លោកជំទាវឧត្តមសេនីយ៍ឯក ម៉ាលី សុជាតា អនុរដ្ឋលេខាធិការ និងជាអ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា នៅល្ងាចថ្ងៃទី១២ ខែវិច្ឆិកា ឆ្នាំ២០២៥នេះ បានចេញមកបញ្ជាក់ថា វេលាម៉ោងប្រមាណ១៥៖៥០នាទី យោធាថៃបានបើកការបាញ់ប្រហារមកលើប្រជាពលរដ្ឋខ្មែរ នៅក្នុងភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ដែលយោងតាមព័ត៌មានបឋមពីអាជ្ញាធរមូលដ្ឋាន ករណីនេះបង្កការរបួសជនស៊ីវិលចំនួន៥រូប។ ការបើកការវាយប្រហារនេះ ធ្វើឡើងបន្ទាប់ពីយោធាថៃ បានធ្វើសកម្មភាពបង្កហេតុជាច្រើន រាប់មិនអស់ច្រើនថ្ងៃមកហើយ ក្នុងចេតនាញុះញង់ដើម្បីនាំដល់ការប៉ះទង្គិចគ្នា។ ក្រសួងការពារជាតិ នៃព្រះរាជាណាចក្រកម្ពុជា សូមប្រកាសថ្កោលទោសយ៉ាងដាច់អហង្ការចំពោះទង្វើអមនុស្សធម៌ ដ៏សាហាវឃោរឃៅនេះ ហើយនេះបង្ហាញយ៉ាងច្បាស់ កាលដែលភាគីថៃបានរំលោភបំពានលើ «សេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពរវាងកម្ពុជា និងថៃ» ដែលភាគីទាំងពីរបានចុះហត្ថលេខាកាលពីថ្ងៃទី២៦ ខែតុលា ឆ្នាំ២០២៥ ដែលចុះហត្ថលេខា ដោយនាយករដ្ឋមន្ត្រីនៃប្រទេសកម្ពុជា និងថៃ ក្រោមសាក្សីរបស់លោក ដូណាល់ ត្រាំ ប្រធានាធិបតីសហរដ្ឋអាម៉េរិក និងលោក អាន់វ៉ា អ៊ីប្រាហ៊ីម នាយករដ្ឋមន្ត្រីម៉ាឡេស៊ី និងជាប្រធានអាស៊ាន។ ក្នុងន័យនេះ កម្ពុជាសូមអំពាវនាវឱ្យសហគមន៍អន្តរជាតិថ្កោលទោសយ៉ាងម៉ឺងម៉ាត់ ចំពោះការរំលោភបំពានសេចក្តីថ្លែងការណ៍រួម ស្តីពីកិច្ចព្រមព្រៀងសន្តិភាពរវាងកម្ពុជា និងថៃ និងសកម្មភាពខុសច្បាប់របស់ថៃ ម្តងហើយម្តងទៀតនេះ ដោយទាមទារឱ្យថៃទទួលខុសត្រូវទាំងស្រុងចំពោះការរំលោភបំពានដ៏កំរោលនេះ។ កម្ពុជាអំពាវនាវឱ្យថៃបញ្ឈប់រាល់អរិភាពជាបន្ទាន់ ដែលគំរាមកំហែងដល់សន្តិភាព និងស្ថិរភាពនៅក្នុងតំបន់។ ទន្ទឹមនឹងនេះ កម្ពុជាអំពាវនាវឱ្យភាគីថៃងាកមកគោរពកិច្ចព្រម ព្រៀមបទឈប់បាញ់ Read more

បន្ទាយមានជ័យ៖ ជនសង្ស័យចំនួនចំនួន៣៧ នាក់ ក្នុងនោះមានស្រ្តី០៨នាក់ ត្រូវបានកម្លាំងសមត្ថកិច្ចចម្រុះឃាត់ខ្លួន ក្នុងប្រតិបត្តិការចុះត្រួតពិនិត្យឆែកឆេរ កាលពីថ្ងៃទី១១ ខែវិច្ឆិកា ឆ្នាំ២០២៥ នៅទីតាំងកាស៊ីណូម៉ារីណាន ស្ថិតក្នុងបុរីសានហូរ ក្រុងប៉ោយប៉ែត ខេត្តបន្ទាយមានជ័យ ក្រោយការស្រាវជ្រាវរបស់សមត្ថកិច្ចជំនាញបានបង្ហាញ ថាមានការសង្ស័យ មានការលបលួចប្រព្រឹត្តបទល្មើសឆបោកតាមប្រព័ន្ធ បច្ចេកវិទ្យា (Online Scam)។ ជនសង្ស័យដែលបានឃាត់ខ្លួនទាំង៣៧នាក់នោះមានជនជាតិចិនចំនួន ៥នាក់, ឥណ្ឌូនេស៊ីចំនួន ៣០នាក់ និងជនជាតិខ្មែរ២នាក់ផងដែរ ត្រូវបានសង្ស័យថាជាប់ពាក់ព័ន្ធនឹង ការប្រព្រឹត្តសកម្មភាពឆបោកតាម ប្រព័ន្ធបច្ចេកវិទ្យា មានគោលដៅចំពោះពលរដ្ឋនៅក្នុងប្រទេសផ្សេងៗ ក្រោមរូបភាពក្លែងបន្លំជាសមត្ថកិច្ច, ការក្លែងបន្លំនិងផ្តល់កម្ចីអនឡាញ, បន្លំជាអាជីវកម្មប្តូរប្រាក់ខុសច្បាប់ទៅប្រទេសដទៃ និងការប្តូររូបិយប័ណ្ណឌីជីថល។ ក្នុងប្រតិបត្តិការ សមត្ថកិច្ចបានដកហូតសម្ភារៈជា វត្ថុតាង រួមមានកុំព្យូទ័រចំនួន៦៥គ្រឿង ទូរសព្ទចំនួន៦៣គ្រឿង និងអត្តសញ្ញាណបណ្ណសញ្ជាតិថៃចំនួន ២៦កាត ។ ប្រតិបត្តិការនេះ ត្រូវបានអនុវត្តដោយកម្លាំងចម្រុះនៃអគ្គស្នងការដ្ឋាន នគរបាលជាតិ, គណៈបញ្ជាការឯកភាពខេត្តបន្ទាយមានជ័យ អាជ្ញាធរពាក់ព័ន្ធក្នុងខេត្ត ដោយមានការចូលរួមសម្របសម្រួលពី លេខាធិការដ្ឋានគណៈកម្មការចំពោះកិច្ចប្រយុទ្ធប្រឆាំងការ ឆបោកតាម ប្រព័ន្ធបច្ចេកវិទ្យា (គ.ប.ឆ.ប.) ព្រមទាំងសម្របសម្រួលនីតិវិធីពីលោកសំរឹទ្ធ សុខុនព្រះរាជអាជ្ញារងនៃអយ្យការអមសាលាដំបូងខេត្តបន្ទាយមានជ័យ ដោយបានចុះត្រួតពិនិត្យនៅទីតាំងសង្ស័យ និងបានឈានដល់ការឃាត់ខ្លួន ជនសង្ស័យជាប់ពាក់ព័ន្ធនឹងការប្រព្រឹត្តការឆបោកតាមប្រព័ន្ធ បច្ចេកវិទ្យា ដូចបានរៀបរាប់ខាងលើនេះ។ ក្រោយការបង្រ្កាបនេះ សមត្ថកិច្ចជំនាញ បច្ចុប្បន្នកំពុងសហការជាមួយ Read more

បើតាមការលើកឡើងរបស់ការិយាល័យរដ្ឋអាជ្ញានៃទីក្រុងអ៊ីស្តង់ប៊ុលបានឱ្យដឹងថា ខ្លួនបានចេញដីកាចាប់ខ្លួន នាយករដ្ឋមន្ត្រី អ៊ីស្រាអែល លោក Benjamin Netanyahu មន្ត្រីរដ្ឋាភិបាល និងយោធាជាន់ខ្ពស់ជាច្រើន  រូបពីបទបានប្រព្រឹត្តអំពើប្រល័យពូជសាសន៍។ នេះបើយោងតាមការចេញផ្សាយដោយសារព័ត៌មាន Tass។  ការិយាល័យរដ្ឋអាជ្ញាបានឱ្យដឹងថា “តាមសំណើរបស់ការិយាល័យរដ្ឋអាជ្ញាទទួលបន្ទុកសំណុំរឿងព្រហ្មទណ្ឌនៅទីក្រុងអ៊ីស្តង់ប៊ុល បានចេញដីកាចាប់ខ្លួនមនុស្សចំនួន ៣៧នាក់ រួមមាននាយករដ្ឋមន្ត្រី អ៊ីស្រាអែល លោក Benjamin Netanyahu រដ្ឋមន្ត្រីក្រសួងការពារជាតិ រដ្ឋមន្ត្រីសន្តិសុខជាតិអ៊ីស្រាអែល ប្រធានអគ្គសេនាធិការកងទ័ព អ៊ីស្រាអែល និងមេបញ្ជាការកងទ័ពជើងទឹកអ៊ីស្រាអែល ពីបទចោទប្រកាន់ប្រឆាំងនឹងមនុស្សជាតិក្រោម មាត្រា ៧៧ នៃក្រមព្រហ្មទណ្ឌ និងបទចោទប្រកាន់ប្រល័យពូជសាសន៍ក្រោមមាត្រា ៧៦ នៃក្រមព្រហ្មទណ្ឌរបស់ប្រទេសតួកគី។  គួរបញ្ជាក់ថា ជាលទ្ធផលនៃការប្រល័យពូជសាសន៍ និងឧក្រិដ្ឋកម្មប្រឆាំងនឹងមនុស្សជាតិ ដែលអ៊ីស្រាអែលបានប្រព្រឹត្តជាប្រព័ន្ធនៅតំបន់ហ្គាហ្សា គឺបានធ្វើឱ្យមនុស្សរាប់ពាន់នាក់ រួមទាំងស្ត្រី និងកុមារផងដែរបានស្លាប់ មនុស្សជាច្រើនបានរងរបួស និងតំបន់លំនៅឋានត្រូវបានរងការបំផ្លិចបំផ្លាញយ៉ាងធ្ងន់ធ្ងរ៕

កិច្ចសហប្រតិបត្តិការកម្ពុជា-កូរ៉េ ក្នុងវិស័យសន្តិសុខ បានបោះជំហានទៅមុខប្រកបដោយទំនុកចិត្ត និងភាពប្រាកដនិយម។ នារសៀលថ្ងៃទី១០ ខែវិច្ឆិកា ឆ្នាំ២០២៥ ឯកឧត្ដមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានទទួលជួបពិភាក្សាការងារ ជាមួយ ឯកឧត្តម Cho Hyun រដ្ឋមន្រ្តីក្រសួងការបរទេសកូរ៉េ នៅទីស្ដីការក្រសួងមហាផ្ទៃ។ ឯកឧត្ដមអភិសន្តិបណ្ឌិត ស សុខា និង ឯកឧត្តម Cho Hyun បានវាយតម្លៃខ្ពស់ ចំពោះទំនាក់ទំនងដ៏ល្អ និងកិច្ចសហប្រតិបត្តិការកងកម្លាំង អនុវត្តច្បាប់រវាងភាគីទាំងពីរ កម្ពុជា-កូរ៉េ ពិសេសការផ្ដល់កិច្ចសហការផ្លាស់ប្ដូរព័ត៌មាន និងគាំទ្រគ្នាទៅវិញទៅមក ដើម្បីបង្ក្រាបបទល្មើសដែលកើតមាននៅកម្ពុជា និងកូរ៉េ រួមទាំងនៅបណ្ដាប្រទេសផ្សេងទៀត ក្នុងនោះក៏មានការទប់ស្កាត់ និងបង្ក្រាបបទល្មើសតាមប្រព័ន្ធអនឡាញ ។ ឯកឧត្តមអភិសនិ្តបណ្ឌិត ក៏បានថ្លែងអំណរគុណដល់រដ្ឋាភិបាលសាធារណរដ្ឋកូរ៉េ ដែលតែងតែជួយឧបត្ថម្ភគាំទ្រ និងផ្តល់កិច្ចសហការល្អ ដើម្បីរួមចំណែកក្នុងបុព្វហេតុនៃការថែរក្សាសន្តិសុខ សណ្តាប់ធ្នាប់សាធារណៈ និងសុវត្ថិភាពសង្គមនារយៈពេលកន្លងមក បានកាន់តែប្រសើរឡើងថែមទៀត។ ឯកឧត្តម Cho Hyun រដ្ឋមន្រ្តីក្រសួងការបរទេសកូរ៉េ ក៏បានថ្លែងអំណរគុណចំពោះ ឯកឧត្ដម អភិសន្តិបណ្ឌិត ដែលបានទទួលជួបពិភាក្សាប្រកបដោយមិត្តភាព។ ប្រមុខការទូតកូរ៉េ ក៏បានបង្ហាញក្ដីសង្ឃឹមជឿជាក់ថាទំនាក់ទំនងរវាងក្រសួងទាំងពីរ នឹងបន្តរីកលូតលាស់ជាលំដាប់ បង្កលក្ខខណ្ឌកាន់តែសមស្របដល់ការបំពេញបេសកកម្មពង្រឹងការអនុវត្តច្បាប់ សំដៅរួមចំណែកសម្រេចឱ្យបានជោគជ័យនូវគម្រោង Read more

លោក ជា ធីរិទ្ធ បានថ្លែងថា ករណីតុលាការព្រហ្មទណ្ឌរបស់ប្រទេសថៃបានចេញដីកាចាប់ខ្លួនឯកឧត្តម លី យ៉ុងផាត សមាជិកព្រឹទ្ធសភា គឺជាល្បែងនយោបាយប្រជាភិថុតិតែប៉ុណ្ណោះ ។ តុលាការព្រហ្មទណ្ឌថៃបានចេញដីកាឲ្យចាប់ខ្លួនឯកឧត្តម លី យ៉ុងផាត ព្រមទាំងរឹបអូសផ្ទះសម្បែង និងគណនីធនាគារដែលឧកញ៉ា លី យ៉ុងផាត មាននៅប្រទេសថៃ ក្រោមបទចោទប្រកាន់ជាច្រើនករណី ។ លោក ជា ធីរិទ្ធ អ្នកនាំពាក្យព្រឹទ្ធសភាបានឲ្យដឹងនៅថ្ងៃទី១០ ខែវិច្ឆិកា ឆ្នាំ២០២៥ថា ចំពោះការចេញដីកានេះគឺជាល្បែងនយោបាយប្រជាភិថុតិរបស់ភាគីម្ខាងទៀត ក្នុងគោលដៅដើម្បីបន្តុះបង្អាប់ និងបង្ខូចកិត្តិយសរបស់កម្ពុជានៅលើឆាកអន្តរជាតិប៉ុណ្ណោះ ។ លោកបន្ថែមថា “ឯកឧត្តម លី យ៉ុងផាត គឺជាសមាជិកព្រឹទ្ធសភារបស់កម្ពុជា ហើយមានអភ័យឯកសិទ្ធិ ។ លោកជាពលរដ្ឋខ្មែរ អីចឹងទទួលបានការពារក្នុងរដ្ឋធម្មនុញ្ញរបស់កម្ពុជាដែលបានចែងយ៉ាងច្បាស់គឺមិនអនុញ្ញាតឲ្យបញ្ជូនពលរដ្ឋខ្មែរទៅឲ្យប្រទេសណាមួយនោះទេ ។ ដូច្នេះការចេញដីកាចាប់ខ្លួនឧកញ៉ា លី យ៉ុងផាត របស់តុលាការថៃ គឺជាការស្រមើលស្រម៉ៃ ជាល្បែងនយោបាយប្រជាភិថុតិ ក្នុងគោលដៅតែមួយគត់គឺបង្ខូចកេរ្តិ៍ឈ្មោះកម្ពុជា” ។  ជាមួយនឹងការចេញដីកាចាប់ខ្លួន សមាជិកព្រឹទ្ធសភាកម្ពុជានេះ អ្នកនាំពាក្យព្រឹទ្ធសភាបានផ្ញើសារផ្តាំទៅប្រជាពលរដ្ឋថា កុំជ្រួលជ្រើម និងចាប់អារម្មណ៍ព្រោះគ្មានផ្តល់ផលចំណេញអ្វីនោះទេ ៕

ជនសង្ស័យចំនួន ២៦៣នាក់ (ស្ត្រី ១៧នាក់) ត្រូវបានកម្លាំងសមត្ថកិច្ចឃាត់ខ្លួន ក្នុងប្រតិបត្តិការចុះត្រួតពិនិត្យឆែកឆេរ ទីតាំងអតីតកាស៊ីណូ ហ្គាឡាក់ស៊ី វើលដ៍ ស្ថិតនៅក្រុមទី៦ ភូមិ៤ សង្កាត់លេខ៤ ក្រុង-ខេត្តព្រះសីហនុ ក្រោមការសង្ស័យថា មានការលបលួចប្រព្រឹត្តបទល្មើសឆបោកតាមប្រព័ន្ធ បច្ចេកវិទ្យា (Online Scam)។ នេះបើយោងតាមរបាយការណ៍របស់សមត្ថកិច្ច ដែលទទួលបាននៅថ្ងៃទី១០ ខែវិច្ឆិកា ឆ្នាំ២០២៥។ ក្នុងរបាយការណ៍បានបញ្ជាក់ថា ជនសង្ស័យដែលបានឃាត់ខ្លួនទាំង ២៦៣នាក់នោះ មានជនជាតិប៉ាគីស្ថាន ១១នាក់ បង់ក្លាដេស២៣នាក់ ចិន ២០៧នាក់ (ស្ត្រី ៧នាក់) ស្ត្រីមីយ៉ាន់ម៉ា ៦នាក់ នេប៉ាល់ ៤នាក់ វៀតណាម ៧នាក់ (ស្ត្រី ៣នាក់) ម៉ាឡេស៊ី ៤នាក់ និងស្ត្រីជនជាតិឡាវ ១នាក់។ ចំណែកវត្ថុតាងដកហូត មានកុំព្យូទ័រលើតុ ៨៦០គ្រឿង ទូរសព្ទ ៤១២៩គ្រឿង កុំព្យូទ័រយួរដៃ ១៦គ្រឿង និងiPad ១៤គ្រឿង។ ប្រតិបត្តិការនោះបានធ្វើឡើងកាលពីថ្ងៃទី៩ ខែវិច្ឆិកា ឆ្នាំ២០២៥ ក្រោមការសម្របសម្រួលពីលេខាធិការដ្ឋាន នៃគណកម្មការចំពោះកិច្ចប្រឆាំងបទល្មើស ឆបោកតាមប្រព័ន្ធបច្ចេកវិទ្យា (គ.ប.ឆ.ប.) Read more

កម្លាំងនគរបាលជំនាញប្រឆាំងបទល្មើសគ្រឿងញៀន បានបញ្ជាក់ថា នៅយប់រំលងអាធ្រាត្រឈានចូលថ្ងៃទី១០ ខែវិច្ឆិកា ឆ្នាំ២០២៥ កម្លាំងនគរបាលជំនាញបានឆ្មក់ចូលបង្ក្រាបករណីជួញដូរ និងប្រើប្រាស់គ្រឿងញៀន នៅក្លឹបកម្សាន្តមួយកន្លែងកណ្តាលក្រុងបាវិត ឃាត់ខ្លួនជនសង្ស័យជាង៣០០នាក់ រឹបអូសបានថ្នាំញៀនមួយចំនួន។ ប្រតិបត្ដិការនេះ អនុវត្តតាមបទបញ្ជារបស់នាយឧត្តមសេនីយ៍ ស ថេត អគ្គស្នងការនគរបាលជាតិ និងឧត្តមសេនីយ៍ឯក ប៊ុន ប៉ាម៉ារីលុច អគ្គស្នងការរងទទួលដឹកនាំ មន្ទីរប្រឆាំងបទល្មើសគ្រឿងញៀន និងឧត្តមសេនីយ៍ឯក ព្រុំ សន្ធរ អគ្គស្នងការរងទទួលសហការដឹកនាំមន្ទីរប្រឆាំងគ្រឿនញៀន និងដឹកនាំបញ្ជាផ្ទាល់ពីឧត្តមសេនីយ៍ឯក ឃឹង សារ៉ាត់ នាយកមន្ទីរប្រឆាំងបទល្មើសគ្រឿងញៀន។ នៅថ្ងៃទី១០ ខែវិច្ឆិកា ឆ្នាំ២០២៥ វេលាម៉ោង ០១ និង៣០នាទីរំលងអាធ្រាត្រ កម្លាំងនៃមន្ទីរប្រឆាំងបទល្មើសគ្រឿងញៀន សហការជាមួយស្នងការដ្ឋានខេត្តស្វាយរៀង ដោយមានការដឹកនាំសម្របសម្រួលពីព្រះរាជអាជ្ញារង នៃអយ្យការអមសាលាដំបូងខេត្តស្វាយរៀង លោក ឡាយ ជុងហេង បានបង្រ្កាបករណីរក្សារទុក ជួញដូរ ចាត់ចែងសម្រួលអោយប្រើប្រាស់ និងប្រើប្រាស់នូវសារធាតុញៀន នៅក្លឹបមួយកន្លែងឈ្មោះ ក្លឹបកំសាន្តអន្តរជាតិបាវិត ឋិតនៅចំណុចក្រុងបាវិត សង្កាត់បាវិត ខេត្តស្វាយរៀង។ សម្រាប់ប្រតិបត្តិការនេះ កម្លាំងនគរបាលចាប់ខ្លួនជនល្មើសជាង៣០០នាក់ ជនជាតិខ្មែរ ជនជាតិចិន និងជនជាតិវៀតណាម ព្រមទាំងដកហូតថ្នាំញៀនមួយចំនួន, ឧបករណ៍សម្រាប់ប្រើប្រាស់គ្រឿងញៀន មួយចំនួនធំ, ទូរស័ព្ទដៃ និងរថយន្ត​មួយចំនួន​ផងដែរ។ Read more

ប្រជាពលរដ្ឋខ្មែរចងចាំក្នុងក្រអៅបេះដូងមិនអាចបំភ្លេចបានឡើយនូវព្រះរាជបូជនីយកិច្ចដ៏ឧត្តុងឧត្តមរបស់ព្រះព្រះមហាវីរក្សត្រខ្មែរ ព្រះករុណា ព្រះបាទសម្តេច នរោត្តម សីហនុព្រះបរមរតនកោដ្ឋ ក្នុងការតស៊ូទាមទារឯករាជ្យជូនជាតិមាតុភូមិ ពីអាណានិគមន៏និយមបានរាំង។ នៅថ្ងៃទី០៩ ខែវិច្ឆិកា ឆ្នាំ២០២៥ គឺជាខួប៧២ឆ្នាំ ដែលប្រទេសកម្ពុជាទាំងមូលបានរំដោះខ្លួនទាំងស្រុងចេញពីអាណានិគមន៍និយមបារាំង ក្រោមព្រះរាជបូជនីយកិច្ចដឹកនាំដ៏ឆ្លៀសវៃរបស់ ព្រះករុណា ព្រះបាទសម្តេច នរោត្តម សីហនុ ព្រះមហាវីរក្សត្រ ព្រះបរមរតនកោដ្ឋ សម្តេចតា សម្តេចតាទួតនៃយើង ហើយបានធ្វើឱ្យប្រទេសជាតិមានសុខសន្តិភាព និងការអភិវឌ្ឍលើគ្រប់វិស័យ ។  ប្រជាពលរដ្ឋដែលបានមកចូលរួមកម្មវិធីទិវាបុណ្យឯករាជ្យជាតិ៩វិច្ចកាខួបលើកទី៧២ឆ្នាំ មានចិត្តសប្បាយរីករាយក្រៃលែង ដែលប្រទេសកម្ពុជាយើងបានរួចផុតពីរការដាក់អាណានិគមន៏និយមបារាំងនៅឆ្នាំ១៩៥៣ ។ ក្រោយពីប្រទេសកម្ពុជាយើងទទួលបានឯករាជ្យនៅឆ្នាំ ១៩៥៣ ក្រោមព្រះរាជបូជនីយកិច្ចដឹកនាំដ៏ឆ្លៀសវៃរបស់ ព្រះករុណា ព្រះបាទសម្តេច នរោត្តម សីហនុ ព្រះមហាវីរក្សត្រ ព្រះបរមរតនកោដ្ឋ មកដល់បច្ចុប្បន្ននេះ ប្រទេសជាតិយើងបានប្រែមុខមាត់ថ្មី មានការអភិវឌ្ឍនលើគ្រប់វិស័យជាច្រើនទាំងហេដ្ឋារចនាសម្ព័ន្ធ អគារតូចធំ សេដ្ឋកិច្ច និងមានមុខមាត់នៅលើកឆាក់អន្តរជាតិផងដែរ។  « បុណ្យឯករាជ្យលើកទី៧២ គឺព្រះករុណាព្រះអង្គមានការខិតខំ គ្រប់កិច្ចការទាំងអស់ អំពីចលនាទាមទារឯករាជ្យពីបារាំង និងការចរចាលើកិច្ចការជាច្រើន ដើម្បីឱ្យប្រជាពលរដ្ឋយើងរួចផុតពីការគ្រប់គ្រងរបស់បរទេស ហើយកម្ពុជាទទួលបានឯករាជ្យនៅឆ្នាំ១៩៥៣ បានធ្វើឱ្យប្រជាពលរដ្ឋរស់នៅក្នុងជីវភាពប្រចាំថ្ងៃរហូតមកដល់ពេលនេះគឺបងប្អូនប្រជាពលរដ្ឋយើងមានជីភាពធូរធាររស់នៅដោយសុខដុមរមនារហូតតរៀងមកដល់សព្វថ្ងៃ»នេះ»។ សូមបញ្ជាក់ថា ប្រទេសកម្ពុជាតែងតែប្រារព្ធទិវាបុណ្យឯករាជ្យជាតិនេះជារៀងរាល់ឆ្នាំ ដែលមានពិធីប្រទានភ្លើងទៀនជ័យ រំឭកគុណអ្នកស្នេហាជាតិ ដែលបានពលីជីវិត ទាមទារឯករាជ្យពីពួកអាណានិគមបារាំង ហើយពិធីបុណ្យត្រូវបានធ្វើឡើងជារៀងរាល់ឆ្នាំ នៅថ្ងៃទី៩ Read more

នៅរសៀលថ្ងៃទី៧ ខែវិច្ឆិកា ឆ្នាំ២០២៥ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន បានជួបសំណេះសំណាលជាមួយអ្នកសារព័ត៌មានដែលបំពេញការងាររាយការណ៍ពេលយប់ក្នុងរាជធានីភ្នំពេញ និងតាមខេត្តនានា ដើម្បីណែនាំ និងលើកទឹកចិត្តឱ្យអនុវត្តតាមក្រមសីលធម៌វិជ្ជាជីវៈ និងធម្មនុញ្ញវិជ្ជាជីវៈសារព័ត៌មានឱ្យបានខ្ជាប់ខ្ជួន។ ជំនួបនេះបានចាត់ចែងនៅសាលមណ្ឌលណ្តុះបណ្តាល និងវិក្រឹតការវិជ្ជាជីវៈសារព័ត៌មាន នៃទីស្តីការក្រសួងព័ត៌មាន ដោយមានការចូលរួមរបស់ថ្នាក់ដឹកនាំក្រសួងជាច្រើនរូប។ ក្នុងឱកាសនេះ ឯកឧត្តមរដ្ឋមន្ត្រី បានរំលឹកឲ្យអ្នកសារព័ត៌មានគ្រប់រូប ត្រូវប្រកាន់ខ្ជាប់លើ ការពិត និងប្រភពច្បាស់លាស់ នៅពេលផ្សព្វផ្សាយព័ត៌មាន ដើម្បីជៀសវាងហានិភ័យនៃការផ្សព្វផ្សាយព័ត៌មានខ្វះការផ្ទៀងផ្ទាត់។ ឯកឧត្តមបានសូមឲ្យអ្នកសារព័ត៌មាន ទប់ស្កាត់ការផ្សព្វផ្សាយរូបភាព និងវីដេអូមានលក្ខណៈហិង្សាខ្លាំង ឬអាសអាភាស ដែលអាចប៉ះពាល់ដល់អារម្មណ៍សាធារណជន។ ឯកឧត្តមរដ្ឋមន្ត្រី ក៏បានបញ្ជាក់ថា អ្នកសារព័ត៌មាន មិនមែនជាមន្ត្រីនគរបាល ឬតុលាការ ហើយមិនមានសិទ្ធិកាត់សេចក្តីថាបុគ្គលណាមានកំហុស ឬត្រូវទេ។ ដូច្នេះ មុនផ្សព្វផ្សាយព័ត៌មានណាមួយ ត្រូវផ្អែកលើការពិតប្រកបដោយការទទួលខុសត្រូវ។ បន្ថែមទៀត ឯកឧត្តមបានណែនាំមិនឱ្យធ្វើបទសម្ភាស ឬផ្សព្វផ្សាយចំពោះជនដែល ស្រវឹង, បាត់បង់ស្មារតី, ឬ សង្ស័យប្រើប្រាស់គ្រឿងញៀន ព្រោះអាចបណ្តាលឱ្យកើតផលវិបាកលើអត្តសញ្ញាណ និងសិទ្ធិតាមច្បាប់របស់បុគ្គលទាំងនោះ។ នៅចុងបញ្ចប់ ឯកឧត្តមរដ្ឋមន្ត្រី បានថ្លែងអំណរគុណចំពោះអ្នកសារព័ត៌មានដែលបានបំពេញការងារដោយវិជ្ជាជីវៈ និងសូមអំពាវនាវឱ្យម្ចាស់មេឃ្យផ្សព្វផ្សាយលើកទឹកចិត្តការផលិតខ្លឹមសារដែលមានគុណភាព ឱ្យអភិវឌ្ឍវិស័យព័ត៌មានឱ្យកាន់តែមានជំនឿទុកចិត្តពីសាធារណជន៕

ក្រុមការងារ​សម្របសម្រួល​ចម្រុះ (JCTF) កម្ពុជា​-​ថៃ លើ​ការងារ​ដោះ​មីន​មនុស្ស ធម៌​ បាន​ប្រគល់​ភារកិច្ច​ជូនក្រុមការងារ​នៃ​មជ្ឈមណ្ឌល​សកម្មភាព​កំចាត់​មីន​កម្ពុជា (CMAC) និង​ក្រុមការងារ​នៃ​មជ្ឈមណ្ឌល​សកម្មភាព​កំចាត់​មីន​ថៃ (TMAC) ឱ្យ​ជួប​ប្រជុំ​ពិភាក្សា​ការងារ​បច្ចេក ទេស ដើម្បី​ពិនិត្យ​តំបន់​សាកល្បង​ក្នុង​តំបន់​អាទិភាព​នៅ​ព្រំដែន ដែល​ស្ថិត​នៅ​ឃុំ​អូរ​បី​ជាន់ ស្រុក​អូរ​ជ្រៅ ខេត្តបន្ទាយមានជ័យ ព្រះរាជាណាចក្រ​កម្ពុជា ទល់មុខឃុំ​ណូ​ន​ម៉ាក​ម៉ូ​ន ស្រុក​គោក​ស៊ូ​ង ខេត្ត​ស្រះ​កែវ ព្រះរាជាណាចក្រ​ថៃ​ ។ នេះ​បើ​តាម​ការ​បញ្ជាក់​លើ​បណ្តាញ​សង្គម​ហ្វេ​ស​ប៊ុ​ក​របស់​ឯកឧត្តម ឧបនាយករដ្ឋមន្ត្រី ទៀ សីហា រដ្ឋ​ម​ន្ត្រ៏​ក្រសួងការពារជាតិ​កម្ពុជា​ ។ ឯកឧត្តម​បាន​ថ្លែង​បញ្ជាក់​នៅ​រសៀល​ថ្ងៃ​ទី​៧ ខែវិច្ឆិកា ឆ្នាំ​២០២៥​បានឱ្យ​ដឹង​ថា នៅ​វេលា​ម៉ោង១២ និង០៥​នាទី​ថ្ងៃ​ត្រង់នេះ កិច្ចប្រជុំ​ពិភាក្សា​រវាង​កម្ពុជា​-​ថៃ​បាន​រៀបចំ​ឡើង ស្រប​តាម​ការ​សម្រេច​របស់​ក្រុមការងារ​សម្របសម្រួល​ចម្រុះ (JCTF) នៅ​ក្នុង​កិច្ចប្រជុំ​កាលពី​ថ្ងៃ​ទី​៣១ ខែតុលា ឆ្នាំ​២០២៥​កន្លង​ទៅ​។ លើ​បណ្តាញ​សង្គម​ដដែល​ ឯកឧត្តម​បាន​គូសបញ្ជាក់​ថា​ «​កិច្ចប្រជុំ​នេះ​ ប្រព្រឹត្ត​ទៅ​ក្រោម​ការ​សង្កេតការណ៍​របស់​ក្រុម​អ្នក​សង្កេតការណ៍​អាស៊ាន (AOT) ដើម្បី​តាមដាន និង​ផ្ទៀងផ្ទាត់​» ​។ គួរ​​បញ្ជាក់​ថា ការ​ជួប​ប្រជុំ​ពិភាក្សា និង​ការ​អនុវត្ត​ការងារ​ត្រូវ​តែ​គោរព​តាម​គោលការណ៍ និង​និយាម​នីតិវិធី​ប្រតិបត្តិ (SOP) ដែល​ក្រុមការងារ​សម្របសម្រួល​ចម្រុះ (JCTF) នៃ​ប្រទេស​ទាំង​ពីរ​បាន​ឯក​ភាព​គ្នា​។ ជាមួយ​គ្នា​នេះ ការងារ​ដោះ​មីន​មនុស្សធម៌​នេះ​ត្រូវ​គោរព​តាម​គោលការណ៍​ការពារ​អធិប​តេយ្យ និង​បូរណភាព​ទឹកដី​ដោយ​ម៉ឺងម៉ាត់ ព្រមទាំង​ឈរ​លើ​ស្មារតី​គោរព​គ្នា​ទៅ​វិញ​ទៅ​មក​៕