទី​២៩ ខែមេសា ឆ្នាំ​២០២៥ ស្ថិត​នៅ​ចំណុច​ផ្ទះ​គ្មាន​លេខ ផ្លូវ​បេតុង ភូមិ​ខ្វា សង្កាត់​ដង្កោ ខណ្ឌដង្កោ រាជធានី​ភ្នំពេញ ។ បើ​តាម​ក្រុមការងារ​ព័ត៌មាន និង​ប្រតិកម្ម​រហ័ស នៃ​ស្នងការដ្ឋាន​នគរបាល​រាជធានី​ភ្នំពេញ បានអោយ​ដឹង​ថា ជន​រង​គ្រោះ​មានឈ្មោះ វ៉ា ស្រី​និ​ច ភេទ​ស្រី អាយុ​ប្រហែល​៣០​ឆ្នាំ មុខរបរ​កម្ម​ការ​នី​រោងចក្រ ស្នាក់​នៅផ្ទះ​កើតហេតុ​ខាងលើ ។ ក្រុមការងារ​ព័ត៌មាន និង​ប្រតិកម្ម​រហ័ស បានអោយ​ដឹង​បន្ត​ថា ជនសង្ស័យ​ដែល​នគរបាល​ឃាត់ខ្លួន​ឈ្មោះ ចិន ចាន់​ចំណាប់ ភេទ​ប្រុស អាយុ ២៩​ឆ្នាំ មុខរបរ​មិន​ពិតប្រាកដ ស្នាក់​នៅផ្ទះ​កើតហេតុ​ខាងលើ​។ (​ត្រូវជា​ប្អូនថ្លៃ​ជន​រង​គ្រោះ​) ។ កម្លាំង​សមត្ថកិច្ច ឃាត់ខ្លួន​ជនសង្ស័យ​បាន​នៅ​វេលា​ម៉ោង ២១​និង​៥៥​នាទី ថ្ងៃខែ​ឆ្នាំ​ដដែល ។ ក្រុមការងារ​ព័ត៌មាន និង​ប្រតិកម្ម​រហ័ស បាន​ឲ្យ​ដឹង​ទៀត​ថា មុន​ពេល​កើតហេតុ ជន​រង​គ្រោះ​(​ស​.​ព​) បាន​ដឹក​កូនស្រី​ចេញពី​បុរី​មក​ផ្ទះ ពេល​មក​ដល់​ផ្ទះ​ជន​រង​គ្រោះ​បានឱ្យ​កូន​ទៅ​ម្ដាយក្មេក Read more

កំពង់ស្ពឺ៖​ កម្លាំងអាវុធហត្ថខេត្តកំពង់ស្ពឺ សហការមួយកម្លាំងអាវុធហត្ថ​ ខេត្តព្រះសីហនុ​ បានធ្វើការឡោមព័ទ្ធភូមិគ្រឹះមួយកន្លែង ដែលស្ថិតនៅចំណុចភូមិផ្សារស្លាបលែង ឃុំស្វាយរំពា ស្រុកបសេដ្ឋ ខេត្តកំពង់ស្ពឺ ដោយបានឃាត់ខ្លួនមនុស្ស​ ៤នាក់​ ជាមេក្លោង​ និងដកហូតគ្រឿងញៀន​១៦១កញ្ចប់ រថយន្តសេរីទំនើប​ ២គ្រឿង។ នេះបើយោងតាមការឱ្យដឹងពី​ លោកឧត្តមសេនីយ៍ត្រី ម៉េង ស្រ៊ុន មេបញ្ជាការកងរាជអាវុធហត្ថ​ ខេត្តកំពង់ស្ពឺ​ នារសៀលថ្ងៃទី២៩ ខែមេសា ឆ្នាំ២០២៥។ លោកឧត្តមសេនីយ៍ត្រី ម៉េង ស្រ៊ុន បានឱ្យដឹងថា កម្លាំងការិយាល័យប្រឆាំងគ្រឿងញៀន ដឹកនាំដោយលោកវរសេនីយ៍ត្រី ទឹម ស៊ី នាយការិយាល័យប្រឆាំងគ្រឿងញៀន រួមនឹងកម្លាំងមូលដ្ឋានកងរាជអាវុធហត្ថស្រុកបរសេដ្ឋ ខេត្តកំពង់ស្ពឺ​ ដឹកនាំដោយលោកវរសេនីយ៍ត្រី ស៊ូ ប៊ុនរឿន សហការជាមួយកម្លាំងកងរាជអាវុធហត្ថខេត្តព្រះសីហនុ ដឹកនាំដោយ លោកវរសេនីយ៍ត្រី ឡុង គឹមហួរ នាយការិយាល័យប្រឆាំងគ្រឿងញៀន​ ខេត្តព្រះសីហនុ បានធ្វើការពន្លាតសមត្ថកិច្ចដែនដី ធ្វើការបង្ក្រាបនិងឃាត់ខ្លួនជនសង្ស័យចំនួន​ ៤នាក់(ស្រី០២)​ ក្នុងករណីរក្សាទុក ជួញដូរ ចែកចាយដោយខុសច្បាប់នូវសារធាតុញៀន។ លោកមេបញ្ជាការ​ បានបញ្ជាក់ថា​ ជនសង្ស័យទាំង៤នាក់ដែលសមត្ថកិច្ចបានឃាត់ខ្លួន​ ឈ្មោះ ឌា រ៉ានី ភេទប្រុស អាយុ៤០ឆ្នាំ ជនជាតិខ្មែរឥស្លាម មុខរបរលក់ដូរ Read more

ភ្នំពេញ​៖ សម្តេច​បវរ​ធិ​បតី ហ៊ុន ម៉ា​ណែ​ត នាយក​រដ្ឋមន្ត្រី​នៃ​កម្ពុជា​បាន​គូសបញ្ជាក់​ថាបើ​គិត​ពី​ឆ្នាំ​៨០​ជាង​មក​ទល់​ពេល​បច្ចុប្បន្ន នៅ​មាន​ភូមិ​ស្រុក​ណាមួយ គ្មាន​ការ​អភិវឌ្ឍ​សោះសម្តេច​​មិន​ជឿ​សោះឡើយ ហើយ​ហ៊ាន​ភ្នាល់ មិនបាច់​ធ្វើ​នាយក​រដ្ឋមន្ត្រី​ទៀត​ក៏​បាន​ដែរ ប្រសិនបើ​មាន​ភូមិ​ស្រុក​មិន​មានការ​អភិវឌ្ឍ​អ្វី​សោះ​ ។ ការ​លើក​ឡើង​របស់​សម្តេច​បវរ​ធិ​បតី​ក្នុង​ឱកាស​អញ្ជើញ​ជា​អធិបតី​ក្នុង​ពិធី​សម្ពោធ​បើក​ឱ្យ​ប្រើ​ប្រាស់​​ជា​ផ្លូវការ​ផ្លូវជាតិ​សរុប​៣​ខ្សែ មាន​ដូច​ជា​ផ្លូវជាតិ​លេខ​៣១ ផ្លូវជាតិ​លេខ​៣៣ និង​ផ្លូវជាតិ​លេខ​៤១ ក្រោម​ឥណទាន​សម្បទាន ពី​រដ្ឋាភិបាល​នៃ​សាធារណរដ្ឋ ប្រជាមានិត​ចិន ស្ថិត​នៅ​ភូមិ​ស្ទឹង ឃុំ​អូរ​សារាយ ស្រុក​ត្រាំកក់ ខេត្តតាកែវ នា​ព្រឹក​ថ្ងៃ​ទី​២៩ ខែមេសា ឆ្នាំ​២០២៥ ​។ សម្តេច​បវ​​ធិ​បតី ហ៊ុន ម៉ា​ណែ​ត បាន​គូសបញ្ជាក់​ថា​៖ «​ក្នុង​៤០​ឆ្នាំ​មកនេះ កា​រវិ​ភិ​វ​ឌ្ឍន៍​អ្នក​ណា​ថា​កន្លែង​នេះ​(​ខេត្តតាកែវ​) ក្រ​ទៅ​ៗ ខ្ញុំ​ហ៊ាន​ភ្នាល់ រើស​គ្រប់​ខេត្ត​ទៅ ឱ្យទៅ​កន្លែង​ណា​ក៏​ដោយ ទៅ​ចង្អុលបង្ហាញ​ឱ្យ​ខ្ញុំ ភូមិ​ណា​ក៏​ដោយនៅ​ខេត្តតាកែវ​ឥឡូវនេះ ស្រុក​ណា​ក៏​ដោយ នៅ​ខេត្តតាកែវ​ឱ្យមក​ចង្អុល​ឱ្យ​ខ្ញុំ​មើល បើ​ប្រៀបធៀប​ពី​ជំនាន់​៨០ មក​ឥឡូវ​គ្មាន​ការ​រីក​ចម្រើន ខ្ញុំ​គិត​ថា យើង​មិនបាច់​ធ្វើ​នាយក​រដ្ឋ មន្ត្រី​ទៀត​ក៏​បាន​ដែរ»​។ ជាមួយ​គ្នា​នោះ​ដែរ​ សម្តេច​បវរ​ធិ​បតី​បាន​គូសបញ្ជាក់​ថា ពិត​ណាស់​ តម្រូវការ​នៅ​តែ​មាន ប៉ុន្តែ​ប្រសិនបើ​គិត​ថា កម្ពុជា​រីក​ចម្រើន​តែ​នៅ​ភ្នំពេញ កន្លែង​ផ្សេង​ទៀត​គ្មាន​ការ​អភិវឌ្ឍ​សោះតែ​ម្តងឬ​ភូមិ​ណាមួយ​គ្មាន​ការ​អភិវឌ្ឍ​សោះ​នោះ សម្តេច​មិន​ជឿ​ឡើយ​៕ ​

បន្ទាយមានជ័យ៖ អគាររដ្ឋបាលថ្មីស្រឡាងរបស់រដ្ឋបាលក្រុងសិរីសោភ័ណ ត្រូវបានសាងសង់រួចរាល់ជាស្ថាពរ និងដាក់សម្ពោធឱ្យប្រើប្រាស់ជាផ្លូវការ នៅថ្ងៃអង្គារ ទី២៩ ខែមេសា ឆ្នាំ២០២៥។ ពិធីដាក់សម្ពោធឱ្យប្រើប្រាស់ជាផ្លូវការនេះ ប្រារព្ធ ឡើង ក្រោមអធិបតីភាពឯកឧត្តម ប្លែក វ៉ារី ប្រធានក្រុមប្រឹក្សាខេត្ត ឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ ព្រមទាំងមានការចូលរួមពីថ្នាក់ដឹកនាំមន្ត្រីរាជការ មន្ទីរ អង្គភាពពាក់ព័ន្ធ បានចូលរួមយ៉ាងច្រើនកុះករប្រារព្ធធ្វើនៅបរិវេណសាលាក្រុងសិរីសោភ័ណ។ នាឱកាសនោះ ឯកឧត្ដម អ៊ុំ រាត្រី សម្តែងនូវក្តីសោមនស្សរីករាយយ៉ាងក្រៃលែង និងសាទរជាមួយមន្រ្តីរាជការ នៃសាលាក្រុងសិរីសោភ័ណ ដែលបានអគាររដ្ឋបាល ជាសមិទ្ធិផលថ្មីដ៏ធំធេងមួយ ក្រោមជំនួយឧបត្ថម្ភរបស់រាជរដ្ឋាភិបាលកម្ពុជា។ ក្នុងនោះឯកឧត្តម លើកទឹកចិត្តដល់មន្រ្តីរាជការគ្រប់អង្គភាព កងកម្លាំងគ្រប់ផ្នែក វិស័យឯកជន សង្គមស៊ីវិល អាជ្ញាធរមូលដ្ឋានគ្រប់ថ្នាក់ និងបងប្អូនប្រជាពលរដ្ឋ បន្តប្រឹងប្រែរួមគ្នាបន្ថែមទៀត ក្នុងការចូលរួមអភិវឌ្ឍន៍លើគ្រប់វិស័យតាមតួនាទីភារកិច្ចរៀងៗខ្លួន ជាពិសេសអភិវឌ្ឍន៍ធនធានមនុស្ស (យុវជន) ដើម្បីកាត់បន្ថយភាពក្រីក្រឱ្យកាន់តែរួមតូចជាអតិបរិមា និងឈានទៅលុបបំបាត់ទាំងស្រុងនាពេលខាងមុខ។ ទន្ទឹមនឹងការទទួលបាននូវ អគាររដ្ឋបាលថ្មីដែលបាននឹងកំពុងសម្ភោធដាក់ឱ្យប្រើប្រាស់ជាផ្លូវការ ឯកឧត្ដម បានធ្វើការណែនាំ ដល់ថ្នាក់ដឹកនាំជំរុញការថែទាំអគារ និងទ្រព្យសម្បត្តិ ឱ្យបានល្អ គង់វង្សសម្រាប់ការប្រើប្រាស់បានយូរអង្វែង និងប្រកបដោយស្មារតីទទួលខុសត្រូវខ្ពស់ ជំរុញការផ្តល់សេវាជូនប្រជាពលរដ្ឋប្រកបដោយគុណភាព តម្លាភាពគណនេយ្យភាព និងប្រសិទ្ធភាព ត្រូវបង្កើនការខិតខំបំពេញការងារ Read more

ឯកឧត្ដមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នារសៀលថ្ងៃទី២៨ ខែមេសា ឆ្នាំ២០២៥នេះ បានអញ្ជើញជួបសំណេះសំណាលជាមួយសិក្ខាកាមជាមន្ត្រីក្រសួងមហាផ្ទៃ ទាំងមន្ត្រីនគរបាល និងមន្ត្រីពន្ធនាគារ កំពុងសិក្សានៅតាមបណ្តាសាលាបណ្តុះបណ្តាលនគរបាល ចំណុះក្រសួងនគរបាលវៀតណាម ដែលមាននៅភាគខាងត្បូងប្រទេស។ ពិធីសំណេះសំណាលបានប្រព្រឹត្តទៅនៅបរិវេណមហាវិទ្យាល័យតម្រួតប្រជាជន ទីក្រុងហូជីមិញ ដោយមានការអញ្ជើញចូលរួមពីគណៈប្រតិភូក្រសួងមហាផ្ទៃ និងសិក្ខាកាមជាមន្ត្រីក្រសួងមហាផ្ទៃជាង២០០នាក់។  លោក រ៉េន រតនៈ ជំនួយការ និងជាអ្នកនាំពាក្យឯកឧត្តមអភិសន្តិបណ្ឌិត បានឱ្យដឹងថា នាឱកាសនោះ ឯកឧត្តមអភិសន្តិបណ្ឌិត ឧបនាយករដ្ឋមន្ត្រី ក្នុងនាមសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងកោតសរសើរ និងលើកទឹកចិត្តមន្ត្រីសិក្ខាកាម ដោយបានមានប្រសាសន៍ថា សិក្ខាកាមត្រូវតែមានមោទនភាពចំពោះអង្គភាព និងក្រុមគ្រួសារ ដែលបង្កលក្ខណៈ និងគាំទ្រឱ្យបានមកទទួលការបណ្តុះបណ្តាល នៅសាធារណរដ្ឋសង្គមនិយមវៀតណាម ដើម្បីយកចំណេះជំនាញ បទពិសោធយកទៅបំពេញភារកិច្ចបម្រើជាតិ និងប្រជាជន ក៏ដូចជាមនុស្សជាតិ។  បើតាមលោក រ៉េន រតនៈ ឯកឧត្តមអភិសន្តិបណ្ឌិតបានមានប្រសាសន៍ថា ការមកសិក្សានៅក្រៅប្រទេស មិនថានៅប្រទេសវៀតណាម ឬប្រទេសណាទេ ជាផ្នែកមួយនៃការពង្រឹងធនធានមនុស្សរបស់រាជរដ្ឋាភិបាល និងដោយឡែកក្រសួងមហាផ្ទៃ ក្នុងការធានាគុណភាពធនធានមនុស្សក្នុងជួរកងកម្លាំងឱ្យកាន់តែមានសមត្ថភាព ចំណេះជំនាញ និងបទពិសោធ ដូចដែលសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានដាក់ចេញនូវយុទ្ធសាស្ត្របញ្ចកោណ Read more